Форма каманд: зялёныя футболкі і трусы — белыя футболкі, чорныя трусы.

Па ходзе гэтага сезона склад дублюючай каманды пастаянна перажывае змены. Аднак так кардынальна мяняць выканаўцаў трэнерскаму штабу яшчэ не даводзілася. З тых хлопцаў якія згулялі ў першым туры сёлетняга першынства, сёння са старту выйшла толькі тры чалавекі – Беценя, Агурцоў і Лысенка. Вадзім, дарэчы, упершыню вывеў дубль «Нёмана» на поле з капітанскай павязкай. У першым тайме замест Шышлова месца ў браме заняў Жураў, якому патрабуецца гульнявая практыка. Хвалько, Квенцар, Аляксей Носко і Сенкевіч адправіліся на прагляд у клубы Першай Лігі, а Лукашык, Снігіра і Сарокін папраўляюць здароўе. Замест гэтых хлопцаў на полі з'явіліся іншыя, аднак наладжваць на гульню нікога дадаткова не спатрэбілася. У памяці ўсё яшчэ свежа мінскае непаразуменне, якое здарылася з жоўта-зялёнымі ў другім крузе. Жаданне расставіць усё па сваіх месцах было проста велізарным. Што і ўзяліся рабіць гродзенцы з першых хвілін сустрэчы.

Ужо пасля шасці хвілін гульні перавага гаспадароў вымяралася двума мячамі. Характэрна, што аўтарамі галоў сталі двое навічкоў клуба – Смунёў і Дземідовіч. Першы з-за межаў штрафной прыклаўся да мяча і сарваў павуцінне з левага верхняга ад брамніка кута брамы, а другі ўдала сыграў у штрафной пры выкананні штрафнога, галавой даслаўшы мяч пасля падачы Аляксандра Носко. Такі фантастычны пачатак адбілаўся на гульні суперніка. Крумкачы не паспявалі за рухам мяча і шмат нерваваліся, што неадкладна адбілася на іх гульні – яны сталі менш думаць і больш фаліць. Злосць засцілае вочы. Сваіх фолаў яны не заўважалі і пастаянна апелявалі да арбітру, тым больш, што са сваёй лаўкі запасных яны ўвесь час атрымлівалі адабрэнне. У выніку ўсё гэта вылілася ў выдаленне, якое здарылася ўжо на 35-й хвіліне сустрэчы. Базарнаву не спадабалася, як супраць яго вёў барацьбу Буцько, і ён рукой з размаху ўдарыў гульца «Нёмана» ў твар. Відавочны фол адбыўся практычна ля самай лаўкі «Крумкачоў», аднак і тут усе, хто сядзіць на ёй на чале з галоўным трэнерам прыняліся ёрнічаць з нагоды хатняга судзейства. Хоць да гэтага галоўны арбітр сустрэчы ўжо адмяніў трэцяе ўзяцце брамы Крумкачоў, а ў другім тайме яшчэ прызначыць у браму Шышлова адзінаццаціметровы ўдар за спрэчнае трапленне мяча ў руку пасля ўдару ва ўпор Одзеоібо.

Выдаленне добра падзейнічала на каманды і да адкрытай грубасці справа не дайшла.

Да перапынку гаспадары цалкам валодалі ініцыятывай і цалкам маглі яшчэ пару разоў прабіць брамніка гасцей. Двойчы небяспечна прыстрэльваюць да брамы Буцько, пагражалі брамы суперніка Аляксандр Носко і Лысенка. Усё што змаглі госці – гэта забіты на 14-й хвіліне гол са спрэчнага афсайду, а таксама ўдар на 40-й хвіліне са штрафнога Зуевіча, пасля якога мяч прыляцеў Жураву прама ў рукі.

Другі тайм пачаўся з найгрубейшай памылкі нашых хлопцаў, за якую адразу ж давялося расплаціцца прапушчаным голам. Страта мяча на левым краі абароны прывяла да прастрэлу у штрафную плошчу на Зуевіча, які прыгожа пяткай у дотык скінуў пад удар Кашэўскага – без шанцаў для Шышлова. «Сямёрка» мінчан да ўзяцця брамы правёў на полі ўсяго-то 16 секунд! Удалая замена трэнера гасцей. Аднак гэты прапушчаны гол толькі распаліў жоўта-зялёных.

Атака на браму Касцюкевіча вынікала за атакай. Адзін толькі Буцько разы чатыры біў з розных дыстанцый, са штрафных наносілі ўдары па браме Носко і Смунёў. Аднак да пары да часу «Тащун», а менавіта так паважліва завуць галкіпера прыхільнікі клуба, нейкім чынам не дазваляў мячу ў трэці раз уляцець у браму. Хоць за свае выказванні ў адрас праціўніка і паводзіны яму якраз мяняць мянушку. Злосць – кепскі саюзнік. У гэтым неўзабаве пераканаўся галкіпер гасцей, двойчы на ​​працягу сямі хвілін пусціўшы «пенку». Абодва галы былі падобныя адзін на аднаго як дзве кроплі вады – абодва разы мячы заляталі ў блізкі «брамніцкі» кут. Розніца была толькі ў тым, з якога боку прабіваўся штрафны ўдар. З левага флангу атакі біў Носко, а з правага – Буцько. Завяршыў трыбушэнне птушак усё той жа Буцько. Пасля найгрубейшай памылкі Ходунова нападнік разабраўся з абаронцам і Касцюкевічам, і ў пяты раз адправіў мяч у сетку брамы «Тащуна»...

Ну што ж, вось такі вось выйшаў футбольны сацісфэкшн ад дублёраў. Моладзь зараз можа паслухаць музыку, а Касцюкевічу зараз будзе што пачытаць на сайце гродзенскага клуба.

На трох хлопцы забілі чатыры мячы, не хапае ў кампаніі толькі Аляксандра Носко.

ФОТАЗДЫМКІ