Чэмпіянат Беларусі 2017
10 тур

26 траўня - 18:00 (пятніца)
Гарадзея, Стадыён «Гарадзея» (умяшчальнасць – 1 625). 950 гледачоў
+15°C, пераменная воблачнасць / натуральная асвятленне. Квіток — 4 рублі (дзіцячы – 2).

Гарадзея (Гарадзея)

1:0 — Лебедзеў Дзмітрый (47’, пен)

1 - 0 Нёман (Гродна)
  • Пратакол
  • Прэв'ю
  • Справаздача
  • Відэа
  • Інтэрв'ю
  • Вынікі тура
Склады каманд:
99Васілючак Уладзіслаў (Б) 13Жураў Уладзімір (Б)
29Карповіч Сяргей 8Пол Ралан Бебе Кінге
16Павлючек Кирилл 97Хвалько Ягор
4Шасцілоўскі Сямён 3Кантарыя Гіоргі (24’)10(77’)
18Яраслаўскі Вячаслаў 2Абуна Ндзана Жан-Патрык
(72’) 25Башылаў Міхаіл 24Якімаў Андрэй
31(46’) 5Тупчы Аляксей 87Рудзік Філіп
2Ігнаценка Дзмітрый 88Савіцкі Павел (К) (84’)
85(90+3’) 12Глебко Сяргей 15Клімовіч Уладзіслаў
(47’) 12Лебедзеў Дзмітрый (К) 11Жукоўскі Валерый (45+1’)82(46’)
9(46’) 88Варанкоў Андрэй 9Лакціёнаў Раман 7(66’)
Запасныя:
84Раманюк Мікалай (Б) 35Шышлоў Максім (Б)
8Усеня Сяргей 5Зубкоў Руслан
88(46’) 9Дубаіч Баян 7Канцавы Арцём 9(66’)
14Шыдлоўскі Яўген 10Кавалёнак Дзмітрый 3(77’)
20Мартынец Аляксей 14Анюкевіч Аляксандр
5(46’) 31Якубовіч Дзяніс 17Горбач Андрэй
12(90+3’) 85Пархачоў Дзмітрый 82Яроцкі Яраслаў 11(46’)
Галоўныя трэнеры:
Яромка Сяргей Кавалевіч Ігар
Памочнікі трэнера і афіцыйныя асобы:
Радушка Алег Бацюта Павел
Гарэлаў Ігар Кірэня Алег
Шалай Сяргей Шляхавы Сяргей
Шупегін Андрэй Котаў Ігар
Налецкі Уладзімір Малышка Іван
Галоўны суддзя:
Васілевіч Андрэй (Мазыр)
Суддзі на лініі:
Цаслюк Сяргей (Гомель) Емяльянчыкаў Дзяніс (Гомель)
Рэзервовы арбітр:
Рудзенкоў Павел (Гомель)
Інспектар матчу:
Архіпаў Міхаіл (Жодзіна)

Форма каманд: зялёныя майкі і трусы — жоўтыя майкі і трусы.

ГАРАДЗЕЯ — НЁМАН 

Паводле першапачатковага расклада календара сустрэча з «Гарадзея» павінна была адбыцца ў Гродне. Змены былі ўнесены ў сувязі з правядзеннем фіналу Кубка Беларусі, які ў бліжэйшую нядзелю пройдзе на нашым стадыёне. Каму будзе на руку гэты перанос, даведаемся ўжо заўтра.

Гарадзейцы традыцыйна моцныя дома. У мінулым сезоне цукравікі на сваім полі набралі 22 ачкі (57,9% ад набраных за сезон), тры з якіх бела-зялёным дасталіся ў гульні супраць нашага клуба. У першай афіцыйнай сустрэчы каманд, якая прайшла ў Нясвіжы, гарадзейцы перайгралі гродзенцаў з лікам 2:1. У гэтым чэмпіянаце працэнт хатніх ачкоў у нашых супернікаў яшчэ вышэй – 83,33%. Пры сваіх заўзятарах «Гарадзея» атрымала перамогі ў трох матчах з пяці, перамаглі моцных праціўнікаў – «Іслач», «Дынама-Мінск» і «Тарпеда-БелАЗ». У сваю чаргу, у матчах з гэтымі камандамі, мы набралі толькі 4 ачкі. Пра тое, што дома гарадзейцы нашмат больш небяспечны, кажа і той факт, што з 9 забітых камандай мячоў, толькі 1 з іх прыйшоўся на выязны матч.

