Еўрапейскі футбольны тыдзень Special Olympics Вярнуцца да спісу

Футбольны клуб «Нёман» далучыўся да сацыяльнага праекту «Еўрапейскі футбольны тыдзень Спешыал Алімпікс», які з'яўляецца найбольш масавым спартовым мерапрыемствам для асоб з разумовымі парушэннямі, якія праводзяцца міжнароднай арганізацыяй Special Olympics сумесна з UEFA с 2000 года.

У рамках гэтага праекта нашы трэнера дзіцячай школы, а таксама гульцы клуба правялі сёння майстар-клас для дзяцей з асаблівасцямі псіха-фізічнага развіцця. У госці да нас зазірнулі 16 хлопчыкаў і дзяўчынак з ДУА «Спецыяльны дзіцячы садок № 7 г. Гродна».

Першымі ўступілі ў футбольны дыялог з гасцямі нашы футбалісты. Максім Шышлоў, Антон Сарокін і Ягор Хвалько адказна падышлі да гэтага мерапрыемства і не толькі прадэманстравалі мноства футбольных фінтоў і практыкаванняў, але таксама на працягу ўсёй сустрэчы актыўна размаўлялі з хлопцамі.

Пасля гульцоў да працэсу падключыліся нашы дзіцячыя трэнеры Мікалай Гурэнка і Руслан Сакута. Дзеткам сумаваць не прыйшлося. На працягу ўсёй трэніроўкі хлопцы з радаснымі воклічамі гулялі з мячамі: падкідвалі і лавілі, пасавалі і білі па браме. Скончыўшы з індывідуальнымі практыкаваннямі, дзеці падзяліліся на тры каманды і пазмагаліся за перамогу ў эстафеце. У запалу спартыўнай барацьбы эмоцыі перапоўнілі дзяцей і іх задаволеныя галасы разнесліся па ўсім Каложскім парку.

Перад канчаткам сустрэчы ўсе дзеці атрымалі невялікія падарункі, распавялі, ці спадабалася ім гуляцца з мячамі і паабяцалі, што абавязкова прыйдуць у госці яшчэ.

Мы заўсёды рады вас бачыць, прыходзьце абавязкова.

Сюжэт пра гэта мерапрыемства глядзіце сёння на канале «Гродна Плюс» у выпуску навінаў, у 20:00.