АБАНЕМЕНТЫ І КВІТКІ

Сезонны абанемент дае права праходу на ўсе матчы, якія праводзяцца гродзенскай камандай на сваім стадыёне ў 2017 годзе ў рамках «Беларусбанк – чэмпіянату Рэспублікі Беларусь па футболе сезону 2017 года сярод каманд вышэйшай лігі», а таксама ў рамках розыгрышу Кубка Беларусі сезону 2017/18 гг.

ХТО МОЖА НАВЕДАЦЬ МАТЧ БЯСПЛАТНА

Пры прад’яўленні адпаведных дакументаў, а таксама пры атрыманні ў касе стадыёна прапускнога талона на адпаведны сектар БЯСПЛАТНА ў гэтым сезоне наведаць матчы нашага клуба змогуць:

- дзеці да 14 гадоў;

- абсалютна ўсе прадстаўніцы прыгожага полу;

- пенсіянеры;

- ветэраны гродзенскага футбола;

- ганаровыя грамадзяне горада Гродна;

- ветэраны працы і баявых дзеянняў;

- інваліды 1-й і 2-й груп (інваліды-вазочнікі размяшчаюцца ў 16 сектары).

ВЫГАДА

Набываючы сезонны абанемент вы атрымліваеце некалькі пераваг перад тымі, хто купляе квіткі непасрэдна перад кожным хатнім матчам нашага клуба:

- на цэлы сезон браніруйце за сабой пастаянныя месцы на стадыёне;

- атрымліваеце права праходу на хатнія кубкавыя матчы клуба ў 2017 годзе (калі такія будуць);

- эканоміце свае грошы (дзіцячы – 33%, фан-сектар – 33%, студэнцкі – 33%, агульны – 55%);

- эканоміце час, які, несумненна, даражэй усякіх грошай!

КОШТ АБАНЕМЕНТАЎ

У гэтым сезоне кіраўніцтвам стадыёна ЦСК «Нёман» ўстаноўлены наступны кошт на сезонныя абанементы, а таксама на квіткі для наведвання асобных матчаў:

- на ўсе сектары для мужчын, якія не трапляюць па зніжках ні пад адну з вышэй пералічаных катэгорый ільготнікаў – 40 рублёў;

- на ўсе сектары для студэнтаў дзённай формы навучання з прадастаўленнем студэнцкага білета – 30 рублёў;

- на ўсе сектара для дзяцей ад 14 да 18 гадоў – 10 рублёў;

- абанемент для фанатаў клуба «Сектар 21» – 20 рублёў;

Абанементы на сектар 1 не прадаюцца, бо на гэтым сектары размяшчаюцца заўзятары каманд гасцей.

КОШТ КВІТКОЎ

Кошт квіткоў на наведванне асобных матчаў устаноўлены ў наступным памеры:

- на ўсе сектары для мужчын, якія не трапляюць па зніжках ні пад адну з вышэй пералічаных катэгорый ільготнікаў – 4 рублі;

- на ўсе сектары для студэнтаў дзённай формы навучання з прадастаўленнем студэнцкага білета – 3 рублі;

- на ўсе сектары для дзяцей ад 14 да 18 гадоў – 1,5 рублі;

- на сектар для заўзятараў прыезджай каманды (сектар 1) – 4 рублі;

- на сектар для фанатаў гродзенскай каманды (сектар 21) – 3 рублі;

ДЗЕ НАБЫЦЬ

Заяўкі ад прадпрыемстваў прымаюцца па тэлефоне 720284, 738865 (выпіска рахунка), а заўзятары могуць набыць індывідуальныя абанементы ў офісе стадыёна па адрасе: вул. Камунальная, 3, кабінет 461 (каса Заходняй трыбуны ЦСК «Нёман», службовы ўваход з боку вуліцы Серафімовіча).