Менавіта дрэнная гульня ў гасцях перашкаджае «Гарадзеі» знаходзіцца вышэй у турнірнай табліцы. Перад гульнёй з намі «Гарадзея» размясцілася на 9-ай пазіцыі.

Матчы «Гарадзеі» у цяперашнім сезоне: Шахцёр (дома) – 0:1, Славія-Мазыр (госці) – 0:1, Іслач (дома) – 2:0 (Дубаbч, Варанкоў), Слуцк (госці) – 1:1 (Варанкоў), Дынама-Мінск (дома) – 1:0 (Ігнаценка), Віцебск (госці) – 0:0, Дняпро (дома) – 2:2 (Варанкоў, аўтагол), Нафтан (госці) – 0:1, Тарпеда-БелАЗ (дома) – 3:2 (Паўлючак, Дубаіч-2).

У двух папярэдніх матчах каманд было забіта 6 мячоў, што ў сярэднім складае роўна тры мячы за матч.

На сённяшні дзень каманды ў чэмпіянаце Беларусі згулялі 2 матча: +1=0-1, розніца мячоў 4-2. 

Подрабязна пра вынікі сустрэч «Нёман» — «Гарадзея»

  • Вынікі галасавання

    «Гарадзея» — «Нёман»: прадкажы вынік сустрэчы

    • перамогуць гарадзейцы
      28%
    • без пераможцы
      12%
    • перамогуць гарадзенцы
      60%

СУПЕРНІКІ Ў ЛІЧБАХ

Дадзеныя ўзяты з InStat, размешчаных на сайце АБФФ

па выніках 9-ці матчаў НЁМАН ГАРАДЗЕЯ
Мячы, забіта (у сярэднім за матч) 12 (1,33) 9 (1)
Мячы, прапушчана (у сярэднім за матч) 8 (0,89) 8 (0,89)
Валоданне мячом, хв (%) 4:16:24 (52,59%) 3:26:20 (47,22%)
Удары (у створ) 115 (39) 106 (31)
Кутавыя 43 34
Фалы 126 190
Афсайды 22 25
Жоўтыя карткі 8 11
Чырвоныя карткі 0 0
Передачы, шт (%) 3459 (77,78%) 2526 (72,33%)
Адзінаборствы, выйграныя (%) 973 (51,62%) 983 (50,00%)

МЕСЦА І ЧАС

Матч 10-га тура Беларусбанк – чэмпіянату Рэспублікі Беларусь паміж камандамі «Гарадзея» – «Нёман» адбудзецца ў пятніцу, 26 траўня. Сустрэча пройдзе ў гарадскім пасёлку Гарадзея на аднаіменным стадыёне. Кошт білета – 4 рублі (ільготны - 3, дзіцячы - 2, гасцявы фан-сектар - 4). Пачатак сустрэчы ў 18:00. 

У ПАПЯРЭДНІМ МАТЧЫ

У мінулым туры «Нёман» дома выйграў мінскі клуб «Крумкачы» 2:0 (Савіцкі-2), а «Гарадзея» дома здолела перамагчы жодзінскае «Тарпеда-БелАЗ» 3:2 (Паўлючак, Дубаіч-2). Так выглядалі склады каманд тыдзень таму: 


НЁМАН (4-2-3-1): Жураў – Бебе, Хвалько, Кантарыя, Абуна – Якімаў (Зубкоў, 60), Рудзік (Горбач, 73) - (к) Савіцкі, Клімовіч, Жукоўскі – Лакціёнаў (Канцавы, 46). Запасныя: Шышлоў – Кавалёнак, Хлебасолаў, Яроцкі. Галоўны трэнер – І.Кавалевіч.

