Траўматычныя выпадкі: Гіоргі Кантарыя (22, са слоў лекара — пералом правай ключыцы). Дапамога: холад і абязбольвальнае.

Форма каманд: белыя майкі і трусы — зялёныя майкі, жоўтыя трусы.

ГОМЕЛЬ — НЁМАН 

Перад двухтыднёвым перапынкам чэмпіянату гродзенцам трэба будзе пазмагацца з «Гомелем», бяспройгрышная серыя з якім доўжыцца з 2014 года. Праўда, варта ўлічыць, што ў мінулым сезоне каманды не сустракаліся. «Гомель» зарабляў сабе пуцёўку ў лігу, месца ў якой страціў па выніках сезона 2015 года. Такім чынам, прыемная воку серыя складаецца з 5 матчаў: чатырох ў чэмпіянаце і адной у кубку.

У мінулым туры каманды сінхронна спатыкнуліся, прайграўшы з аднолькавым лікам 0:1 на выездзе. «Гомель» саступіў жодзінскім тарпедаўцам, а «Нёман» прайграў «Гарадзеі». Гэтыя паразы адразу ж адбіліся на турнірным становішчы каманд. Гродзенцы з чацвёртага месца апусціліся на шостае, а гамяльчане з сёмага на дзесятае.

Матчы «Гомелю» у цяперашнім сезоне: БАТЭ (дома) – 1:1 (Барсукоў), Шахцёр (госці) – 0:0, Славія-Мазыр (дома) – 2:0 (Нівалдо, Цаслюк), Іслач (госці) – 1:0 (Цаслюк), Слуцк (дома) – 0:1, Дынама-Мінск (госці) – 0:1, Віцебск (дома) – 0:1, Днепр (госці) – 4:0 (Карніцкі 2, Барсукоў, Нівалдо), Нафтан (дома) – 3:1 (Карніцкі, Жосткін, Нівалдо), Тарпеда-БелАЗ (госці) – 0:1.

Матчы «Нёмана»: Славія-Мазыр (дома) – 0:0, Іслач (госці) – 1:0 (Савіцкі), Слуцк (дома) – 2:1 (Лакціёнаў, Рудзік), Дынама-Мінск (госці) – 0:1, Віцебск (дома) – 1:4 (Лакціёнаў), Дняпро (госці) – 3:0 (Лакціёнаў, Савіцкі, Яроцкі), Нафтан (дома) – 2:1 (Жукоўскі, Савіцкі), Тарпеда-БелАЗ (госці) – 1:1 (Савіцкі), Крумкачы (дома) – 2:0 (Савіцкі), Гарадзея(гості) – 0:1.

У матчах чэмпіянату каманды ў гульнях паміж сабой забіваюць на дваіх крыху больш за двух галоў за матч. У папярэдніх 45 гульнях супернікі 92 разы адпраўлялі мяч у сетку брамы суперніка, што ў сярэднім складае 2,04 мяча за гульню.

Дзве самыя дзейсныя сустрэчы гэтых клубаў у рамках чэмпіянату краіны адбыліся ў 1992 і 2003 гадах. У самым першым матчы суверэннай гісторыі гродзенцы разграмілі «Гомсельмаш» з лікам 5:0, а праз 11 гадоў саступілі гамельчанам 1:4. Самым выніковым матчам у гісторыі супрацьстаяння двух каманд з'яўляецца кубкавая сустрэча 2014 года, у якой было забіта 9 мячоў. Пасля правальнага першага тайма гродзенцы змаглі прыйсці ў сябе і адыграць тры мячы, а ў дадатковы час вырваць перамогу з лікам 5;4.

Усе тры дзейсныя сустрэчы двух супернікаў прайшлі ў Гродне.

На сённяшні дзень каманды ў чэмпіянаце Беларусі згулялі 45 матчаў: +16=12-17, рознасць мячоў 45-47.

Подрабязна пра вынік сустрэч «Нёман» — «Гомель»

СУПЕРНІК У ЛІЧБАХ

Дадзеныя ўзятыя з справаздач InStat, размешчаных на сайце АБФФ

Данные взяты из отчётов InStat, размещённых на сайте АБФФ

МЕСЦА І ЧАС

Матч 11-га тура Беларусбанк – чэмпіянату паміж камандамі «Гомель» - «Нёман» адбудзецца ў суботу, 3 чэрвеня. Сустрэча адбудзецца ў Гомелі на стадыёне «Цэнтральны». Кошт квітка – ад 3 да 5 рублёў (сектары 20, 22 – 5 рублёў, сектара 19, 23 – 4 рублі, астатнія сектары – 3 рублі). Пачатак сустрэчы ў 18:30.

У ПАПЯРЭДНІМ МАТЧЫ

У папярэднім туры «Нёман» у Гарадзеі саступіў гаспадарам 0:1, а «Гомель» з такім жа лікам саступіў на выездзе жодзінскаму «Тарпеда-БелАЗ». Так выглядалі склады каманд тыднем раней:

НЁМАН (4-2-3-1): Жураў – Бебе, Хвалько, Кантарыя (Кавалёнак, 77), Абуна – Якімаў, Рудзік – (к) Савіцкі, Клімовіч, Жукоўскі (Яроцкі, 46) – Лакціёнаў (Канцавы, 66) . Запасныя: Шышлоў – Зубкоў, Анюкевіч, Горбач. Галоўны трэнер – І.Кавалевіч.

