Моладзевая зборная згуляе ў Скоп'е Вярнуцца да спісу

Сёння моладзевая зборная Беларусі правядзе таварыскі матч з македонскімі аднагодкамі. Пасля тыднёвага трэніровачнага збору быў вызначаны склад, які ў панядзелак адправіўся на Балканы.

Галоўны трэнер маладзёжкі Ігар Кавалевіч узяў з сабой у Скоп'е 18 футбалістаў. У іх лік патрапілі аддадзены гродзенскім клубам у арэнду Уладзіслаў Васілючак, а таксама два гульца жоўта-зялёных – Аляксандр Пазняк і Павел Савіцкі.

Акрамя Савіцкага, у выязным складзе ёсць яшчэ двое карэнных гродзенцаў – Яраслаў Яроцкі і Арцём Гурэнка, якія на дадзеным этапе сваёй кар'еры гуляюць у мінскім «Дынама» і літоўскім «Тракаі» адпаведна.

Выязны склад зборнай Беларусі U-21: брамнікі Ўладзіслаў Васілючак («Смаргонь») і Антон Чычкан («Смалевічы-СТІ»), абаронцы Аляксандр Пазняк («Нёман», Гродна), Дзмітрый Барысаў («Нафтан», Наваполацк), Максім Яблонскі («Смаргонь»), Арсеній Бандарэнка («Зорка-БДУ», Мінск), Уладзіслаў Ясюкевіч («Іслач», Мінскі раён), паўабаронцы Павел Савіцкі («Нёман», Гродна), Яраслаў Яроцкі («Дынама-Мінск»), Арцём Гурэнка («Тракай», Літва), Яўгеній Яблонскі (БАТЭ, Барысаў), Аляксандр Янчанка («Гомель»), Яўгеній Лебядзеў («Нафтан», Наваполацк),  Міхаіл Шыбун («Шахцёр», Салігорск) і Юрый Паўлюковец («Тарпеда-БелАЗ», Жодзіна), нападнікі Руслан Цевераў («Нафтан», Наваполацк), Уладзіслаў Клімовіч («Елгава», Латвія) і Глеб Рассадкін («Дынама-Мінск»).