Пяты матч дубля Вярнуцца да спісу
Праз гадзіну на штучным полі ЦСК «Нёман» пачнецца гульня дублюючых складаў каманд. Моладзевы склад жоўта-зялёных прымае «Мінск», які пасля чатырох тураў займае шостае месца. Сталічная дружына абыграла БАТЭ (3:1) і «Дынама-Брэст» (1:0), згуляла ўнічыю з «Віцебскам» (2:2) і нечакана ў мінулым туры саступіла «Белшыне» з лікам 1:3.
У мінулым сезоне мы двойчы саступілі менчукам, якія сталі пераможцамі чэмпіянату дублёраў. У першым крузе ў Мінску саступілі 2:4, а ў хатнім матчы прайгралі 2:3.
У першым тайме каманды асцярожнічалі, дзейнічалі досыць павольна. Страціўшы мяч ў атацы абедзве каманды паспявалі адысці за лінію мяча, заняць пазіцыю для абароны і разбурыць атаку праціўніка. З гульні не было створана ні аднаго моманту. Менчукам перашкаджалі абаронцы гаспадароў, а ў адзінай вострай атацы гаспадароў Буцько не хапіла дакладнасці. Пасля ўдару нападніка на 29-й хвіліне мяч паляцеў вышэй варот... Уся вастрыня каля брамы гродненцаў да перапынку была звязана са стандартамі. На 13-й хвіліне Шышлоў пасля магутнага ўдару Канцадайлава забраў мяч ў падзенні ў ніжнім куце, а на 26-й хвіліне пасля падачы са штрафнога Іваноў галавой паслаў мяч вышэй брамы. Грубасці асаблівай не было, аднак па картцы гульцы абедзвюх каманд атрымалі. Груба згулялі супраць сваіх апанентаў Сарокін і Іваноў.
НЁМАН-д (Гродна) — МІНСК-д (Мінск) – 0 : 3 (0 : 0)
Галы: 0:1 - Я.Шаўчэнка (61, з пенальці), 0:2 - А.Капскі (74), 0:3 - І.Бахар (83)
Пратакол сустрэчы даступны на старонках матчу «Нёман»-д - «Мінск»-д
