Савіцкі забіў македонцам Вярнуцца да спісу
Учора наша моладзевая зборная Беларусі U-21 (склад дэлегацыі) правяла таварыскі матч супраць эксперыментальнага складу македонскай маладзёжкі. У гэтай сустрэчы трэнер Македоніі выпусціў на поле адразу 8 новых гульцы 1996 года нараджэння, аднак гэта не перашкодзіла гаспадарам згуляць больш агрэсіўна і дыктаваць свае ўмовы гасцям. Тым не менш, беларусы забілі першымі, а матч у Скоп'е завяршыўся ўнічыю 1:1.
Васілючак і Пазняк правялі ўвесь матч ад званка да званка, а Савіцкага на 55-й хвіліне замяніў Яроцкі. Папярэджанняў нёманцы не атрымлівалі, а вось адзіны беларускі гол у гэтай сустрэчы забіў прадстаўнік гродзенскага клуба. На апошняй хвіліне першага тайма Савіцкі на подступах да штрафной адыграўся з Клімовічам і ліха прадраўся на рандэву з галкіперам гаспадароў. Шанцаў выручыць сваю каманду ў гэтым эпізодзе ў брамніка македонскай маладзёжкі было нікчэмна мала. Хаўбек «Нёмана» стрымана рэалізаваў выхад адзін на адзін, адправіў мяч нізам у далёкі кут брамы. Гэта першы гол нашага паўабаронцы ў гэтым сезоне. Нагадаем, што Павел доўгі час не гуляў з-за атрыманай у канцы студзеня траўмы. Будзем спадзявацца, што зусім хутка Савіцкі вызначыцца голам і ў матчы за жоўта-зялёных!
Прапусцілі беларусы праз пяць хвілін пасля перапынку. Мяч пасля ўдару Маркоскага ўляцеў у туя ж браму і ў той жа кут.
Сёння хлопцы паспяхова дабраліся да Мінска і раз'ехаліся па сваіх клубах. Трэба паспець аднавіцца пасля далёкай дарогі, бо чарговы тур чэмпіянату краіны ўжо не за гарамі. У гэтую суботу гарадзенскі «Нёман» дома згуляе супраць жодзінскага «Тарпеда-БелАЗ». Прэв'ю да гэтай сустрэчы чытайте на старонках матча «Нёман» — «Тарпеда-БелАЗ».
МАКЕДОНІЯ U-21 — БЕЛАРУСЬ U-21 – 1:1 (0:1)
Міжнародны таварыскі матч.
Серада, 1 чэрвеня 2016. СКОП'Е / Стадыён трэніровачнага цэнтра нацыянальнай федэрацыі «Петар Мілашэўскі». 200 гледачоў.
+24 С, пераменная воблачнасць / электраасвятленне. Пачатак матчу – 17:30.
Македонія: (к) Шышкоўскі Д. – Мусліу В., Петроўскі П., Амановіч А., Маркоскі К., Філіпоўскі К. (Аўрамоўскі, 46), Стаілаў Г. (Костаў С., 62), Мураці М. (Крстіч П., 62), Костадзінаў Т. (Танескі Р., 81), Сімоўскі А. (Аломеравіч Д., 46), Ангелаў В. Запасныя: Іліч Ф., Дземіры Б., Тотре Е., Элмаз. Галоўны трэнер – Благоя Мілеўскі.
Беларусь: Васілючак В. – Яблонскі М., Барысаў Д., Ясюкевіч В., Пазняк А. – Паўлюкавец Ю. (Шыбун М., 90), (к) Яблонскі Е. (Бандарэнка А., 77), Гурэнка А. (Янчанка А., 55), Савіцкі П. (Яроцкі Я., 55), Клімовіч В. (Рассадкін Г., 77), Цевераў Р. (Лебедзеў Я., 55). Запасныя: Чычкан А. Галоўны трэнер – Ігар Кавалевіч.
Галы: 0:1 — П.Савіцкі (45, пас – Клімовіч), 1:1 — К.Маркоскі (50).
