Перад кубкавай сустрэчай Вярнуцца да спісу
Апошнія дні перад матчам 1/8 Кубка Беларусі Гродзенская каманда старанна рыхтуецца прыняць дома сталічны «Мінск». Сённяшняя трэніроўка была разбіта на некалькі частак. Пасля непрацяглага размінкавага бегу і традыцыйных квадратаў, «зялёныя» згулялі з «аранжавымі» ў незвычайную гульню, якая праходзіла па прыдуманым правілах з элементамі рэгби і гандбола. Перадачы, забяганне, праносы і забітыя мячы, якіх аказалася зусім мала. Усё таму, што трапіць у браму суперніка можна было толькі галавой. У выніку каманды распісалі нічыю 1:1 (у «зялёных» забіў Д.Кавалёнак, а ў «аранжавых» А.Канцавы), пасля чаго была прызначаная серыя пенальці. Але і тут усё было незвычайна: удары з пункту былі заменены на ўдары галавою. Гульцы накідвалі мяч партнёру, а той у брыючым палёце наносіў удар па браме суперніка. Першыя тры спробы аказаліся няўдалымі для абедзвюх каманд, а потым лік у серыі адкрыў Кантарыя, які вывеў «аранжавых» наперад. На гол грузіна адразу ж адказаў дакладным ударам Кавалёнак. Далей за «аранжавых» забівалі Савасцьянаў і Савіцкі, а за «зялёных» - Глеб і двойчы Верхаўцоў, які і прынёс перамогу сваёй камандзе.
Пасля была адпрацоўка удараў па браме ў дынаміцы. Першым ішоў ўдар па мячы, які коціцца з-за межаў штрафной, а следам выконвалася флангавыя падача мяча, на якую павінны былі адкрывацца два гульца, падладжвацца пад перадачу і біць слёту. Удалай лічылася толькі тая спроба, якая завяршалася падвойным узяццем брамы. Трэба адзначыць, што абодва нашых брамніка ў выніку перайгралі палявых гульцоў, хоць у відэаролік патрапілі ў асноўным галявыя ўдары гульцоў.
У завяршальнай стадыі трэніроўкі прайшоў 15цціхвілінны матч, у якім усё вырашыў адзін забіты мяч, які прынёс перамогу «зялёным». Па традыцыі трэніроўка каманды скончылася апладысментамі, якімі гульцы аддзячылі адзін аднаго за праведзеную працу.
Нагадваем нашым заўзятарам, што кубкавы матч супраць «Мінска» пройдзе ўжо ў гэтую суботу на нашым стадыёне. Не выпусціце шанец падтрымаць сваю каманду. Пачатак сустрэчы ў 18:00.
