Юнацкае першынство Вярнуцца да спісу
У чарговым туры нашы каманды на чацвярых атрымалі дзве перамогі, а два матчы згулялі ўнічыю. Тры разы супернікам жоўта-зялёных былі гарадзейцы, а нашыя малодшыя хлопцы гулялі супраць брэсцкіх дынамаўцаў.
U-15 / 2003 год нараджэння
Старэйшы трэнер – Дзмітрый Агароднік, трэнер – Алег Севасцьянік.
Самыя малодшыя восьмы тур прапускалі. У дзявятым туры, які пройдзе праз два дні, нашы хлапчукі згуляюць супраць другой гродзенскай каманды СДЮШАР «Белкард». Наш будучы супернік у гэтым туры буйна саступіў лідэру гурта «Мінску» з лікам 0:9.
Вынікі 8-га тура:
Белкард – Мінск – 0:9
Гарадзея – РЦАР-БДУ – 1:4
Шахтцёр – Дынамо-Брэст – 1:1
СДЮШАР-Дынама – Акадэмія футбола – 1:1
Пасля васьмі тураў нашы хлапчукі занімаюць 5-е месца ў турнірнай табліцы групы «А», адстаючы ад ідучых на трэцім месцы РЦАР-БДУ ўсяго на 1 ачко.
Да канца першага круга засталося правесці 3 гульні: СДЮШАР «Белкард» (20.10), «Акадэмія футбола» Мінск (25.10), «Шахцёр» Салігорск (29.10).
U-16 / 2002 год нараджэння
Старэйшы трэнер – Артур Крыванос, трэнер – Уладзімір Грыгарук.
НЁМАН – МІНСК – 0:2
На жаль, адабраць ачкі ў лідэра гродзенцам не ўдалося. Мінчане пакуль не страцілі ні аднаго ачка, атрымаўшы перамогі ва ўсіх васьмі матчах. Наступным нашым супернікам стане «Іслач», якая з 13-ю ачкамі размясцілася на трэцім радку ў турнірнай табліцы.
Вынікі 8-га тура:
Слуцк – Акадэмія футбола - 0:3
Гарадзея – Белкард - 1:1
РЦАР-БДУ – Дынама-Брэст - 0:2
Шахцёр (Салігорск) – Іслач - 0:1
Пасля восьмага гульнявога дня каманда нашай школы апусцілася на адзін радок ўніз і занімае перад заключным турам першага круга восьмае месца.
Да канца першага круга каманда правядзе яшчэ 1 матч: «Іслач» Мінскі раён (21.10).
U-17 / 2001 год нараджэння
Старэйшы трэнер – Віктар Юйко, трэнер – Уладзімір Сярко.
НЁМАН – МІНСК – 2:3
У гэтым матчы нашым хлапчукам трохі нехапіла да нічыі. Да перапынку быў забіты адзін адзіны мяч. Гродзенцы правялі добрую атаку, у канцоўцы якой Дзмітрый Блізнюк адправіў мяч у мэту пад кінуўся ў ногі брамнікам (пас - Аляксей Ванюкевіч). Паўза пайшла на карысць гасцям. З пачаткам другой паловы сустрэчы мінчукі пайшлі вялікімі сіламі ў атаку і змаглі двойчы трапіць у браму жоўта-зялёных. Гаспадары прыйшлі ў сябе не адразу, тым не менш знайшлі ў сабе сілы лік зраўняць. Мікіта Хох са штрафнога адправіў мяч на далёкую штангу, дзе паваротлівей усіх апынуўся Мікіта Кануннікаў, нагой слёту забіў мяч у сетку. Нічыя была лагічным вынікам у гэтай сустрэчы, аднак госці думалі інакш і вырвалі перамогу на чацвёртай дададзенай арбітрам хвіліне. Фатальным стаў апошні ў матчы кутавы. Пасля ўдару мінчука мяч трапіў у штангу, забегаў на лініі і ўсё жа яе перасёк. Гэта перамога дазволіла «Мінску» застацца на першым месцы.
Вынікі 8-га тура:
Слуцк – Акадэмія футбола - 0:1
РЦАР-БДУ – Дынама-Брэст - 2:4
Шахцёр (Салігорск) – Іслач - 0:2
Пасля сямі матчаў гродзенцы займаюць шостае месца ў сваёй групе «А».
Да канца першага круга каманда правядзе яшчэ 1 матч: «Іслач» Мінскі раён (21.10).
U-19 / 1999/2000 год нараджэння
Старэйшы тр'нер – Марат Белезяка.
СЛУЦК – НЁМАН – 1:4
У нядзелю наша старэйшая каманда буйна абыграла на выездзе «Слуцк» з лікам 4:1. Матч пачаўся для жоўта-зялёных няўдала. Гродзенцы першымі прапусцілі гол, аднак змаглі хутка адыграцца. Гаспадары ў сваёй штрафной сфаліць супраць Андрэя Трухана, які сам і рэалізаваў адзінаццаціметровы ўдар. Яшчэ да перапынку нашы хлопцы змаглі выйсці наперад. У адной з флангавых нападаў Данііл Копач нізам прастрэліў уздоўж брамы на Дзяніса Дворака, які літаральна ўнёс мяч у сетку брамы суперніка. Пасля перапынку гродзенцы працягвалі кантраляваць ход гэтага матчу і яшчэ двойчы вызначыліся. Пасля падачы кутавога нагой адправіў мяч па прызначэнню Арцёма Толкіна (галявы пас з кутавога зрабіў Дзмітрый Вашкевіч), а пасля чарговага флангавага праходу аўтаголам адзначыўся адзін з абаронцаў «Слуцка» (прастрэл нізам зрабіў Максім Сегень).
Вынікі 8-га тура:
РЦАР-БДУ – Шахцёр (Салігорск) - 4:0
Мінск – Дынама-Брэст - 01.11.2017
РГУАР – Іслач - 08.11.2017
За тур да заканчэння першай паловы першага этапу жоўта-зялёныя падняліся на 3-яе месца ў турнірнай табліцы групы «А». Праўда ёсць некалькі прапушчаных матчаў, вынікі якіх могуць паўплываць на становішча нашай каманды.
Да канца першага круга каманда правядзе яшчэ 1 матч: РГУАР U-17 Мінск (11.11).
