Форма каманд: жоўтыя футболкі і трусы – белыя майкі і трусы

Матч дублюючых складаў атрымаўся падзейны. За 90 хвілін каманды сем разоў адпраўлялі мяч у сеткубрамы і стварылі яшчэ столькі ж галявых момантаў. Атрымалі поспех у гэтым багатым на галы матчы гаспадары, якія двойчы па ходзе матчу прайгравалі гродзенцам два мячы.

Пачатак сустрэчы быў за жоўта-зялёнымі, якія да 22-й хвіліне сустрэчы вялі ўжо два мячы. Абедзве паражальныя атакі прайшлі праз цэнтральную зону абароны гаспадароў.

На 9-й хвіліне, пасля перадачы Смунёва, Сенкевіч недалёка ад цэнтральнага круга пазмагаўся з Рагачам, адабраў у яго мяч, працягнуў яшчэ некалькі метраў і з далёкай дыстанцыі прабіў па браме Садоўскага. Брамнік хоць і зрэагаваў на ўдар, аднак дапамагчы камандзе не змог - мяч заляцеў у правы ніжні ад брамніка кут брамы. Праз 12 хвілін Ян у другі раз стрымана перайграў галкіпера гаспадароў, калі апынуўся з ім сам-насам. Дземідовіч з левага краю абароны рабіў перадачу ў цэнтр, адкуль Чайка ў дотык вывеў паўабаронцы на ўдарную пазіцыю - Сенкевіч спакойна катнуў мяч міма брамніка, які на яго выбег.

Другі мяч крыху суцешыў гасцей, што адразу ж знайшло адлюстраванне на характары гульні. Гаспадары ж, наадварот, завяліся і вялікімі сіламі рушылі на браму гродзенскай каманды. Ужо праз некалькі хвілін мяч у першы раз пабываў у сетцы брамы гасцей, аднак ўзяцце брамы суддзя адмяніў, зафіксаваўшы напад на брамніка. Тым не менш, яшчэ да перапынку салігорцы лік скарацілі. Рогач прамчаўся правым флангам і прастрэліў у штрафную, дзе Сенько першым дотыкам мяч спыніў, разгарнуўся і праштурхнуў яго ў сетку - 1:2.

Пачатак другога тайма зноў было за нашымі хлопцамі. Праз дзве хвіліны пасля яго пачатку Сенкевіч запісаў на свой рахунак трэці забіты мяч. Буцько прайшоў па левым краі і прастрэліў у раён адзінаццаці метраў. Сенкевіч, знаходзячыся паміж Рапейка і Старасціным, прыняў мяч і лёгка разабраўся ў сітуацыі - 1:3. Здавалася, што перамога ўжо нікуды ад гродзенцаў не сыйдзе. Аднак, гаспадары былі зусім іншага меркавання. Літаральна адразу ж пачалася сапраўдная аблога нёманскай брамы. Гаспадары забіваюць гол, але яго зноў не залічвае галоўны арбітр сустрэчы - на гэты раз ён фіксуе афсайд. Тым не менш, гэта не ўратуе гродзенцаў. На працягу трох хвілін два стандарта прывялі да двух забітых мячоў і лік у матчы стаў роўным. На 60-й хвіліне гаспадары ўдала разыгралі штрафной. Тупалаў прабег міма мяча, і, атрымаўшы яго ў штрафной, адразу прастрэліў уздоўж лініі брамы - Рапейка заставалася толькі падставіць нагу. На 63-й хвіліне да голу прывёў ўжо розыгрыш кутавога. Тупалаў падаў мяч у штрафную, Клемяціч падужаўся за яго з абаронцамі «Нёмана», а Рапейка прабіў па браме - 3:3. Тут жа «Шахцёр» сцяміў яшчэ адзін галявы момант - Яфімчык лёгка абыграў Дземідовіча, аднак Шышлова абыграць не змог. Галкіпер гродзенцаў своечасова пакінуў браму і ліквідаваў гэты небяспечны выхад.

Нягледзячы на гэтак дзейсную гульню, шэсць забітых галоў, ды нічыйны лік, каманды не супакоіліся. Гродзенцы свой шанец вырваць перамогу загубілі - Буцько з васьмі метраў галавой паслаў мяч ушчыльную са штангай, а вось гаспадары сваім шанцам скарысталіся. За хвіліну да канца асноўнага часу матчу прыкрую зрэзку ў сваёй штрафной зрабіў хтосьці з нашых хлопцаў, мяч дастаўся Балю, які і паставіў кропку ў гэтай сустрэчы.