ГАРАДЗЕЯ (4-2-3-1): Раманюк – Карповіч, Паўлючак, Пласконны (Шасцілоўскі, 73), Яраслаўскі – Валовік (Якубовіч, 46), Башылаў - Ігнаценка, (к) Лебедзеў, Глябко – Варанкоў (Дубаіч, 61). Запасныя: Васілючак – Усеня, Пархачоў, Мартынец. Галоўны трэнер – С.Яромка.

СУДДЗЕЙСКАЯ БРЫГАДА

Галоўны суддзя: Андрэй Васілевіч (Мазыр). 
Памочнікі суддзі: Сяргей Цяслюк (Гомель) і Дзяніс Емельянчыкаў (Гомель). 
Рэзервовы суддзя: Павел Рудзянкоў (Гомель). 
Інспектар матчу: Міхаіл Архіпаў (Жодзіна). 

Мазыранін Васілевіч правядзе ў наймацнейшай лізе краіны сваю 5-ю сустрэчу. 30-гадовы суддзя дэбютаваў у «вышцы» 27 лістапада 2016 года ў Мінску, дзе «Іслач» перамагла «Слуцк» з лікам 2:0. Варта адзначыць, што суддзя дае футбалістам гуляць, караючы гульцоў толькі за адкрытую грубасць. У чатыох мінулых матчах ім вынесена толькі 5 папярэджанняў. 

СКЛАД СУПЕРНІКА

Галоўны трэнер каманды: Сяргей Валер’евіч Яромка (07.04.1967). У камандзе працуе з 14 траўня 2014 года. 
У прадстаўленай ніжей заяўцы на сезон значацца 23 футбаліста. 16 з іх знахадзіліся ў стане «Гарадзеі» у мінулым сезоне. Зыходзячы з гэтага, чыстых навічкоў усяго сем, а адсотак абнаўлення склада - 30,43% (7 з 23). 
7 гульцоў з мінулага склада пакінулі клуб: брамнікі Павел Часноўскі і Сімас Скіндэрыс, абаронца Аляксей Халецкі, паўабаронца Неманья Мілаванавіч, нападнікі Дзмітрый Коўб, Аляксей Пятроў, Антон Сарока. 
Замежны легіён гарадзейскага клуба налічвае 3 футбаліста: украінец (Тупчы), расіянін (Башылаў) і серб (Дубаіч). 
Навічкі каманды (Раманюк, Васілючак, Башылаў, Карповіч, Глябко, Дубаіч і Варанкоў) на ўсіх правялі 3469 хвіліны гульнявога часу з 8910, што адлюстроўвае фактычнае абнаўленне склада, якое складае 38,93%. Менавіта столькі гульнявога часу прыходзіцца на тых гульцоў, якія прыйшлі ў каманду. 
Для нагляднасці прывядзем статыстыку навічкоў гродзенскага клуба: 4566 хвілін з 7920, што складае 51,25% гульнявога часу каманды. 
Пяць гульцоў з складу суперніка раней выступалі за гарадзенскі клуб: Уладзіслаў Васілючак (10 гульняў / 20 прапушчаных мячоў), Павел Пласконы (2010-11, 36 гульняў), Кірыл Паўлючак (2009 / 6 гульняў), Дзмітрый Лебедзеў (2010-11 / 34 гульні, 3 гола) і Андрэй Варанкоў (2012 / 12 гульняў, 2 гола).

