Клуб заўзятараў

Мы размяшчаем заклік «Клуба Заўзятараў» (статут КЗ) уступаць у іх шэрагі. Далучайцеся, разам мы пераможам!

Увага заўзятараў ФК «Нёман»! Пачынае сваю дзейнасьць Клуб Заўзятараў (далей – КЗ) футбольнага клуба «Нёман».

Суполка КЗ будзе цесна ўзаемадзейнічаць з нашым футбольным клубам «Нёман». Для стварэння, арганізацыі і каардынацыі дзейнасці КЗ аб’ядналіся актыўныя заўзятары жоўта-зялёных.

Заўзятары «Нёмана» – гэта не проста жыхары горада, якія падтрымліваюць мясцовы клуб, гэта адданыя роднаму гораду людзі, для якіх каманда з’яўляецца сімвалам Гродна.

КЗ толькі пачынае сваю дзейнасць і кожный з вас мае магчымасць паўдзельнічаць у развіцці: прапаноўваць і дапамагчы рэалізоўваць цікавыя ідэі, якія будуць на карысць «Нёману» і яго заўзятарам!

Калі вы ўступаеце ў КЗ вы атрымоўваеце асабістую карту заўзятара з вашым фотаздымкам. Вы удзельнічаеце ў арганізацыйных сходах і сустрэчах КЗ, у жыцці футбольнага клуба, у розных яго мерапрыемствах, а таксама займаецеся сацыяльнай дзейнасцю з падтрымкай каманды.

Быць разам з футбольным клубам «Нёман» – гэта прэстыжна! Стань сапраўдным заўзятарам каманды!

Для ўступлення ў КЗ Футбольнага клуба «Нёман» вам патрэбна запоўніць анкету-заяву (руская мова ці беларуская мова) і даслаць яе на электронны адрас fan@fcneman.by, ці на адрас клуба: 230029, г.Гродна, вул. Камунальная 3. У анкеце абавязкова пакідайце свой нумар тэлефона для сувязі.

Потым Вам трэба будзе аплаціць першапачатковы ўступны ўнёсак, які складае 200 000 (дзвесце тысяч) беларускіх рублёў*.    

Узнёскі пойдуць на вырабленне карт заўзятараў, фотаздымкаў, друкаванай прадукцыі, развіцця клуба заўзятараў і іншых мэтаў, якія звязаны з дзейнасцю КЗ. Хочам адзначыць, што 10% ад суммы першапачатковага ўнёска пойдуць на дабрачынныя патрэбы.

У нас усе выдаткі празрыстыя і адкрытыя!  

Спытай сябе, што значыць для цябе наш любы горад? Што значыць для цябе каманда гэтага горада? Ці жадаеш неяк паўздзейнічаць на яе лёс? Ня будзь спажыўцом, будзь актыўным! Верым! Можам! Пераможам!

Па ўсіх дадатковых пытаннях звяртацца па нумары +375 29 899-1964

* у далейшым будзе прадугледжаны разумны штогадовы ўнёсак

Стаць адным з «Клуба Заўзятараў» не толькі прэстыжна, але і карысна!

Працуе партнёрская праграма, згодна з якой розныя кампаніі прадастаўляюць уладальнікам карт заўзятараў загадзя абумоўленыя зніжкі.

ГІСТОРЫЯ ФАН-РУХУ

Групоўка «Grodno Ultras» (раней «Neman Supporters 12») была заснавана ў 2007 годзе. Першапачаткова на матчы асноўнай каманды прыходзіла падтрымаць невялікая колькасць актыўных маладых людзей (да 50-ці чалавек), аднак ужо праз некалькі тураў была сабраная першая сотня заўзятараў. Фан-гурт не пакідала без увагі выязныя матчы, а таксама матчы дублюючага складу.

Варта адзначыць, што першапачаткова хлопцы з «Grodno Ultras» абгрунтаваліся на 9-м сектары, крыху пазней перабраліся на 12-й, ну а ў канцы першага сезона існавання аб'ядналіся са старажыламі фанацкага 21-га сектара, перамясціліся да іх і з поспехам сумесна і па гэты дзень падтрымліваюць каманду.

З 2008 па 2011 колькасць актыўных фанатаў расце і дасягае свайго піку ў 450-500 чалавек. Аднак ужо да канца сезону 2011 колькасць фанатаў якая падтрымлівае клуб значна зменшылася.

У сезоне 2014 на 21-м сектары стабільна збіралася ад 70 да 100 актыўных заўзятараў жоўта-зялёных. Невялікая колькасць фанатаў клуба арганізавана выязджае для падтрымкі сваёй любімай каманды ў іншыя гарады краіны.

У канцы сакавіка 2015 года было зарэгістравана Грамадскае аб'яднанне «Клуб заўзятараў футбольнага клуба «Нёман».