«Нёман»-д — «Гранит-Мікашэвічы»-д. Па гарачых слядах Вярнуцца да спісу
Дзмітрый ТРОСКА: За любую перамогу пакладзены тры ачкі
— Прывядзіце кароткі вынік сённяшняй гульні
— Вынік станоўчы, але якасць гульні пакідае жадаць лепшага.
— Гэта вельмі коратка...
— Першы тайм пачалі выдатна. Неабходна было развіваць поспех, але хлопцы ў сярэдзіне першага тайма спыніліся. У другім тайме атрымоўвалася не ўсё. Відаць было, што занадта вольна сябе адчувае каманда.
— Ці не падалося вам, што гэта хуткі гол негатыўна адбіўся на гульні каманды?
— Цалкам згодны. Забілі хутка і паверылі ў свае сілы. Гэта караецца. Добра яшчэ, што не дазволілі наблізіцца да сваіх варот. У нас у апошні час першыя гульні чэмпіянату даволі клапотныя атрымліваюцца. Калі звярнуцца да статыстыкі, то тры апошнія чэмпіянату ў стартавых турах мы не атрымлівалі перамог.
— Ці ёсць розніца, перамагчы 9:0 або 1:0? Тры ачкі не пахнуць, праўда?
— Перамога, ёсць перамога. За любую з іх пакладзены тры ачкі.
Аляксей ЛУКАШЫК: Момантаў было дастаткова
— Віншуем з першым голам. Скажы, як гулялася пасля зімовага перыяду?
— Першая гульня, вельмі цяжка давалася гульня. Шмат новых людзей і гульнявыя сувязі трэба напрацоўваць.
— Што скажаш адносна суперніка? У мінулым годзе хатняя гульня далася куды лягчэй. Вядома, склад змяніўся і ў нас і ў іх...
— Правільна заўважана. Галоўнае, я думаю, што склад змяніўся ў нас. Шмат новых хлопцаў, таму не ўсё так гладка атрымліваецца ў атацы. Нам ёсць над чым працаваць.
— Амаль 90 хвілін правялі на палове суперніка, а гол забілі толькі адзін. Чаго не хапіла?
— Выканаўчага майстэрства.
— У тых, хто завяршаў атаку, альбо ў тых, хто падносіў «снарады»?
— Думаю, што ў тых, хто быў на вастрыі атакі было дастаткова момантаў, каб забіць чатыры-пяць галоў. У атацы ёсць над чым працаваць, у тым ліку і мне.
Васілій ЖУРНЕВІЧ: Былі настроены змагацца да апошніх хвілін
— Як адчуваеш сябе пасля траўмы?
— Добра. Ужо другі тыдзень трэніруюся з камандай і адчуваю, што паволі пачаў набіраць форму. Усё ідзе на папраўку і дынаміка станоўчая. Правёў да замены на полі 80 хвілін, аднак адчуваў ужо стомленасць. Але гэта толькі пачатак сезону, і я ўпэўнены, што буду па ходзе турніру дадаваць. Хочацца дапамагчы не толькі дублю, але і асноўнай камандзе.
— Забілі вельмі хутка. Ці не паўплываў гэты гол на далейшае развіццё гульні?
— Думаю, што не. Мы былі настроены змагацца да апошніх хвілін. Калі б супакоіліся, то не стварылі б столькі момантаў. Памяталі пра буйной хатняй перамогі, якая здарылася ў мінулым годзе. Трэнер нагадваў нам пра гэта і казаў, што той матч у мінулым, а нам прыйдзецца сёння пастарацца, каб узяць тры ачкі. Казаў нам пра тое, каб не было недаацэнкі суперніка, і мы былі асцярожныя ў сваіх варот.
— У цябе было некалькі момантаў, каб забіць, але сёння ты пайшоў з поля без забітых мячоў. Чаму, як лічыш?
— Трэнер нашай галоўнай каманды кажа, што гэта адсутнасць майстэрства. З ім не паспрачаешся. Думаю, што досведу таксама замала. Трэба больш гуляць, каб забіваць.
