Дакладна! Няправільна!

З 1964 года наша каманда пачала свой ваяж па футбольных палях, якія знаходзяцца ў розных гарадах Савецкага Саюза, а пасля яго распаду дабралася і да краін, як цяпер модна казаць, далёкага замежжа.

Геаграфія афіцыйных сустрэч жоўта-зялёных досыць шырокая. Гродзенскія футбалісты за сваю гісторыю ступалі на зялёныя футбольныя газоны Украіны, Літвы, Латвіі, Эстоніі, Малдовы, Расіі («Поўнач» Мурманск - 1 770 км; 11 гульняў на полі суперніка), Грузіі, Арменіі, Азербайджана («Аўтамабіліст» Баку - 2 450 км; 1 гульня), Таджыкістана, Узбекістана, Казахстана, Туркменістана і Кыргызстана (тады гэта ўсё былі саюзныя рэспублікі), а таксама Ісландыі, Румыніі, Чэхіі і Швейцарыі («Лугана» Лугана - 1 363 км; 1 гульня).

Самы далёкі выезд каманды за апошнія 25 суверэнных гадоў у ісландскі Хабнарф'ёрдзюр на на матч Другога Кваліфікацыйнага Раунду Лігі Еўропы ў ліпені 2014 годзе не ўваходзіць нават у дзесятку самых працяглых пераездаў. Усяго-та 2 802 км па прамой.

Уся справа ў тым, што ў 1969 годзе «Хімік» адыграў, як цяпер бы сказалі, самы пякельны сезон. Дзесяць з дваццаці каманд-суперніц па падгрупе 4 другой групы класа «А» знаходзіліся нерэальна далёка. Гэта былі рэгіёны Закаўказзя і Сярэдняй Азіі.

10. Будаўнік (Ашхабад, цяпер – Ашгабат) – адлегласць «па прамой» да Ашхабада 3 158 км

9. Шахцёр (Караганда) – 3 362 км

8. Заравшан (Навоі) – 3 446 км

7. Металург (Чымкент, цяпер – Шымкент) – 3 571 км

6. Палітатдзел (Ташкенцкая вобласць) – 3 616 км

5. Памір (Ленінабад, зараз Худжанд) – 3 711 км

4. Энэргетык (Душанбэ) – 3 781 км

3. Нефцянік (Фергана) – 3 846 км

2. Алга (Фрунзе, зараз Бішкек) – 3 863 км

Ну а самым далёкім стаў выезд на ўсход Казахскай ССР, у Усць-Каменагорск.

1. Усход (Усць-Каменагорск ) – 3 957 км

Усе адлегласці вылічаліся па самым кароткім шляху, які магчыма правесці па паверхні планеты, з дапамогай сэрвісу на сайце whoyougle.ru, а выявы былі зроблены з дапамогай Google Map.