«Нёман»-д — «Гарадзея»-д: перамога Вярнуцца да спісу
Матч двух каманд пройдзе сёння ў Футбольным манежы, пачатак сустрэчы ў 14:00.
Перад сённяшнім матчам каманды падзяляюць 14 ачкоў. Гарадзейская маладзёжка з 25 ачкамі знаходзіцца на 12-ым радку турнірнай табліцы (+5=10-9, мячы 25-42), а вось гродзенцы выступаюць у першынстве дублёраў больш удала. Да 25 туру каманда Траско набрала 39 ачкоў і размясціліся на 7-м месцы (+11=6-7, мячы 53-32). Да прызавой тройкі далекавата. Разгубіўшы ў другім крузе вялікую колькасць ачкоў, жоўта-зялёныя адсталі ад трэцяга месца ўжо на 9 ачкоў.
У мінулым туры гарадзейцы на выездзе саступілі жодзінскаму «Тарпеда-БелАЗ» 0:2, а наша каманда ў Мінску не змагла ўтрымаць пераможны лік у матчы з «Крумкачамі» і згуляла з імі унічыю 3:3 (Д.Лісаковіч 34, В.Невероўскі 39, П.Богуш 90+3 – А.Бомбель 55, 84, Д.Вашкевіч 86). Хто яшчэ не бачыў справаздачы з гэтага багатага на галы матча, можаце атрымаць асалоду ад шасці забітых камандамі мячоў.
Дома гродзенскі дубль гуляе лепш, чым на выездзе. З 39 набраных ачкоў, у родных надзіманых сценах футбольнага манежа жоўта-зялёныя зарабілі 21. На сваім полі жоўта-зялёныя атрымалі 6 перамог («Слуцк» 1:0, «Нафтан» 4:0, «Крумкачы» 4:1, «Іслач» 7:0, «Дняпро» 2:1, «Тарпеда-БелАЗ» 4:0), а ў гасцях святкавалі перамогу пяць разоў («Іслач» 1:0, «Гарадзея» 5:0, «Гомель» 1:0, «Шахцёр» 2:1 і «Слуцк» 4:1). Статыстыка хатніх гульняў гродзенцаў: +6=3-2 (мячы 28-12). На сваім полі наша крманда саступіла толькі «Віцебску» і БАТЭ.
У «Гарадзеі» у разрэзе «дом/выезд» з набранымі ачкамі справа ідзе наступным чынам: 13 балаў каманда набрала на сваім полі, 12 балаў у гасцях. Атрымліваецца, што дома нашы сённяшнія сапернікі выступаюць зусім нязначна, але лепш. На чужых палях былі абыграны «Слуцк» 3:0 і «Іслач» 2:0, у той час як дома гарадзейцы перамагалі 3 разы ( «Дынама-Брэст» 2:1, «Крумкачы» 1:0, «Гомель» 3:2). Статыстыка выязных матчаў дубля «Гарадзеі»: +2=6-3 (мячы 10-15). Нашы сённяшнія супернікі на чужым полі больш гуляюць унічыю. Саступілі гарадзейцы толькі таго, хто ідзе на першым месцы «Шахцёру» 0:4, «Віцебску» 0:4 і «Тарпеда-БелАЗ» 0:2.
Жоўта-зялёныя, у адрозненні ад гарадзейскі маладзёжкі, выступаюць вельмі вынікова. У 24 матчах нашы гульцы забілі 53 мяча, што ў сярэднім складае 2,21 мяч за 1 гульню. У гарадзейцаў гэты паказчык крыху больш адзінкі – 1,04 (25 мячоў у 24 гульнях).
Галы нашых супернікаў на рахунку наступных футбалістаў: 7 – Ягор Аляксеенка, 4 – С.Кучмель, 3 – І.Желада, па 2 - І.Баглай, А.Гудаў, А.Валовіч, П.Буйкевіч, па 1 - С.Кунцэвіч , А.Ціхончык, Я.Навіцкі.
