Форма каманд: сінія футболкі і трусы — белыя футболкі і трусы.

Барысаўскі БАТЭ з'яўляецца самым нязручным для гродзенскай каманды супернікам, з кім даводзілася ў чэмпіянаце сустракацца больш за пяць разоў. У 43 гульнях здабыта 5 перамог, да нічыёй даведзены восем матчаў, а ў астатніх сустрэчах жоўта-зялёныя цярпелі паразу. Калі браць з разліку 2 ачкі за перамогу, то гродзенцы ў гульнях з незмяняльнай чэмпіёнам апошніх гадоў ўзялі толькі 20,93% ачкоў. Менш гэты паказчык толькі ў супрацьстаянні з менскай «Атакай-Аўрай» – 20,00%, але тая ўжо даўно адышла ў нябыт, і паправіць непераканаўчую статыстыку проста не ўяўляецца магчымым.

У выпадку ж з БАТЭ такая магчымасць прысутнічае, аднак ачкі ў супрацьстаянні з барысаўскім клубам даюцца з вялікай цяжкасцю. Асабліва гэта тычыцца матчаў на выездзе. Ці варта нагадваць, што ў Барысаве гродзенскі «Нёман» яшчэ ні разу не выйграваў БАТЭ – ні ў чэмпіянаце, ні ў кубку. Ні нават супраць іншага клуба, прайграўшы фінальны матч кубка на «Барысаў-Арэне» салігорскаму «Шахцёру» у 2014 годзе.

Калі сыходзіць толькі ад статыстычных выкладак, то думаць аб станоўчым зыходзе не прыходзіцца. Хоць, усе серыі калі-небудзь заканчваюцца, якімі б працяглымі яны не былі. У мінулым годзе перапынілася наша пятнаццацігадовая бяспройгрышная серыя ў матчах з «Белшынай», сёлета – дзевяцігадовая выязная безвыйгрышная серыя з «Мінскам».

Магчыма тое, што не атрымалася ў Сівакова, Саладоўнікава, Няфёдава, Курнева, Румбуціса, Радушка і Карашкова, атрымаецца ў Кавалевіча? Гасцявой жа «Мінск» скарыўся з першай спробы.

Подрабязней: гісторыя сустрэч «Нёман» — БАТЭ

• Вынікі галасавання

  БАТЭ - «Нёман»: прадкажы вынік матчу

  • тры ачка чэмпіёну
    27%
  • нічыйны вынік
    26%
  • тры ачка «Неману»
    47%

У першым крузе гродзенцы дома прымалі барысаўскі клуб. Гэта быў першы матч цяперашняга сезону, у якім «Нёман» прадэманстраваў дыхтоўны футбол. Нягледзячы на тое, што выніковы лік быў на карысць гасцей, перамога барысаўчанам далася нялёгка.

З ГІСТОРЫІ

КЛУБНЫЯ СТРАТЫ

У гэтым матчы не згуляе шэраг траўміраваных гульцоў. У лазарэце барысаўчан знаходзяцца Анцілеўскі, Верамко, Мілуновіч, Глеб і Дуброў, у нас з-за траўмаў матч прапусцяць два ўкраінцы – Ражок і Рудніцкі.

З-за перабору папярэджанняў не згуляе супраць гарадзенцаў Кендыш.

РОСТЭР ЧЭМПІЁНА

Сённяшнія стартавыя склады каманд будуць істотна адрознівацца ад складаў у травеньскай сустрэчы. У гродзенцаў з пачатку сустрэчы на ​​поле могуць з'явіцца 4-5 гульцоў, якія пачыналі хатні матч супраць БАТЭ. У барысаўскага клуба сітуацыя практычна ідэнтычная. Які рыхтаваўся да Лігі Чэмпіёнаў БАТЭ ў летняе трансфернае акно ўмацаваўся трыма гульцамі: у стан жоўта-сініх вярнуліся Сяргей Верамко і Аляксандр Глеб, а таксама кантракт з клубам упершыню падпісаў гулец моладзевай зборнай Грузіі Валер'яну Гвілія, які першую палову чэмпіянату правёў у «Мінску». Першых двух мы ў сённяшнім матчы не ўбачым – абодва гульца атрымалі пераломы ў гульні супраць «Астаны», а вось грузін хутчэй за ўсё на поле з'явіцца. Не будзе ў складзе БАТЭ, ні Чэрніка (Сяргей ужо ў Францыі), ні Дуброва з Мілуновічам (абодва траўмаваныя), ні Мазалеўскага з Карніцкім (абодва пакінулі БАТЭ), ні, хутчэй за ўсё, Аляхновіча (даўно не прабіваецца ў асноўны склад). Аднак ад гэтага лягчэй не будзе. У абойме Ярмаковіча хапае якасных футбалістаў, якія могуць згуляць не горш названых вышэй.

Склад барысаўчан у матчы мінулага тура супраць «Слуцка» выглядаў так: Шчарбіцкі –  Рыас, Яблонскі, Палякоў, Жаўнерчык – Іванічы, Кендыш, А.Валадзько – Гардзейчук (М.Валадзько, 72), Радзівонаў (Сігневіч, 70), Стасевіч (Джыгеро, 76). У запасе засталіся галкіпер Сарока, ды два абаронцы – Пікк і Малькевіч, які ў матчах чэмпіянату ўдзелу яшчэ не прымалі. У Слуцку жоўта-сінія забілі два мячы без (Кендыш 13, А.Валадзько 69), атрымалі сваю 16 перамогу ў сезоне і ўпэўнена ідуць да свайго чарговага чэмпіёнства. Тры вікторыі ў бліжэйшых матчах дазволяць абзавесціся БАТЭ трынаццатым тытулам наймацнейшай каманды краіны.

• Вынікі галасавання

  Назаві лепшага гульца «Нёмана» у матчу супраць БАТЭ

  • Курганскі Сяргей
    23%
  • Пол Ралан Бебе Кінге
    13%
  • Паўлавец Аляксандр
    15%
  • Касмынін Уладзіслаў
    8%
  • Пазняк Аляксандр
    2%
  • Рудзік Філіп
    4%
  • Савасцьянаў Яўген
    2%
  • Савіцкі Павел
    16%
  • Яроцкі Яраслаў
    5%
  • Васькоў Арцём
    2%
  • Канцавы Арцём
    2%
  • Горбач Андрэй
    2%
  • Бомбель Артур
    4%