АГУЛЬНАЯ ІНФАРМАЦЫЯ

Поўная назва: Спартыўная ўстанова «Гродзенскі футбольны клуб «Нёман».

Заснавальнікам футбольнага клуба «Нёман» з’яўляецца ўпраўленне фізічнай культуры, спорту і турызму Гродзенскага абласнога выканаўчага камітэта.

«Нёман» – футбольны клуб з горада Гродна, аднаго з найстаражытнейшых гарадоў Беларусі з насельніцтвам у 320000 чалавек. Клуб быў заснаваны ў 1964 годзе і да 1991 года выступаў у класе «Б» / 2-й лізе (Д3) чэмпіянату СССР (у 1968 і 1969 гг. – у 2-й групе класа «А» (Д2)). З 1992 года з’яўляецца ўдзельнікам вышэйшай лігі (Д1) чэмпіянату Беларусі. Разам з такімі клубамі, як «Дынама-Мінск», «Дынама-Брэст» і салігорскі «Шахцёр», уваходзіць у лік чатырох клубаў, якія бесперапынна выступаюць у галоўным дывізіёне краіны з моманту яго заснавання.

На дадзены момант у структуру клуба ўваходзяць 6 каманд і Дзіцяча-юнацкая спецыялізаваная школа па футболе (у структуры клуба – з 2009 года). Галоўная каманда «Нёмана» (каманда «А») выступае ў вышэйшай лізе чэмпіянату Беларусі (Д1), дублёры (каманда «Б») – у чэмпіянаце дублёраў сярод клубаў вышэйшай лігі, а таксама ёсць чатыры юнацкія каманды, якія выступаюць у юнацкім першынстве Беларусі ў адпаведных узростах. У клубнай футбольнай школе ў 47 групах навучаюцца 522 выхаванцы.

ЧЭМПІЯНАТ БЕЛАРУСІ

Дадзеныя на 9 лістапада 2015 года

Удзелы: 25 сезонаў. Баланс гульняў: 704 гульні (+255=185-264), розніца мячоў: 788 – 855. Статыстыка клуба ў чэмпіянатах

КУБАК БЕЛАРУСІ

Дадзеныя на 1 снежня 2015 года

Удзелы: 25 сезонаў. Баланс гульняў: 87 гульні (+42=16–29), розніца мячоў: 149 – 95. Статыстыка клуба ў кубках

ЕЎРАПЕЙСКІЯ КУБКІ

Удзелы: 4 сезоны. Баланс гульняў: 8 гульняў (+1=4–3), розніца мячоў: 4 – 11.

Найлепшыя дасягненні: Кубак Кубкаў – папярэдні раўнд у сезоне 1993/94, Кубак УЕФА – папярэдні раўнд у сезоне 2003/04, Кубак Інтэртота – 1-ы раўнд у сезоне 2005, Ліга Еўропы – 2-і кваліфікацыйны раўнд у сезоне 2014/15).

Самая буйная перамога – 2:1 («Лугана» Лугана, Швейцарыя, 1993/09/01 Кубак Кубкаў, папярэдні раўнд, у Мінску).

Самае буйное паражэнне – 0:5 («Лугана» Лугана, Швейцарыя, 1993/08/18 Кубак Кубкаў, папярэдні раўнд, у Лугана).

Найбольшая колькасць матчаў за каманду ў еўракубках – Генадзь Мардас, Артур Крыванос, Юрый Лукашоў, Віталь Надзіеўскі, Дзмітрый Гінтаў, Дзмітрый Кавалёнак (усе – па 4).

Найлепшыя бамбардзіры ў еўракубках – Сяргей Саладоўнікаў, Юрый Мазурчык, Дзмітрый Доля, Павел Савіцкі (усе – па 1).