Гарадзея 2017. Заяўка на сезон
ГУЛЬЦЫ   Д1 (усяго) Г (хв) Г+П Ж/2Ж/Ч КЛУБ
БРАМНІКІ   г / пг (см) / г ===== чэмпіянат 2017 ===== папярэдні клуб
55. ХУТКО Максім 07.03.1996   -     Гарадзея / дубль
84. РАМАНЮК Мікалай 02.06.1984 136 / -195 (40) 6 (540) / 1 -6   Славія-Мазыр (Мазыр) / Д1
99. ВАСІЛЮЧАК Уладзіслаў 28.03.1994 22 / -42 (5) 3 (270) / 2 -2   Граніт-Мікашэвічы (Мікашэвічы) / Д1
АБАРОНЦЫ   г / г+п г (хв) г+п ж/2ж/ч папярэдні клуб
3. ПЛАСКОННЫ Павел 29.01.1985 223 / 8+3 9 (792)   1/0/0 Гарадзея
4. ШАСЦІЛОЎСКІ Сямён 30.05.1994 20 / 0+1 3 (197) 0+1   Гарадзея
8. УСЕНЯ Сяргей 04.03.1988 33 / 0+2 5 (316) 0+2 1/0/0 Гарадзея
14. ШЫДЛОЎСКІ Яўген 13.01.1991 11 / - 2 (180)   1/0/0 Гарадзея
16. ПАЎЛЮЧАК Кірыл 27.06.1984 202 / 18+2 7 (630) 1+0 1/0/0 Гарадзея
18. ЯРАСЛАЎСКІ Вячаслаў 14.05.1985 138 / 1+5 7 (630)     Гарадзея
25. БАШЫЛАЎ Міхаіл (Расія) 01.12.1993 8 / - 8 (625)   2/0/0 Кцініс (Утена, Літва) / Д1
29. КАРПОВІЧ Сяргей 29.03.1994 57 / 1+5 6 (450) 0+1   Дынама-Мінск (Мінск) / Д1
33. КАЛПАЧУК Ілля 09.10.1990 11 / - -     Гарадзея
ПАЎАБАРОНЦЫ   г / г+п г (хв) г+п ж/2ж/ч папярэдні клуб
2. ІГНАЦЕНКА Дзмітрый Н. 24.10.1988 69 / 10+8 9 (798) 1+0   Гарадзея
5. ТУПЧЫ Аляксей (Украіна) 22.08.1986 207 / 6+19 7 (499)   1/0/0 Гарадзея
10. ЛЕБЕДЗЕЎ Дзмітрый 13.05.1986 150 / 24+17 5 (332) 0+2   Гарадзея
11. КАЛЯДКА Міхаіл 21.11.1988 38 / 1+5 7 (229) 0+1 1/0/0 Гарадзея
12. ГЛЕБКА Сяргей 23.08.1992 86 / 7+4 8 (539)     Слуцк (Слуцк) / Д1
20. МАРТЫНЕЦ Аляксей 13.03.1985 70 / 5+2 1 (12)     Гарадзея
21. ВАЛОВІК Юрый 19.06.1993 23 / - 6 (393)     Гарадзея
31. ЯКУБОВІЧ Дзяніс 31.03.1988 24 / - 4 (190)   1/0/0 Гарадзея
85. ПАРХАЧОЎ Дзмітрый 30.12.1984 84 / 12+8 4 (45)     Гарадзея
НАПАДНІКІ   г / г+п г (гв) г+п ж/2ж/ч папярэдні клуб
9. ДУБАІЧ Баян (Сербія) 01.09.1990 7 / 3+0 7 (349) 3+0   Сісакет (Таіланд) / Д1
88. ВАРАНКОЎ Андрэй 08.02.1989 69 / 12+10 9 (696) 3+0   Славія-Мазыр (Мазыр) / Д1

Поўная статыстыка гульцоў каманды «Нёман» (закладка «Статыстыка»)

Ігар КАВАЛЕВІЧ (галоўны трэнер «Нёмана»):

— Крыўдная параза. Поспех быў на баку суперніка. Да сваёй каманды (асабліва за другі тайм) прэтэнзій няма. На жаль, дзве памылкі нашых маладых гульцоў у абароне прывялі да пенальці. Спрабавалі выцягнуць гульню, але не атрымалася – падвяла рэалізацыя. Рыхтуемся да наступнага суперніку. 

— З чым звязана замена Жукоўскага?​
— Ён не вельмі добра сябе адчуваў. Хацеў асвяжыць гульню. Выхадам Яроцкага, у прынцыпе, задаволены.Перад гульнёй яго шанцы на выхад былі 50 на 50. Мы вырашылі яго ўсё ж выпусціць. Задачы па першым тайме ён выканаў.

