Першая ліга Вярнуцца да спісу
Фота: Суполка Укантакце ФК «Гомель»)
Працягваем сачыць за арандаваным у «Нёмана» гульцамі.
Матчы 5-га тура
«Ліда» – «Хімік» (Светлагосрк) - 2:1. Лідчане дома мінімальна перайгралі змешчаны ўнізе табліцы «Хімік». Абодва галы ў складзе гаспадароў забілі гульцы, якія маюць у сваёй кар'еры жоўта-зялёныя старонкі. Да перапынку вызначыўся Крывобок, а за дзесяць хвілін да канца сустрэчы Дубай. Абодва нашых гульца гулялі ў гэтай сустрэчы: Гольцаў, які атрымаў да перапынку папярэджанне, на 65-й хвіліне замяніў Лукашына.
«Смаргонь» – «Гомельчыгунтранс» - 2:2. Гаспадары цалкам маглі запісаць на свой рахунак тры ачкі. Аляксей Лазко, таксама ў мінулым гулец дубля гродзенскага «Нёмана», вывеў гаспадароў наперад на 90-й хвіліне сустрэчы, аднак на 4-й дададзенай гомельскія лік зраўнялі. Васілючака не было нават у запасе, а Кірыл Ганчарук правёў матч цалкам.
«Гомель» – «Баранавічы» - 4:1. «Гомель» ўпэўнена перайграў дома «Баранавічы». Гаспадары хутка павялі ў два мяча, а ў другім тайме яшчэ двойчы адправілі мяч у браму гасцей. Забіць мяч прэстыжу баранавіцкай камандзе ўдалося на 77-й хвіліне: Забелін прабіў са штрафнога, мяч трапіў у Дразда, змяніў траекторыю палёту і ўляцеў у кут брамы гаспадароў (адзнака на відэа - 4:00). Першапачаткова ў афіцыйным пратаколе менавіта Дрозд значыўся аўтарам забітага мяча, аднак па просьбе кіраўніцтва баранавіцкага клуба АБФФ ўнесла ў дакумент змены: гол справядліва перапісалі на Забеліна. Касцючык і Забелін правялі ўсе 90 хвілін на поле, а Цеслюкевіч уступіў у гульню адразу пасля перапынку.
Матчы 6-га тура
«Гомель» – «Ліда» - 2:0. У гэтым матчы лідчанам нічога не атрымалася супрацьпаставіць гаспадарам. Падапечныя Тарашчыка прапусцілі ад лідэра першынства ў кожным тайме па адным мячы, а самі вызначыцца не змаглі. Лукашын адыграў першы тайм, а Гольцаў быў заменены на 74 хвіліне.
«Ашмяны» – «Смаргонь» - 1:0. Паездка да аўтсайдару турніру ў Ашмяны аказалася няўдалай. Пачатковец Першай Лігі, які не мае ні аднаго ачка, аднайменны клуб нечакана атрымаў у гэтым матчы перамогу. Уладзіслаў Васілючак на гэты раз у заяўку на матч трапіў, аднак на поле не выходзіў. Ганчарук адыграў матч ад званка да званка. Варта адзначыць, што з 2014 года галоўным трэнерам у «Ашмянах» працуе срэбраны прызёр Беларусі 2002 у складзе гродзенскага клуба Васіль Смірных.
«Баранавічы» – «Гомельчыгунтранс» - 0:0. Другі матч запар супраць гомельскай каманды на гэты раз завяршыўся ўнічыю. Галоў у гэтай сустрэчы заўзятары не ўбачылі. Касцючык правёў матч цалкам. а Забелін быў заменены на 78-й хвіліне сустрэчы.
СТАТЫСТЫКА
Індывідуальныя дадзеныя па гульцам прыведзены на 9 траўня (пасля 6-га тура)
гулец | каманда | гульні | хв | г+п | ж/2ж/ч |
---|---|---|---|---|---|
ВАСІЛЮЧАК Уладзіслаў | Смаргонь | 2 / 1 | 180 | -1 | 1/0/0 |
ГАНЧАРУК Кірыл | Смаргонь | 6 | 517 | 0 + 0 | 1/0/0 |
КАСЦЮЧЫК Антон | Баранавічы | 6 | 362 | 0 + 0 | 0/0/0 |
ЦЕСЛЮКЕВІЧ Павел | Баранавічы | 5 | 276 | 0 + 1 | 0/0/0 |
ЗАБЕЛІН Павел | Баранавічы | 6 | 499 | 3 + 0 | 1/0/0 |
ГОЛЬЦАЎ Юрый | Ліда | 6 | 479 | 0 + 0 | 3/0/0 |
ЛУКАШЫН Антон | Ліда | 6 | 392 | 0 + 0 | 0/0/0 |
У 7-ым туры сустракаюцца «Баранавічы» - «Ліда» (28 траўня), «Смаргонь» - «Орша» (29 траўня).