Дзяніс ЛЕЎЧАНКА: Я для сябе заўсёды стаўлю максімальныя задачы, а як яно будзе – паглядзім Вярнуцца да спісу

Дзяніс Міхайлавіч, як пракаментуеце тую частку сезона, якая ўжо мінула? 
— З таго, што мы зрабілі за месяц да чэмпіянату, пакуль чакаць лепшага выніку не прыходзіцца. У асноўным каманду цягнуць сем чалавек асноўнага складу, астатнія – гэта моладзь. Моладзь праводзіць у два разы больш гульняў, ім вельмі складана нешта зрабіць, каб паказаць пэўны ўзровень, бо яны заўсёды знаходзяцца пад нагрузкамі. Канешне, хочацца зберагчы гэты малады склад, каб гэты сезон прайшоў без траўмаў, каб на наступны сезон стварыць нешта новае. Патрэбны новыя гульцы, трэба ўзмацняць асноўны склад, трэба ў трансфернае акно шукаць гульцоў, якія гатовыя, якія пакуль не задзейнічаны. Інакш, нічога лепш пакуль мы зрабіць не зможам. Таму што моладзь гуляе без адпачынку за асноўны склад і за ліцэнзаванне, гэта проста нерэальна, мы сапсуем дзяцей. Што маем – тое маем, лепш пакуль не можам зрабіць. Будзем старацца, пытанняў няма, камандзе асноўнага складу трэба, у першую чаргу, згуляцца, бо людзі прыйшлі з розных клубаў, і падрыхтоўкі ў іх як такавой не было. У гэтым плане іспытваем шмат праблем: хтосьці не гуляў год-два, у кагосьці не было перадсязонкі, усё вельмі складана. 

Ці ставіце перад камандай якія-небудзь мэты на першы сезон? 
— Я для сябе заўсёды стаўлю максімальныя задачы, а як яно будзе – паглядзім. Адназначна, хочацца быць не апошнімі. Заўсёды трэба імкнуцца як мага вышэй. Калі не ставіць ніякіх задач, то для чаго тады выхадзіць на поле? Заўсёды трэба гуляць на перамогу. 

Ці ёсць змяненні ў арганізацыйным плане пасля таго, як Ваш калектыў перайшоў пад крыло Нёмана? 
— Добра, што ў нас ёсць трэніровачная база, як манеж, так і поле, свой транспарт. Людзі атрымліваюць свой заробак, гэта таксама радуе, усё робіцца дакладна ў тэрмін. Што кіраўніцтва абяцала – тое і робіцца. Адзінае, канешне, што нам патрэбны новыя гульцы.