Юнацкае першынство Вярнуцца да спісу
На жаль, нашы юнацкія каманды не радуюць сваімі вынікамі ў цяперашнім першынстве. З апошняга нашага агляда прайшло крыху менш за месяц і за гэты час каманды паспелі правесці па чатыры матчы. Усяго ў 16 матчах юнакі нашай школы змаглі атрымаць перамогу толькі ў адным з іх. Агульная карціна выглядае гнятліва: +1=5-10, розніца мячоў 16-28. Прычым трынаццаць з шаснаццаці мячоў забілі хлопцы каманды U-16. Ні самыя старэйшыя, ні самыя малодшыя, парадаваць сваіх трэнераў і бацькоў забітымі мячамі не змаглі.
«Нёман» U-19 прайграў два матчы з чатырох (+0=2-2, мячы 0-4). 17 красавіка дома не змаглі перайграць «Гомель» - нічыя 0:0 (у першым крузе нічыя 2:2), а ў 22 туры ў гасцях жоўта-зялёныя безумоўна саступілі «Тарпеда-БелАЗ» 0:3 (перамога дома 4:2) . Затым наступіла мінімальнае паражэнне аднаму з лідэраў чэмпіянату. Дома гродзенцы саступілі «Мінску» 0:1. Нагадаем, што ў матчы першага круга наша каманда таксама прайграла менчукам, праўда паказаўшы больш дзейсную гульню. У верасні мінулага года ў гасцях «Нёман» саступіў 3:4.
Учора падапечныя Дзмітрыя Агародніка дома згулялі ўнічыю з барысаўскім БАТЭ 0:0 (у першым крузе была нічыя 1:1). Першы тайм быў за гаспадарамі, а вось у другой палове сустрэчы ініцыятыву перахапілі госці. Тым не менш, галоў у гэтай сустрэчы каманды не забілі.
Галявая засуха, якая доўжыцца на працягу ўжо чатырох сустрэч, не спрыяе папаўненню ачковага багажу. Наступныя дзве сустрэчы каманда правядзе дома супраць мазырскай «Славіі» і мінскага РЦАР-БДУ. Абодва матчы ў гасцях былі прайграныя гэтым камандам з лікам 1:3. Ці змогуць і нашыя хлопцы забіць і ўзяць рэванш, даведаемся на гэтым тыдні. Матчы пройдуць на штучным полі ЦСК «Нёман» 12 і 15 мая адпаведна. Пасля 24-га тура каманда знаходзіцца на 12-ым месцы.
U-19 | табліца і вынікі | пратаколы, статыстыка каманды
«Нёман» U-17 у чатырох матчах набраў адно адзінае ачко (+0=1-3, мячы 3-7). У суперніках у каманды Белаы былі тыя ж каманды, што і ў старэйшага ўзросту: «Гомель» - 0:1 (першы круг 2:2), «Тарпеда-БелАЗ» - 1:1 (гол забіў Главіцкі, першы круг 1:1), «Мінск» - 2:4 (галы - Пілец і Грыгор'еў, першы круг 2:6), БАТЭ - 0:1 (першы круг 0:4). Як бачыце, у першым крузе ў гэтых чатырох сустрэчах было прапушчана 13 галоў, цяпер жа толькі 7. Гуляць сталі шчыльней, а ў абароне - надзейней, аднак ачкоў пакуль гэта не дадае. Пасля 24-га тура каманда займае 13-е месца, адстаючы ад 12-га на 8 ачкоў.
U-17 | табліца і вынікі | пратаколы, статыстыка каманды
«Нёман» U-16 атрымаў адзіную перамогу за гэты месяц сярод усіх чатырох узростаў. Агульная карціна гэтага адрэзку ў каманды Марата Белезяка такая: + 1=1-2 (мячы 13-12). У гасцях хлапчукі саступілі хлопцам з салігорскага «Шахцёра» 2:4 (галы - Сегень-2; матч першага круга 0:3) і мінскага «Дынама» 0:3 (першы круг 1:3), затым дома разграмілі «Слуцк» з лікам 8:1 (галы забілі Швед-2, Ванюкевіч, Буряк, Маркевіч, Асмалоўскі, Вашкевіч, Кейко; першы круг 10:1).
У выязным матчы з «Гарадзеяй» хлопцы згулялі ўнічыю 3:3 (галы - Вашкевіч-3; у першым крузе 4:2). Нягледзячы на тое, што за гэты адрэзак было набрана 4 ачкі, каманда апусцілася на два радкі ўніз і займае пасля 14 тураў у сваёй групе 8-е месца (18 ачкоў). Шчыльнасць ў групе вялікая, да пятага месца ўсяго-то 2 ачкі. У бліжэйшым туры, які адбудзецца 14 мая, супернікам нашай каманды будзе гродзенскі «Белкард». У нашых суседзяў па турнірнай табліцы на два ачкі больш, а ў матчы першага круга была дзейсная нічыя 2:2.
U-16 | табліца і вынікі | пратаколы, статыстыка каманды
«Нёман» U-15 у сваіх чатырох матчах атрымаў толькі адно ачко (+0=1-3, мячы 0-5), пры гэта не забіўшы ніводнага мяча. Вынікі каманды Юйко такія: «Шахцёр» - 0:1 (матч першага круга 0:4), «Дынама-Мінск» - 0:3 (першы круг 0:1), «Слуцк» - 0:1 (першы круг 1:1), «Гарадзея» - 0:0 (першы круг 0:1). Пасля 14-га тура наша каманда займае 8-е месца ў сваёй групе, адстаючы ад шостага на 4 ачкі. Да канца чэмпіянату засталося правесці 4 матчу.
U-15 | табліца і вынікі | пратаколы, статыстыка каманды
Здымкі і відэа: footbik.by
