«Гарадзея» - «Нёман»: параза Вярнуцца да спісу

Мы памятаем, што багацце траўмаў перашкодзіла паўнавартасна падрыхтавацца да цяперашняга сезону. Амаль усю перадсезонку на трэніроўках адсутнічалі 3-4 гульца магчымага асноўнага складу. Атрымалася так, што дабіраць гульнявыя кандыцыі многім давялося па ходзе турніру, што не магло не адбіцца па выніках каманды. На жаль, траўмы і хваробы працягваюць пераследваць жоўта-зялёных. На матч з «Гарадзеяй» не паехалі 5 гульцоў лініі абароны. Анюкевіч атрымаў бытавую траўму і не зможа дапамагчы камандзе ў бліжэйшы час, хворая нага Бебе ў матчы з ташкенцкім «Лакаматывам» зноў дала пра сябе ведаць на 8-й хвіліне сустрэчы – яшчэ два тыдні аднаўлення, Лешка ў чарговы раз мучыць сур'ёзная ангіна, а Сасноўскі з Горбачам на мікратраўмах, іх вырашана было паберагчы і аднавіць да матчу чэмпіянату.

Варта дадаць, што з «Гранітам» не зможа згуляць Касмынін. У апошнім матчы першага круга ён быў выдалены з поля і яму давядзецца прапусціць стартавы матч другой паловы чэмпіянату. Гэта дадае галаўнога болю трэнерскаму штабу, аднак галоўная праблема крыецца ўсё ж у атакавалых дзеяннях гродзенцаў. Каманда забіла ўсяго 7 мячоў у 15 матчах чэмпіянату. Менш не забіваў ніхто. Бліжэйшы да нас «Нафтан» цешыў сваіх заўзятараў на 5 разоў больш. Галявы дэфіцыт назіраецца і ў кантрольных матчах.

ГАРАДЗЕЯ (Гарадзея) — НЁМАН (Гродна) – 1 : 0 (0 : 0)

Гарадзея: Часноўскі – Яраслаўскі, Шасцілоўскі, Усеня, Пласконны – Пархачоў, Тупчы – Якубовіч, Ігнаценка, Калядка – (к) Лебедзеў Д.

Нёман: Курганскі – Канцавы, Касмынін, Хвалько, Пазняк – Рудзік, Савасцьянаў – (к) Савіцкі, Рудніцкі, Васькоў - Клімовіч. Запасныя: Жураў – Яроцкі, Вяргейчык, Кавалёнак, Журневіч, Сенкевіч, Дуйшабекаў, Бомбель, Смунёў.

Гол: 1:0 – М.Калядка (32)

Поўны пратакол і справаздачу глядзіце на старонках матча «Гарадзея» – «Нёман»

ВІДЭА