Ігар КАВАЛЕВІЧ: Удзячны сваёй камандзе за характар Вярнуцца да спісу
Игар КАВАЛЕВІЧ (галоўны трэнер ФК «Нёман»):
– Перш за ўсё, хачу выказаць вялікую ўдзячнасць работнікам стадыёна, якія наколькі змаглі, настолькі і падрыхтавалі поле. А што тычыцца гульні, то ў ёй было шмат барацьбы. Забілі гол, а ў другім тайме, пасля выхаду вялікага майстра Ігара Страхановіча, дазволілі «Славіі», у некаторай ступені, пераламаць ход гульні. Мы крыху не разабраліся ў цэнтры поля і прапусцілі мяч. «Славія» працягнула нагнятаць, аднак мы на 90-й хвіліне забілі гол. Таму я ўдзячны сваёй камандзе за характар. Сёння нам супрацьстаяла добра арганізаваная каманда. Крыўдна гаспадарам, вядома, прайграваць. Можа быць, нічыя была б больш справядлівым вынікам, але гэта футбол.
– Ці быў выхад Глеба на поле планавым, і якое заданне ён ад вас атрымаў?
– Арцём Канцавы аднавіўся пасля траўмы, аднак не набраў належных кандыцый. Таму замена другі матч запар Канцавога на Глеба, з'яўляецца планавай. Каманда «Славія» прайгравала і вялікімі сіламі ішла наперад. Таму яго задачай было прытрымаць мяч, даць магчымасць флангавым гульцам разагнацца. У некаторай ступені мы чакаем ад яго большага, але я задаволены тым як Глеб працуе, і як ён гуляе.
– Савасцьянаў сёння гуляў на не зусім уласцівай яму пазіцыі.
– Жэня вопытны гулец. З-за картак Абуны і Зубкова ў нас было некалькі варыянтаў увесці тых ці іншых футбалістаў у склад. Мы спыніліся на гэтым. Далі магчымасць Уладу Клімовічу згуляць у стартавым складзе – ён гэтага заслугоўвае. Раз выйгралі, значыць, мы не памыліліся. А Савасцьянаў можа гуляць на любой пазіцыі. Ён не выпаў сёння з гульні.
Юрый ПУНТУС (галоўны трэнер ФК «Славія-Мазыр»):
— Такія матчы прайграваць нельга, але калі прайгралі, то віншую свайго калегу з перамогай. Больш мне сказаць няма чаго, таму што трэба яшчэ працаваць і працаваць. З майстрамі ў нас увогуле цяжка. Замест таго каб спыніць мячык і спытаць брамніка у які кут табе забіць, мы «жуём» яго і прывозім сабе такія галы... Цяжка гэта перажываць, але прыходзіцца. Віншую каманду «Нёман» з перамогай. Напэўна, яны больш гэтага хацелі, таму і заслужылі яе.
— Ці будуць да канца трансфернага перыяду змены ў складзе?
— Не ведаю.
ВІДЭА
Больш інфармацыі пра матч «Славія-Мазыр» — «Нёман»
