Чакаем усходаў Вярнуцца да спісу
Падрыхтоўчыя працы на стадыёне «Абутнік», які знаходзіцца паміж вуліцамі Паповіча і Савецкіх пагранічнікаў, падыходзяць да фінішнай прамой.
Ранняй вясною пачаліся работы па ўборцы тэрыторыі і падрыхтоўцы поля да пасева газонаў травы. Затым былі некалькі этапаў збірання камянёў, культываванне глебы, некалькі этапаў подсыпання ўрадлівага грунту і выраўноўвання поля.
Сёння, на будучым трэніровачным полі гродзенскага «Нёмана» была засеяна трава. Цяпер хадзіць па засеяным траўніку ні ў якім разе нельга, а першыя ўсходы маладой травы чакаюцца праз 1-3 тыдні. Па навуцы, паўнавартасны запуск у эксплуатацыю новага поля магчымы не раней, чым праз два гады пасля засявання. За гэты тэрмін каранёвая сістэма травы разаўецца цалкам і стане устойлівай да вытоптвання і пашкоджання ў падчас скачкоў, падкатаў і рэзкіх прыпынкаў футбалістаў.
Стадыён «Абутнік» быў пабудаваны ў 1984 годзе і належаў абутковай фабрыцы «Нёман». Спартыўны аб'ект быў збудаваны на месцы IV землянога форта гродзенскай крэпасці. Узвышша, дзе знаходзіліся трыбуны для заўзятараў – гэта і ёсць рэшткі землянога вала, які і нагадвае ўсім аб форце, які існаваў раней. Сур'ёзных футбольных баталій на дарослым узроўні на стадыёне не праводзілася. Самым значным футбольным турнірам, матчы якога прымаў гэты стадыён, быў «Крыштальны мяч».
