Форма каманд: чырвоныя футболкі, белыя трусы - зялёныя футболкі, жоўтыя трусы.

Сёння наша каманда правядзе першы з запланаваных у межкругавую паўзу двух кантрольных матчаў. Матч пройдзе ў Дзяржынску на Гарадскім стадыёне, пачатак сустрэчы ў 17:00.

Усе пяць патэнцыйных навабранцаў едуць на матч і атрымаюць свой час, каб паказаць усё, на што яны здольныя. Нагадаем, што на гэтым тыдні да трэніровак каманды далучыліся расейцы Філіп Рудзік, Андрэй Чурын, Канстанцін Белоў і Мікіта Васільеў,а таксама гулец нацыянальнай зборнай Кыргызстана Бахціяр Дуйшабекаў. Ёсць вялікая верагоднасць таго, што на матч прыедзе яшчэ некалькі футбалістаў, якія прымуць удзел у матчы надзеўшы футболку гродзенскага клуба. Сачыце за навінамі.

СУПРАЦЬ УЗБЕКАЎ

У афіцыйных матчах шляхі-дарогі гарадзенскага «Нёмана» з прадстаўнікамі ўзбекскага футбола перасекліся толькі ў сезоне 1969 года. Той год стаў адзіным у гісторыі клуба, калі каманда трапіла ў групу, дзе сабраліся каманды з рэгіёну Каўказа і Сярэдняй Азіі. Дарэчы, па выніках таго сезону «Нёман» апусціўся ў трэці дывізіён, хоць і заняў 14-е месца з 21 каманды, якая ўдзельнічала ў турніры . Справа ў тым, што гродзенцы прапусцілі наперад другога прадстаўніка ад БССР. «Нёман» і брэсцкі «Спартак» набралі аднолькавую колькасць ачкоў, аднак гродзенцы саступілі па дадатковых паказчыках. А гэта значыла, што яго там чакала дуэль з «Гомсельмашам». Адстаяць сваё права выступаць у другім па сіле дывізіёне краіны не ўдалося, хоць і тут мы не саступілі суперніку - у гасцях згулялі 0:0, а дома 3:3. Хоць, як выявілася, усё гэта было справай марнай. Наступны сезон абедзве каманды правялі ў трэцім дывізіёне. У справу ўмяшаліся чарговыя рэформы чэмпіянату.

Дык вось, у 1969 году гродзенцы сустракаліся з двума прадстаўнікамі Узбекскай ССР. Наша каманда саступіла «Палітаддзелу» (Ташкенцкая вобласць) - дома 0:0, у гасцях 0:2, але была мацнейшай каманды «Заравшан» (Навоі) - дома 1:1, у гасцях 1:0. Такія вынікі цалкам адпавядалі выніковай расстаноўцы: «Палітаддзел» заняў 10-е месца, «Нёман» - 14-е, «Заравшан» - 17-е.

ЛАКАМАТЫЎ

Ташкенцкі «Лакаматыў» быў утвораны ў 2002 годзе, аднак за гэты перыяд часу абзавёўся ўжо дастатковай колькасцю трафеяў. Гэта і не дзіўна, бо галоўным спонсарам клуба з'яўляюцца «Узбекістанскія чыгункі». Упершыню чыгуначнікі паспрабавалі сіл у наймацнейшай лізе краіны на трэцім годзе свайго існавання. Сем сезонаў каманда ніяк не магла знайсці сваю гульню, тройчы дабіралася да 6 месцы і па выніках сезона 2010 года пакінула Вышэйшую Лігу Узбекістана. Растанне было хуткаплынным. Выйграўшы адразу чэмпіянат Першай Лігі, ташкентцы вярнулі сабе прапіску ў першым дывізіёне. На гэты раз кіраўніцтва не жадала гібець у сярэдзіне турнірнай табліцы і сабрала баявую каманду, якая вось ужо чатыры гады запар знаходзіцца на п'едэстале гонару. У 2012 годзе былі заваяваны бронзавыя медалі чэмпіянату, а затым тройчы срэбраныя. Прычым у 2013 і 2015 гадах «Лакаматыў» адстаў ад чэмпіёна усяго на адно ачко. У цяперашнім чэмпіянаце «Локо» пасля першага круга зноў ідзе другім, адстаючы ад «Бунедкора» на адно ачко. Праўда ў чыгуначнікаў ёсць адна гульня ў запасе.

ДАСЯГНЕННІ

Тройчы віцэ-чэмпіён Узбекістана (2013, 2014, 2015), бронзавы медаліст (2012)
Уладальнік Кубка Узбекістана (2014)
Уладальнік Суперкубка Узбекістана (2015)
Удзельнік групавога этапу Лігі чэмпіёнаў АФК (2015), удзельнік раўнда плэй-оф Лігі чэмпіёнаў АФК (2013, 2014)

ЗБОРЫ

У Беларусі, у рамках падрыхтоўкі да другога круга чэмпіянату, «Лакаматыў» запланаваў правесці дзве сустрэчы. 16-га ўзбекі павінны былі згуляць супраць мінскага «Дынама», а 19-га - мінскі клуб «Крумкачы». Аднак планы змяніліся, па меншай меры, першы матч нашы госці правядуць супраць гарадзенскай каманды. 21 ліпеня ташкентцы прыбудуць дадому, бо першы кубкавы матч трэба будзе згуляць ўжо 25.. У 1/4 фіналу ім трэба будзе згуляць з «Машъалом» з Мубарека, які з 19 ачкамі займае 10-е месца ў чэмпіянаце.

КАМАНДА

У Беларусь прыехала ўсяго 20 футбалістаў, хоць на афіцыйным сайце, ва ўзбекскай яго версіі, у ростеры значыцца 39 гульцоў. Прапусцяць беларускі этап падрыхтоўкі 4 зборніка, якія цяпер з нацыянальнай камандай знаходзяцца ў Аўстрыі. Гэта брамнік Ігнат Несцераў, абаронца Іслом Тухтаходжаеў, паўабаронца Джасур О. Хасанаў і нападнік Марат Бікмаеў.

Галоўны трэнер каманды Андрэй Мікляеў (07.09.1967) у мінулым прафесійны футбаліст. Выхаванец ташкенцкага «Пахтакор» гуляў на пазіцыі абаронцы, альбо паўабаронцы. У 2012 годзе вярнуўся ў «Лакаматыў» і ўваходзіў у трэнерскі штаб каманды, а ў 2015 годзе нейкі час выконваў абавязкі галоўнага трэнера «Лакаматыва». Са студня 2016 гады стаў галоўным трэнерам каманды.