«Нёман» U-19: вынікі восеньскага адрэзка Вярнуцца да спісу
Перад пачаткам другога круга раскажам аб індывідуальных паказчыках гульцоў да перапынку і падвядзем вынікі самай старэйшай нашай юнацкай каманды «Нёман» U-19 (1998/99 года нараджэння).
У мінулым сезоне хлопцы 1999 года нараджэння ў чэмпіянаце занялі 10-е месца з 17 удзельнікаў, а многія юнакі 1998 года ўжо выступалі старэйшую каманду юнацкага першынства Беларусі.
СЕЗОН 2016/17
Трэнерскі штаб каманды «Нёман» U-19: галоўны трэнер – Іван Белава, трэнер – Уладзімір Гусінец.
Лічбавыя паказчыкі каманды ў першай палове першынства: +5=2-2, рознасць мячоў 28/11. У першай тройцы каманд жоўта-зялёныя змаглі адабраць толькі 1 ачко з 10, аднак па выніках першага круга гродзенцы размясціліся на трэцяй пазіцыі.
Дома нашы хлопцы правялі 4 матчы (у табліцы паказаныя болдам), у якіх ні разу не прайгралі і набралі 8 ачкоў: +2=2-0, рознасць мячоў 18/04. На выездзе гродзенцы згулялі горш, набраўшы ў 5 матчах толькі 7 ачкоў: +2=1-2.
ТУРНІРНАЕ СТАНОВІШЧА
На зімовы перапынак нашы юнакі сышлі займаючы пятае месца ў сваёй групе. Уся барацьба за месца ў чацьвёрку мацнейшых у хлопцаў яшчэ наперадзе. Нагадаем, што па рэгламенце спаборніцтваў, восем лепшых каманд з двух груп працягнуць на другім этапе барацьбу за медалі першынства.
# | каманда | г | мячы | а | лік |
---|---|---|---|---|---|
1 | Шахцёр | 9 | 37 - 4 | 24 | 0-2 |
2 | РГУАР (Мінск) | 9 | 48 - 7 | 22 | 1-1 |
3 | РЦАР (Мінск) | 9 | 38 - 10 | 16 | 1-3 |
4 | Мінск | 9 | 31 - 15 | 18 | 1-1 |
5 | Нёман | 9 | 28 - 11 | 18 | |
6 | Слуцк | 9 | 16 - 18 | 10 | 1-1 |
7 | Дынама-Брэст | 9 | 16 - 16 | 8 | 2-0 |
8 | Гарадзея | 9 | 14 - 44 | 7 | 4-1 |
9 | Ислочь | 9 | 11 - 35 | 4 | 5-2 |
10 | Граніт-Мікашэвічы | 9 | 8 - 87 | 0 | 11-0 |
Падрабязная табліца першай паловы групавога этапа
# | каманда | г | мячы | а | лік |
---|---|---|---|---|---|
1 | Дняпро | 9 | 39 - 2 | 27 | - |
2 | Дынама-Мінск | 9 | 42 - 9 | 22 | - |
3 | Гомель | 9 | 27 - 8 | 17 | - |
4 | БАТЭ | 9 | 18 - 9 | 14 | - |
5 | Віцебск | 9 | 21 - 18 | 14 | - |
6 | Тарпеда-БелАЗ | 9 | 20 - 18 | 14 | - |
7 | Славія-Мазыр | 9 | 11 - 16 | 11 | - |
8 | Белшына | 9 | 12 - 29 | 7 | - |
9 | Нафтан | 9 | 6 - 42 | 3 | - |
10 | Крумкачы | 9 | 1 - 46 | 0 | - |
ІНДЫВІДУАЛЬНЫЯ ПАКАЗЧЫКІ
У восеньская частцы першынства былі задзейнічаны 26 гульца з 31 заяўленых: 2 брамніка, 10 абаронцаў, 13 паўабаронцаў і 5 нападнікаў.
Поўныя статыстычныя дадзеныя па кожнаму гульцу каманды (закладка «Статыстыка»)
КАПІТАН
Капітанам каманды былі два гульца. Восем матчаў з капітанскай павязкай правёў Ягор Главіцкі, адзін раз каманду на поле выводзіў Мікіта Бяценя.
ЛІДЭРЫ
Ва ўсіх дзевяці матчах прымалі ўдзел тры гульца: Максім Грыгор'еў (710 хвілін, або 87,65% ад гульнявога часу), Кірыл Пілец (661/81,60%) і Арцём Пакачайла (523/64.57 %%). Ніхто з гульцоў не правёў першы круг без замен.
БРАМНІКІ
У дзевяці сустрэчах было задзейнічана два брамніка. Ігар Калядэнка згуляў у шасці гульнях (416 хвілін, 51,36% гульнявога часу; 1 гульня на нуль, 5 прапушчаных мячэй, 83'12'' умоўны інтэрвал паміж галамі), а Андрэй Агапаў выходзіў на поле ў пяці матчах (394 хвілін, 48,64% гульнявога часу; 1 сухі матч, 6 прапушчаных мячоў, 65'40'' умоўны інтэрвал паміж галамі).
ГАЛЫ
28 забітых мячоў на рахунку 12 гульцоў. Лепшым бамбардзірам каманды з'яўляецца Кірыл Пілец (6 мячоў), следам за ім з пяццю забітымі мячамі ідзе Максім Грыгор'еў (1 з пенальці). 4 мячы забіў Эдгар Лех, 3 – Ігар Васільчук (1 пенальці), 2 – Мікіта Бяценя і Ягор Главіцкі (1 пенальці), па 1 – Кірыл Капко (пенальці), Арцём Кузьміцкі, Мікіта Кулічкоў, Ілля Леўша, Марк Усовіч і Роберт Сенкель .
ПАСЫ
21 дзейсную перадачу запісалі на свой рахунак 10 гульцоў. Лідэрам у гэтай намінацыі з'яўляецца Эдгар Лех - 5 галявых пасаў. Тры разы асыставаў сваім партнёрам Ягор Васільчук, дзве галявыя перадачы запісаў Мікіта Бяценя. Астатнія дзевяць гульцоў зрабілі па адной такой перадачы.
ПЕНАЛЬЦІ
Пенальці ў браму суперніка прызначаўся чатыры разы. Тры спробы аказаліся выніковымі. Ягор Васільчук, Максім Грыгор'еў і Ягор Главіцкі рэалізавалі свой шанец, а вось брамнік Андрэй Агапаў з адзінаццаціметровай адзнакі прабіў недакладна. У нашу браму пенальці прызначаліся тры разы, аднак рэалізаваны толькі адзін з іх. Адзін раз супернік прабіў міма, а другі раз выручыў брамнік жоўта-зялёных Ігар Калядэнка.
ГРУБАСЦЬ
У дзевяці матчах жоўта-зялёныя зарабілі 20 папярэджанняў. Па тры жоўтых карткі зарабілі Ягор Главіцкі і Максім Грыгор'еў.