Форма каманд: белы майкі і трусы — шэрыя майкі, чорныя трусы.

ІСЛАЧ — НЁМАН

Супрацьстаянне двух каманд яшчэ вельмі маладое, каб знайсці і апісаць нейкія заканамернасці. Усяго ў гісторыі налічваецца толькі два такіх матчу, якія былі згуляныя ў мінулым сезоне. У Гродне мацнейшымі былі гаспадары, а ў Маладэчна галоў забіта не было. 

Баланс сустрэч: +0=1-1, 1-2 (на полі «Іслачы» – +0=1-0, 0-0).

У чэмпіянаце-2016: 17.05, Гродна – 1:2 (Ясюкевіч; Канцавы, Васілюк); 25.09, Маладзечна – 0:0.

Травмы: А.Бубноў (Іслач), Д.Верхаўцоў, А.Горбач, А.Канцавы (усе – Нёман).

Больш падрабязна пра супрацьстаянне «Нёман» і «Іслочы»

МЕСЦА І ЧАС

Матч пройдзе на стадыёне футбольнага клуба «Мінск», пачатак сустрэчы ў 14:00. Кошт квітка – 3-5 рублёў (дзіцячы – 1,5-2,5 рубля).

Відэатрансляцыю матчу можна будзе глядзець тут або на старонцы матчу.

СУДЗЕЙСКАЯ БРЫГАДА

Уся судзейская брыгада ў полі мае гомельскую прапіску. У дужках пасля імя рэферы расшыфраваная статыстыка гродзенскага клуба пры працы гэтага суддзі. Так, калі судзіў матчы Кульбакоў, «Нёман» на пяць разоў больш прайграваў, чым перамагаў, а таксама забіў на шэсць мячоў менш суперніка. 

Галоўны суддзя: Кульбакоў Аляксей (+10=4-15, розніца мячоў 35-41; жоўтыя - 49 супрць 62, чырвоныя - 3 супраць 2, пенальці - 4 разы білі / 3 разы ў нашую браму).
Памочнікі суддзі: Ямельянчыкаў Дзмітрый (будзе судзіць «Нёман» упершыню), Цаслюк Сяргей (+3=2-5, розніца мячоў 10-12).
Суддзі за брамай: Уладзімір Ішчанка (Рэчыца), Сяргей Цынкевіч (Асіповічы).
Рэзервовы суддзя: Спургяш Іван (Мінск).
Інспектар матча: Дупанаў Юрый (Мінск).

ПЕРАМОГА ДУБЛЯ

Дублюючыя склады каманд згулялі напярэдадні. З асноўнага складу ў дапамогу дублю былі адпраўленыя адразу 7 гульцоў. Па аднаму тайму правялі Анюкевіч, Яблонскі і Хлебасолаў, а вось Шышлоў, Хвалько, Лешка і Журневіч згулялі ад званка да званка. Гродзенцы мелі адчувальную гульнявую перавагу, якую асабліва было заўважна да перапынку. Адзін толькі Журневіч мог тройчы ўпісаць сваё імя ў афіцыйны пратакол матчу ў графу «галы». Акрамя яго ў першай палове сустрэчы браме «Іслачы» небяспечна пагражалі Кругленя і Хлебасолаў, а ў другой частцы сустрэчы Главіцкі дагадзіў мячом у штангу.

Гол быў забіты на зыходзе 33-й хвіліны сустрэчы. У таўканіне каля лініі штрафной лепш іншых сыграў Лех, які здолеў прапіхнуць мяч на самотна стаяўшага ў штрафной Журневіча. Васіль на гэты раз марудзіць не стаў і прыгожа прабіў у правы верхні ад брамніка кут брамы 0:1. «Іслач» агрызнулася двума небяспечнымі момантамі. На шостай хвіліне Кротаў уцёк ад абаронцаў і прабіў міма брамы, а вось на апошняй хвіліне сустрэчы усё сваё майстэрства паказаў Шышлоў. Брамнік кінуўся ў ногі і адбіў ляцяшчы у створ брамы мяч.

РОСТЭР СУПЕРНІКА

Поўная статыстыка гульцоў каманды «Нёман» (закладка «Статыстыка»)

• Вынікі галасавання

  «Іслач» — «Нёман»: прадкажы вынік сустрэчы

  • алені мацней
    93%
  • алені = ваўкі
    7%
  • тры ачкі ваўкам
    0%

ФОТА

Больш фотаздымкаў па спасылцы