У складзе гродзенскага дубля лепшым бамбардзірам з'яўляецца Артур Бомбель, на рахунку якога 10 мячоў. Следам за ім размясціліся: 8 – В.Журневіч (выступае цяпер за польскі клуб «Зніч»), 7 – М.Кругленя, 4 – Д.Хлебасолаў па 3 - Д.Кавалёнак, Д.Вашкевіч, Д.Васкабойны, па 2 – Я.Сакута, Р.Лакціёнаў (выступае за ўкраінскі клуб «Інгулец»), па 1 – М.Клунок, В.Сыріська, М.Яблонскі, К.Карпенко, В.Зубрыцкі, Р.Сенкель, Э.Лех, А .Горбач, А.Трюхан, Я.Яроцкі (вярнуўся ў мінскае Дынама). Адзін мяч супернік забіў сабе сам.
У першым крузе першынства дублёраў гродзенцы на выездзе разграмілі гарадзейцаў 5:0 (Хлебасолаў 31, Журневіч 39, Кавалёнак 40, 50, Боібель 59).
НЁМАН-д (Гродна) — ГАРАДЗЕЯ-д (Гарадзея) – 1 : 0 (1 : 0)
НЁМАН: Агапаў – Зубрыцкі, Карпенка, Зубко, Капко, Сыріська, Васкабойны, Сакута, Леўша, Кругленя, Пілец. Запасныя гульцы: Баярчук – Кобрын, Вягера, Кузьміцкі, Трюхан, Вашкевіч, Мякіш.
ГАРАДЗЕЯ: Макараў – Сіняўскі, Коваль, (к) Шалухоўскі, Валовіч, Шульган, Гудаў, Буйкевіч, Баглай, Желада, Кучмель. Запасныя гульцы: Глазко – Высоцкі, Жукоўскі, Алексеенка, Навіцкі, Салавей Ал., Шавель.
Галы: 1:0 — І.Коваль (13, аўтагол)
Да перапынку гульня глядзелася на адным дыханні. Гарадзейцы гулялі трохі больш небяспечней, стварыўшы пагроз брамы суперніка больш, чым гэта ўдалося гаспадарам. Тым не менш, лік у матчы адкрылі гродзенцы. 13-я хвіліна стала нешчаслівай для «Гарадзеі» і асабіста для Іллі Коваля, які галавой адправіў мяч ва ўласную браму. Госці адказалі некалькімі вострымі выпадамі, самым небяспечным з якіх быў выхад сам-насам Баглая. Нападнік гасцей біў нізам у супрацьходах галкіперу, але Агапаў своечасова выставіў пад удар нагу і здолеў перавесьці мяч на кутавы. Наступная актыўнасць каля брамы супернікаў здарылася на стыку 36-й і 37-й хвілін. Першымі небяспечна галавой прабілі гаспадары – Сыріська з шасці метраў паслаў мяч вышэй брамы, а праз паўхвіліны Агапаў зноў стаў на шляху ляцячага у ніжні кут брамы мяча, пасля далёкага ўдару Гудава.
Пасля перапынку больш і больш востра атакавалі ўжо гаспадары. На 68-й хвіліне прыгожа з-за штрафной у дотык прабіў Сыріська. Мяч паляцеў па дугападобнай траекторыі ў далёкі верхні кут брамы, але ў апошні момант дастаў мяч Макараў. А ў канцоўцы сустрэчы тройчы быў блізкі да поспеху ўступіўшы на 63-й хвіліне у гульню Андрэй Трюхан. На 72-й хвіліне яго небяспечны ўдар заблакавалі абаронцы, а за 4 хвіліны да канца асноўнага часу Трюхан меў самы рэальны момант адправіць другі мяч у сетку брамы гасцей. Мякіш ў цэнтры поля накруціў трох супернікаў, аддаў на левы край партнёру, які і вывеў на ўдарную пазіцыю Андрэя. З ударам з 10-ці метраў не без долі шанцавання справіўся брамнік, адбіўшы мяч на кутавы. Праз шэсць хвілін Макараў у трэці раз сур'ёзна ўступіў у гульню. Трюхан па чарзе абыграў дваіх абаронцаў і прабіў з лініі штрафной у блізкі кут брамы, але зноў надзейна згуляў брамнік.
Поўная версія пратакола будзе даступная на старонках матча «Нёман»-д — «Гарадзея»-д
