«Тарпеда-БелАЗ» — «Нёман»: прэс-канферэнцыя Вярнуцца да спісу
Ігар КАВАЛЕВІЧ (галоўны трэнер футбольнага клуба «Нёман»):
— Зыход паядынку заканамерны. У нас не атрымаўся першы тайм, не хапала апошняга пасу. У цэлым не атрымалася гульня ў атацы. У другім тайме малюнак гульні змяніўся. Змаглі зраўняць лік. Я задаволены гульнёй сваёй каманды. Нам супрацьстаяў моцны супернік, які прапаведуе агрэсіўны футбол.
— Чаму ў канцы матча выбілі мяч на трыбуны?
— Я заўсёды спрабаваў гуляць у мужчынскі футбол. Ёсць нейкія правілы паводзінаў. Калі наш брамнік ўводзіць мяч суперніка ў канцы матчу, то яго трэба вярнуць. А што зрабіў Шапавал? Выбіў яго ў кутні сцяжок, каб збіць каманду. У гэтай сітуацыі больш за ўсіх разабраўся Лабацэвіч: ён свіснуў парушэнне, якога не было, каб вярнуць нам мяч. Суддзя гуляе па правілах fair-play, а футбаліст - не! Можа, ён перахваляваўся, не ведаю. Такі вось мой адказ.
Ігар КРЫВУШЭНКА (галоўны трэнер футбольнага клуба «Тарпеда-БелАЗ»):
— Нам не хапіла спартыўнай агрэсіі. Зрабілі мала падбораў, не паспявалі падладжвацца пад перадачы. Калі ўключаліся ў гульню, штосьці атрымлівалася, ўзнікалі нядрэнныя моманты. На працягу гульні мелі шмат стандартаў, але разбазарылі іх. У другім тайме глыбока селі. Занадта шмат дазволілі суперніку. Траўмы Макася і Дарашэнкі не дазваляюць узмацніць гульню на дадзены момант. Сённяшнія замены толькі асвяжаюць гульню, а не ўзмацняюць.