— Вы запрашалі Хлебосолова, разлічвалі на яго дапамогу ў атацы. Сёння яго няма нават у заяўцы. Ён не дацягвае да асновы
— Ну чаму ж не дацягвае. У мяне няма прэтэнзій да працы Хлебосолова. У нас цяпер здаравеюць людзі. Калі б было 22 чалавекі ў заяўцы, я б яго ўнёс. Ён прапусціў перадсезонку, але так як ён працуе, як выступае за дубль – шанец мы яму дамо. Мы на яго спадзяемся. У канцоўцы мы знялі абаронца і выпусцілі Дзіму Кавалёнка, які галавой гуляе лепей Хлебосолова. У апошнія 10 хвілін мы хацелі гуляць праз верхавыя перадачы, навязаць барацьбу.

— У «Нёмане» вялікая колькасць гульцоў асноўнага склада ўчора выступала за дубль. Наколькі слушна гэта рашэнне​?
— Вынік дубля нам пастолькі паколькі, нам галоўнае рыхтаваць маладых футбалістаў. Але многія хлопцы зараз аднаўляюцца пасля траўмаў. Згуляць за дубль – гэта жаданне саміх гульцоў. Каб знаходзіцца з камандай у адным стане.

Сяргей ЯРОМКА (галоўны трэнер «Гарадзеі»):

— Я не буду хітраваць – я згодны з Ігарам Мікалаевічам. Шмат у чым атрымалі перамогу за кошт характару. На жаль, тэндэнцыя пошуку аптымальных спалучэнняў працягваецца. Будзем рухацца наперад. Добра, што заўзятары прыходзяць і падтрымліваюць Гарадзею. Сёння мы пры не лепшай па якасці гульні ўзялі тры ачкі. 

—  Сёння Васілючак быў у браме замест Раманюка. Матывацыя супраць Нёмана?​
— У нас перыядычна ідзе ратацыя брамнікаў. Хоць нейкі кампанент дадатковай матывацыі прысутнічае. 

— Патлумачце замену Тупчыя? ​
— Нёман нас перагульваў што ў першым тайме, што ў другім, што тут хаваць. Замена была па пазіцыі.

— Калі Пархачову будзе давацца больш часу​? 
— Калі будзе менш такіх нервовых гульняў. Гулец знаходзіцца ў добрым тонусе. Мне хацелася б даць многім футбалістам шанец, але з-за таго, што нам давялося зрабіць у перапынку дзве вымушаныя замены, трэцяя замена – гэта, безумоўна, рызыка.

— Як вы ацэньваеце пачатак хатняй серыі, чаго чакаеце ад канца першай паловы чэмпіянату?
— Станоўча, як і любы разважны трэнер. Чаго чакаю? Без каментароў.

— Калі чакаць з'яўлення Пласконнага?
— Можа быць ён з'явіцца ўжо ў наступнай гульні. Калі ж будзе адчуваць дыскамфорт, то мы рызыкаваць не будзем. У той жа час, Сямён Шасцілоўскі, гулец моладзевай зборнай, якую трэніраваў Ігар Мікалаевіч, можа яго годна замяніць.

ВІДЭА

ФІЛІП РУДЗІК

— Як атрымліваецца так, што ў суперніка паўтара моманту за гульню, а мы прапускаем і прайграем? ​
—  Кавалевіч заўсёды паўтарае нам, што павінна быць поўная канцэнтрацыя ад пачатку да канца. А мы выйшлі на другі тайм і праспалі аўт, потым здзейснілі непатрэбны фол у штрафной. Ну, а там пенальці. Што тут яшчэ сказаць? Дзіма такія моманты не даруе.

— Пасля прапушчанага гола моманты ля варот нашага суперніка сталі ўзнікаць адзін за адным. Чаму каманда так не гуляла да перапынку? 
— Гэта псіхалогія, напэўна. Да перапынку на ражон не лезлі, стараліся чакаць свайго моманту, бо наперадзе быў цэлы тайм. Ведалі, што моманты абавязкова будуць. Чаго было лезці ў першым тайме і адкрываць свае зоны. У пачатку другога тайма Гарадзея адкрыла лік і села абараняць свае вароты, ну а мы дадалі трохі ў руху. Нам трэба было забіваць. Прайграць адзін ці два мячы - розніцы няма ніякай. У другім тайме сталі гуляць у тры абаронцы, больш стала гульцоў у нападзе. Пайшлі наперад забіваць гол, але і супернік, безумоўна, падсеў.

