«Нёман» U-16: вынікі восеньскага адрэзка Вярнуцца да спісу
Сёння на чарзе падвядзенне вынікаў каманды складзенай з хлопцаў 2001 года нараджэння. Нагадаем, што ў мінулым годзе хлопцы занялі 7-е выніковае месца ў сваёй групе, апярэдзіўшы толькі «Белкард» і «Граніт». Вышэй гродзенцаў у мінулым сезоне фінішавалі «Дынама-Брэст», «Гарадзея», «Слуцк», «Дынама-Мінск», «Шахцёр» і «Мінск».
СЕЗОН 2016/17
Трэнерскі штаб каманды «Нёман» U-16: галоўны трэнер – Віктар Юйко, памочнік – Уладзімір Сярко.
Лічбавыя паказчыкі каманды ў першай палове першынства: +4=3-2, рознасць мячоў 11/9. Гродзенцы саступілі дома безумоўнага лідэру групы «Мінск», а таксама прайгралі на выездзе «Слуцку».
Дома нашы хлопцы правялі 5 сустрэч (у табліцы вылучаныя болдам), у якіх набралі 8 ачкоў: +2=2-1, рознасць мячоў 4-5. На выездзе юныя нёманцы набралі 7 ачкоў ў 4 гульнях: +2=1-1, мячы 7-4.
ТУРНІРНОАЕ СТАНОВІШЧА
Па выніках першай паловы першага этапу нашы хлопцы займаюць 4-е месца ў групе «А». Гэта месца дазваляе разлічваць на выхад у фінальную групу, аднак да канца этапу яшчэ 9 матчаў. Другое месца ад шостага аддзяляе ўсяго пяць ачкоў, таму ўся барацьба за выхад у наступны этап яшчэ наперадзе. Неспакой дадае той факт, што з усімі трыма лідэрамі жоўта-зялёным трэба будзе згуляць на выездзе.
| # | каманда | г | мячы | а | лік |
|---|---|---|---|---|---|
| 1 | Мінск | 9 | 28 - 2 | 27 | 0-3 |
| 2 | Шахцёр | 9 | 19 - 11 | 17 | 2-1 |
| 3 | Гарадзея | 9 | 17 - 12 | 16 | 0-0 |
| 4 | Нёман | 9 | 11 - 9 | 15 | |
| 5 | Слуцк | 9 | 16 - 11 | 13 | 0-2 |
| 6 | Белкард | 9 | 17 - 19 | 12 | 2-1 |
| 7 | Граніт-Мікашэвічы | 9 | 14 - 14 | 10 | 2-2 |
| 8 | Дынама-Брэст | 9 | 7 - 21 | 6 | 0-0 |
| 9 | Іслач | 9 | 8 - 16 | 5 | 1-0 |
| 10 | РЦАР БДУ | 9 | 3 - 25 | 0 | 4-0 |
Падрабязная табліца першай паловы групавога этапа
| # | каманда | г | мячы | а | лік |
|---|---|---|---|---|---|
| 1 | БАТЭ | 10 | 44 - 6 | 27 | - |
| 2 | Акадэмія футбола | 10 | 40 - 6 | 23 | - |
| 3 | Дынама-Мінск | 9 | 25 - 5 | 21 | - |
| 4 | Гомель | 10 | 24 - 8 | 20 | - |
| 5 | Славія-Мазыр | 10 | 10 - 19 | 13 | - |
| 6 | Крумкачы | 10 | 15 - 36 | 12 | - |
| 7 | Віцебск | 10 | 11 - 18 | 11 | - |
| 8 | Тарпеда-БелАЗ | 10 | 16 - 24 | 11 | - |
| 9 | Белшына | 10 | 9 - 34 | 7 | - |
| 10 | Нафтан | 10 | 10 - 28 | 6 | - |
| 11 | Дняпро | 9 | 7 - 27 | 4 | - |
ІНДЫВІДУАЛЬНЫЯ ПАКАЗЧЫКІ
У восеньскай частцы першынства былі задзейнічаны 23 гульцы з 26 заяўленых. 22 выходзілі на поле (1 брамнік, 6 абаронцаў, 12 паўабаронцаў, 3 нападніка), а адзін брамнік дзевяць разоў быў у ліку запасных.
Поўныя статыстычныя дадзеныя па кожнаму гульцу каманды (закладка «Статыстыка»)
КАПІТАН
Адзін раз капітанская павязка дасталася брамніку Даніле Аўгусціновічу, аднак асноўным капітанам каманды быў Раман Кісель (8 матчаў).
ЛІДЭРЫ
Ва ўсіх дзевяці матчах без замен адыграў брамнік Даніла Аўгусціновіч (720 хвілін гульнявога часу). Матчы ў той узроставай групе доўжацца 80 хвілін. Следам за ім размясціліся адразу 7 гульцоў, якія правялі па 8 матчаў: Аляксей Ванюкевіч (640 хвілін), Раман Кісель (640), Яўген Шульскі (600), Максім Лавыш (575), Арсень Якавенка (480), Мікіта Хох (450) і Мікіта Кануннікаў (384).
БРАМНІКІ
У дзевяці сустрэчах былі задзейнічаны толькі адзін галкіпер Даніла Аўгусціновіч (720 хвілін, 100% гульнявога часу; 4 гульні на нуль, 9 прапушчаных мячоў, 80'00'' умоўны інтэрвал паміж галамі). Яго напарнік Іван Лосік 9 разоў быў унесены ў афіцыйны пратакол, аднак ні разу на поле не выходзіў.
ГАЛЫ
11 забітых галоў на рахунку дзевяці футбалістаў. Лепшым на дадзены момант з'яўляецца абаронца Мікіта Каннунікаў, які тры разы прабіваў браму суперніка. Па разе вызначыліся: Ягор Шымуль, Аляксей Ванюкевіч, Ілля Лісоўскі, Ягор Мілашэўскі, Канстанцін Харукі, Мікіта Хох, Арсень Якавенка і Яўген Семянчук.
ПАСЫ
Сем зафіксаваных галявых перадач размеркаваліся сярод семярых гульцоў. Па адным пасу на сваім рахунку маюць: Раман Верас, Мікіта Кануннікаў, Дзмітрый Блізнюк, Аляксей Ванюкевіч, Мікіта Хох, Арсень Якавенка і Яўген Шульскі.
ПЕНАЛЬЦІ
Пенальці ў браму суперніка не прызначаўся. У нашу браму адзінаццаціметровы быў прызначаны адзін раз, але не быў рэалізаваны: Віктар Сотнікаў («Шахцёр» Салігорск) прабіў міма.
ГРУБАСЦЬ
У дзевяці матчах жоўта-зялёныя зарабілі 10 папярэджанняў: па тры разы былі пакараныя Мікіта Кануннікаў і Яўген Шульскі.
