Летняе папаўненне Вярнуцца да спісу
Першым, і, хутчэй за ўсё, адзіным навічком клуба ў гэтае летняе трансфернае акно стаў нападнік Вячаслаў Глеб.
Сёння экс-гулец «Крумкачоў» Вячаслаў Глеб (рост - 181 см, вага - 78 кг) падпісаў кантракт з гродзенскім клубам да канца гэтага сезона. За мінскі клуб Вячаслаў выступаў з пачатку сезона 2016 года, правёў за «Крумкачоў» 38 матчаў, у якіх забіў 8 мячоў і аддаў 4 галявыя перадачы. Прычым тры з іх ён адправіў у браму гродзенскага клуба.
За сваю футбольную кар'еру выхаванец мінскага футбола выступаў у 12 клубах - 7 замежных (у нямецкіх клубах «Штутгарт»-II, «Гамбург» і «Франкфурт», швейцарскім «Грасхопера», кітайскім «Шанхай Шэньхуа» і «Шэньчжэнь Рубі», а таксама грэцкай АЕЛ Каллоні і 6 беларускіх (у мінскіх камандах «Дынама-Юні», МТЗ-РІПА, «Дынама» і «Крумкачы», жодзінскім «Тарпеда-БелАЗ» і «Гомелі»).
За дзесяць сезонаў, якія Глеб адыграў ў мацнейшым дывізіёне Беларусі, ён прыняў удзел у 215 матчах, у якіх набраў 108 (57+51) ачкоў па сістэме «гол+пас». У браму жоўта-зялёных нападнік забіў 7 мячоў (3 за МТЗ-РІПА, 1 за «Тарпеда-БелАЗ», 3 за «Крумкачоў»). Цяпер прыйшоў час забіваць за Гродна.
Сардэчна запрашаем у «Нёман», Вячаслаў!