— Як ты лічыш, супернік спецыяльна аддаў нам ініцыятыву? ​
— Мне здаецца, што калі б мы забілі першымі – і мы б аддалі. Калі мы вядзем у ліку, мы таксама адкатваемся назад. Як прыклад: у папярэднім хатнім матчы з Крумкачамі павялі ў два мячы і таксама аддалі ініцыятыву.

— Пасля такой крыўднай паразы было б лепш дома згуляць, зарадзіцца энергіяй трыбун. Ужо праз тыдзень трэба будзе яшчэ адна выязная гульня. Як будзеце рыхтавацца да чарговага выезду каманды? 
— Нармальна ўсё будзе. У нас ёсць баяздольная каманда. Мы не ўпалі духам, спрабавалі адыграцца, але сёння не атрымалася. Нічога страшнага не адбылося, працягваем гуляць.

— Пра што гаварыла каманда ў распранальні пасля гульні?​
— Усе маўчалі, таму што ўсе хлопцы засмучаныя. Усе разумеюць, што гэтая гульня нам давалася, і мы практычна не дазволілі суперніку нічога талковага стварыць. Стоадсоткавых момантаў у іх не было. Хлопцы разумеюць, што ўсе імкнуліся і біліся адзін за аднаго. Прэтэнзій ніхто нікому не прад'яўляў.

УЛАДЗІСЛАЎ КЛІМОВІЧ

— Перамога магла падняць каманду на трэцяе месца. Чаму гэтага не атрымалася зрабіць? ​
— Цяжка сказаць. Напэўна, сёння ад нас адгарнулася ўдача. Стварылі дастатковую колькасць момантаў, але ў завяршальнай стадыі нам не хапіла стрыманасці. Была штанга, іншыя добрыя моманты... А ў выніку – гол атрымалі ў свае, ды такі прасценькі. Страцілі канцэнтрацыю і парушылі ў штрафной правілы. Вядома, мы разлічвалі сёння перамагчы. Трымалі ў галаве турнірную табліцу і разумелі, што ў гэтым матчы кепска губляць ачкі. Але такія матчы бываюць, калі ўдача на баку суперніка. 

— У цябе сёння добра дасталася, было шмат балючых стыкаў. Як сябе адчуваеш пасля матчу, ці ўсё нармальна?
— Некалькі разоў наступілі на ахіл – было досыць балюча. Але гэта футбол, і без стыкаў тут не абысціся. Думаю, што нічога страшнага не будзе. Прыкладу лёд, вып'ю пару таблетак, і ўсё будзе нармальна. 

— Наступны супернік «Гомель». Яшчэ не пачыналі разбіраць каманду?
— Канкрэтна да Гомеля не рыхтаваліся, мэтанакіравана рыхтаваліся да матчу ў Гарадзеі. Наперадзе ў нас яшчэ цэлы тыдзень. Трэнеры паглядзяць гульню Гомеля, разбяруць нашу сённяшнюю гульню. Думаю, што за тыдзень падрыхтуемся і выправім сітуацыю.  

— У нядзелю фінал Кубка пройдзе ў Гродне. У цябе не будзе магчымасці паглядзець матч на стадыёне. За каго будзеш заўзець у гэтым матчы? ​
— Фінал Кубка – гэта свята футбола. Я б з задавальненнем прыйшоў на гульню, але ў гэты дзень еду ў маладзёжную зборную. Хлопцы, якія будуць у Гродне, думаю, абавязкова сходзяць. Пераваг ў мяне няма – я не гуляў ні за Брэст, ні за Салігорск. За астатніх казаць не буду.

Дынама-Мінск 2-2 Шахцёр
Дняпро 1-0 Дынама-Брэст
Крумкачы 2-0 Іслач
Віцебск 1-0 БАТЭ
Нафтан 0-1 Мінск
Слуцк 0-0 Славія-Мазыр
Тарпеда-БелАЗ 1-0 Гомель