Першыя перамогі Вярнуцца да спісу

У суботу і нядзелю свае чарговыя матчы правялі асноўны і дублюючы склады жоўта-зялёных. Нарэшцео мы дачакаліся перамог ад нашых улюбёнцаў, прычым перайграць сваіх апанентаў ўдалося і старэйшым і малодшым.

Дублёрам гулялі пятага сакавіка ў гасцях супраць «Слоніма», які прадстаўляе Першую Лігу, ў мінулым сезоне фінішаваў дзевятым у сваім дывізіёне. У абноўленага складу другой каманды патроху пачынае праяўляцца малюнак гульні, хлопцы стараюцца і шмат працуюць, а са стараннем прыходзіць і вынік.

Адзіны мяч на рахунку Аляксея Лукашыка, які на 70-й хвіліне падпільнаваў памылку брамніка і забіў адзіны мяч у гэтай сустрэчы (пратакол матчу). Гаспадары свой шанец зраўняць лік выпусцілі. Гулец «Слоніма» не змог з адзінаццаціметровай адзнакі перайграць Дзмітрыя Сая і выратаваць сваю каманду ад паразы. Надзейная гульня брамніка – залог поспеху любой каманды.

Атрымала перамогу ў гасцях і першая каманда (пратакол матчу «Дынама-Брэст» - «Нёман», справаздача і здымкі). Нарэшце нашым гульцам атрымалася забіць, ды не адзін раз за матч, а цэлых тры разы! Выдатны матч правёў Сяргей Кавалюк, зарабіўшы тры дзейсныя балы – 1 гол і 2 галявыя перадачы са штрафных. Галамі адзначыліся абаронцы Сяргей Сасноўскі і Аляксандр Пазняк.

З першымі перамогамі, жоўта-зялёныя!