ГОМЕЛЬ (5-1-3-1): Рудзянок – Сазановіч, Траякоў, Юдзянкоў (Жосткін, 46), Айдаў, Пыско - (к) Рыжкоў - Елезаранка, Карніцкі, Сітко (Барсукоў, 74) – Нівалда (Гомза, 60) . Запасныя: Кавалёў – Чмырыкаў, Дурай, Мілеўскі. Галоўны трэнер – В.Герашчанка.

СУДЗЕЙСКАЯ БРЫГАДА

Галоўны суддзя: Сяргей Цынкевіч (Асіповічы).
Памочнікі суддзі: Аляксей Кавалёў (Асіповічы) і Іван Спургяш (Маладзечна).
Рэзервовы суддзя: Сяргей Сцецурын (Брэст).
Інспектар матча: Гіоргій Вярбіцкі (Слонім).

Сяргей Цынкевіч дэбютаваў у Вышэйшай Лізе ў 2008 годзе і на сённяшні дзень правёў у першым дывізіёне ў рангу галоўнага арбітра сустрэчы 159 матчаў. Статыстыка арбітра ў лізе: 479 папярэджанняў, 14 выдаленняў (4 прамых) і 40 прызначаных пенальці.

42 разы судзіў матчы з удзелам гродзенскага клуба: +14= 0-18, розніца мячоў 42-56. У гэтых матчах паказаў 130 жоўтых (64 гульцам «Нёмана» / 66 гульцам праціўніка), 7 чырвоных (5/2), прызначыў 10 адзінаццаціметровых удараў (5/5). Працэнт набраных гродзенцамі ў гэтых матчах ачкоў (зыходзячы з 3 ачкоў за перамогу): 41,27%.

На матчах «Нёмана» і «Гомеля» працаваў тры разы. Усе гэтыя сустрэчы былі згуляныя ў 2011 годзе: у траўні прайшоў фінальны матч Кубка Беларусі, а затым двойчы каманды сустрэліся ў рамках чэмпіянату. У двух матчах з трох перамога была на баку гомельскай каманды, а ў Гродне быў зафіксаваны нічыйны вынік 2:2. Статыстыка суддзі ў гэтых матчах для нашай каманды выглядае так: +0=1-2, мячы 2-5 / 7 жоўтых (5 гульцам «Нёмана» / 2 гульцам «Гомеля»), 1 выдаленне ў нашай каманды.

СКЛАД СУПЕРНІКА

Галоўны трэнер каманды: Вячаслаў Герашчанка (25.07.1972). У камандзе працуе з 22 снежня 2016 года. Змяніў на галоўнай пасадзе сышоўшага ў Брэст Уладзіміра Жураўля. Да гэтага працаваў у футбольным клубе «Ліда» (Д2).

У прадстаўленай ніжэй заяўцы на сезон значацца 29 футбалістаў. 18 з іх здабывалі пуцёўку ў наймацнейшы дывізіёне, 1 выступаў за моладзевы склад клуба. Чыстых навічкоў у клубе на сённяшні дзень роўна 10, а працэнт абнаўлення складу складае 34,48% (9 з 29).

З леташняга складу клуб пакінулі 4 гульца: абаронца Станіслаў Іжакоўскі, паўабаронца Антон Цярэшчанка, нападнікі Андрэй Антанюк і Дзяніс Яхно.

Замежны легіён гомельскага клуба складаецца з шасці гульцоў: двух украінцаў (Пыско і Дурай), расіяніна (Айдаў), бразільца (Нівалдо), Ганц (Адамако) і грузіна (Мосемгвдлішвілі).

Навічкі каманды (Рудзянок, Дурай, Айдаў, Пыско, Карніцкі, Нівалдо, Елезаранко, Мосемгвдлішвілі, Жосткін і Адамако) на ўсіх правялі 5579 хвілін гульнявога часу з 9900, што адлюстроўвае фактычнае абнаўленне складу ў параўнанні з мінулым сезонам, якое складае 56,35% . Менавіта столькі гульнявога часу прыпадае на тых, хто прыйшоў у каманду гульцоў.

Для нагляднасці прывядзем статыстыку навічкоў гродзенскага клуба: 5022 хвіліны з 9900, што складае 50,73% гульнявога часу каманды.  

Раней за гродзенскі клуб выступаў толькі ўкраінскі абаронца Тарас Дурай (2016, 11 гульняў).

Поўная статыстыка гульцоў каманды «Нёман» (закладка «Статыстыка»)

Ігар КАВАЛЕВІЧ:

— Годны матч быў. Гэта той выпадак, калі кожнай камандзе было б крыўдна сёння прайграць. Валідольны матч быў, маглі выйграць мы, мог выйграць Гомель. Да апошняй хвіліны каманды гулялі ў адкрыты футбол, змагаліся. У нас была вымушаная сітуацыя, звязаная з траўмай Гіоргі Кантарыя. Мы павінны былі зрабіць вымушаную замену, вымушаныя перастаноўкі. У цэлым, я сваёй камандай задаволены. Гомель - вельмі добрая каманда. Атрымалася так, як атрымалася. Думаю, што заўзятары ад такога футбола толькі выйгралі.

Вячаслаў ГЕРАШЧАНКА:

— Думаю, што Ігар Мікалаевіч усё сказаў. Мне і дадаць асабліва няма чаго. Асабліва тое, што Гомель добрая каманда. Матч вельмі цікавы для гледача, трымаў да апошняга. Мы маглі выйграць, а маглі і прайграць. Нічыя - заканамерны вынік у сённяшняй сустрэчы.

ВІДЭА