Курганскі застаўся ў «Нёмане» Вярнуцца да спісу

Нягледзячы на ​​тое, што ў галкіпера былі варыянты працягу кар'еры ў іншых клубах, Сяргей застаўся верны роднай камандзе і бліжэйшы сезон правядзе ў «Нёмане» – сёння бакі працягнулі супрацоўніцтва тэрмінам на адзін год.

Нагадаем, што ў мінулым сезоне Курганскі правёў за жоўта-зялёных 29 матчаў у чэмпіянаце (2608 хвілін, або 96,59% гульнявога часу; прапусціў 36 мячоў, атрымаў 4 папярэджанні) і 2 у кубку (210 хвілін, 100% часу; 2 прапушчаных мяча). Па выніках сезона 2015 года Сяргей быў прызнаны найлепшым гульцом каманды, а ў аналагічным апытанні цяперашняга сезону ён заняў другое месца следам за Паўлам Савіцкім.

На дадзены момант Курганскі ў Высшел Лізе Беларусі правёў 96 матчаў (66 у складзе «Нёмана»), у якіх прапусціў 60 мячоў (49). Сезон 2017 года стане для Сяргея чацвёртым, які ён правядзе ў Вышэйшай Лізе абараняючы колеры роднага клуба.

Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Сяргей Курганскі.

Удалых матчаў у сезоне, Сяргей!