Уладзіслаў КЛІМОВІЧ: Будзем спадзявацца на тое, што сёння мы вычарпалі ліміт нешанцавання Вярнуцца да спісу

— У першым тайме ты знаходзіўся на лаўцы запасных. Скажы, як глядзелася гульня з боку
— Лічу, што мы правалілі першыя хвіліны сустрэчы. Выйшлі і не разабраліся, як правільна сустракаць гульцоў, як згуляць супраць гэтай каманды. У нашай гульні было шмат памылак, у нас не атрымлівалася трымаць мяч, не атрымлівалася дзейнічаць у пас. Толькі пасля прапушчанага гола нам удалося сабрацца і паступова выраўнаваць гульню. Хвіліны да дваццатай стала нешта атрымлівацца, наперадзе пачалі з'яўляцца нейкія моманты. Думаю, што мы саступалі менчукам толькі ў першых дзесяці хвілінах сустрэчы. Атрымалася так, што менавіта ў гэты перыяд і вызначыўся вынік ўсяго матчу. Адна адзіная памылка ў матчы прывяла да паразы. У нас, на жаль, сёння забіць зваротны мяч не атрымалася.

— Калі не лічыць стартавага адрэзка матчу, каманда сёння не адседжвалася ў абароне. Чаго не хапіла ў атацы для дасягнення выніку?
— Можа гэта прагучыць банальна, але нам не хапіла ўмення і шанцавання. Самі бачылі, што па браме білі спраўна, аднак у створ патрапіць не змаглі. У трох эпізодах былі блізкія да гэтага, але на дапамогу суперніку прыходзіў каркас брамы. Так бывае ў футболе. Часам у браму суперніка залятае літаральна ўсё, што ляціць у бок брамы, а бывае як сёння – колькі не бьёшь па браме, усё безвынікова. Будзем спадзявацца на тое, што сёння мы вычарпалі ліміт нешанцавання на некалькі тураў наперад і ў бліжэйшых матчах нам пашанцуе больш.

— Пасля выдалення суперніка стала значна больш атрымлівацца. Менавіта гэты адрэзак матчу быў самым небяспечным у нашым выкананні, як лічыш?
— Гэта стандартная сітуацыя ў футболе. Калі каманда вядзе ў рахунку ў адзін мяч, у большасці выпадкаў, яна садзіцца ніжэй, нават гуляючы ў роўных складах. Не кажучы ўжо пра сітуацыю, калі даводзіцца заканчваць гульню ў меншасці. Нам жа трэба было параўноўваць лік, і мы вялікімі сіламі пайшлі ў атаку. Верхавыя закіды да адрасата не даходзілі. Абарона «Дынама» згуляла надзейна, цалкам перакрыўшы паветра. Думаю, што менавіта таму мы зваліліся на далёкія ўдары і не змаглі скарыстацца тым, што апынуліся ў большасці. 

Больш пра сустрэчу каманды глядзіце на старонках матча «Дынама-Мінск» — «Нёман»