Форма каманд: жоўтыя майкі, сінія трусы – белыя майкі і трусы.

Для гродзенскага клуба гэты старт у Кубках Беларусі стане дваццаць шостым, у той час як для нашых сапернікаў гэты турнір стаў толькі трэцім у гісторыі.

Стаўбцоўскі «Нёман» прымаў удзел у двух самых першых розыгрышах Кубка Беларусі і ні разу не пераадольваў першы бар'ер. У траўні 1992 году ў 1/32 фіналу Стаўбцоўская каманда прайграла «Легмашу» (Д3) з Оршы 2:6, а ў кастрычніку 1992 у розыгрышы 1992/93, «Нёман» саступіў прадстаўніку наймацнейшага дывізіёна магілёўскаму «Тарпеда» 0:6. Першая перамога ў Кубку краіны прыйшла да стаўбцкоўскай каманды ў трэцім матчы, праўда здарылася гэта праз 24 гады. У 1/32 фіналу з лікам 2:1 быў пераможаны клуб «Ашмяны», які прадстаўляў у гэтым розыгрышы Першую Лігу. Усе кубкавыя матчы з удзелам нашага сённяшняга саперніка былі згуляныя ў Стоўбцах.

Прывядзём склад суперніка ў гістарычным для іх клуба матчы супраць ашмянскай клуба:

Галёш Дзмітрый – Дзмітрачкоў Ягор, Буча Аляксандр, Туміловіч Павел (Паляшчук Аляксандр, 46), Дзягель Аляксей, Цюніс Ілля, Рубін Уладзіслаў, Сукала Арцём, Сталярэнка Ігар, Даўбейка Дзмітрый, Маліноўскі Сяргей (Шуста Віктар, 67). Запасныя: Карніцкі Уладзіслаў – Крамко Аляксандр.

Такім чынам, гэтая адзіная перамога для «Нёмана-Агра» з'яўляецца самай буйной у гісторыі выступлення ў Кубку Беларусі, а самае буйное паражэнне яны пацярпелі ад магілёўскага «Тарпеда». Статыстыка выступу ў другім па сіле турніры краіны: +1=0-2, розніца мячоў 4-13.

Для гродзенскага «Нёмана» гэты матч стане 88 у гісторыі выступлення ў Кубку. Агульныя лічбы такія: +42=16-29, розніца мячоў 149-95. Першы забіты гарадзенцамі мяч у гэтым розыгрышы стане 150.

Толькі ў трох з 25 папярэдніх удзелаў гродзенскі клуб нt пераадольваў першы кубкавы бар'ер. У розыгрышы 1993/94 уладальнікаў Кубка Беларусі нечакана спыніў на стадыі 1/16 фіналу слонімскі «Альбярцін» (1:2). На гэтай жа стадыі жоўта-зялёныя па пенальці саступілі барысаўскаму «Фамальгаутe» (0:0, пенальці 5-6) у розыгрышы Кубка Беларусі 1995/96. Трэці няўдалы старт прыйшоўся на кастрычнік 2001 году на матч 1/8 фіналу супраць салігорскага «Шахцёра» (1:2). Усе тры прайграных матчf наша каманда правяла на выездзе.

Самая буйная наша перамога ў Кубку Беларусі была здабытая з лікам 6:0. Двойчы з такім лікам у Гродне былі разгромленыя клецкі «Клечаск» (2011/12, 1/4 фіналу) і клуб «Рэчыца 2014» (2015/16, 1/16 фіналу).

Стаўбцоўскі клуб «Нёман-Агра» стане для жоўта-зялёных 38 супернікам у Кубку Беларусі. 

• Вынікі галасавання

  «Нёман-Агра» - «Нёман»: прадскажы вынік сустрэчы

  • перамога за Стоўбцамі
    19%
  • перамога за Гродна
    75%
  • Гродна па пенальці
    1%
  • Стоўбцы па пенальці
    5%

У ЧЭМПІЯНАЦЕ

Стаўбцоўскі клуб толькі ў гэтым сезоне вярнуўся ў Другую Лігу пасля доўгай адсутнасці. Адразу пасля развалу СССР «Нёман» быў вызначаны ў другой беларускі дывізіён, аднак затрымаўся там толькі на 2 сезону. У сезоне 1993/94 года Стаўбцоўская каманда заняла ў трэцім дывізіёне 15-е месца з 18-ці ўдзельнікаў і па ўласнай волі ў першы раз сышла з рэспубліканскіх футбольных радараў. Другі прыход у вялікі футбол быў такім жа па працягласці. Стаўбцоўская каманда адыграла два сезону пад старой шыльдай «Нёман», а потым яшчэ адзін сезон пад назвай «Дарыда-Белагра». Пасля гэтых трох сезонаў каманда на доўгіх 16 гадоў апусцілася дывізіёнам ніжэй і выступала ў чэмпіянаце Мінскай вобласці, двойчы стаўшы чэмпіёнам гэтага спаборніцтвы (2010, 2011). Перад стартам цяперашняга сезону Стаўбцоўская каманда ў трэці раз вырашыла вярнуцца і паспрабаваць футбольнага шчасця на рэспубліканскім узроўні.

Акрамя кубкавай сустрэчы з «Ашмянамі», пра якую згадвалася вышэй, Стаўбцоўскі «Нёман-Агра» сыграў у гэтым сезоне 7 матчаў у чэмпіянаце. На сённяшні дзень каманда Андрэя Мікалаевіча мае ў сваім актыве 14 ачкоў і займае трэцяе месца ў турнірнай табліцы («Хваля-Пінск» - 19 ачкоў, «Клецк» - 15 ачкоў).

Усе гульні суперніка: «Асіповічы» - 0:1 (д), «Забудова-Буд» Чысць - 3:2 (д; Маліноўскі-2, Буча), «Вікторыя» Мар'іна Горка - 2:2 (г; Даўбейка, Паляшчук), «Тарпеда» Магілёў - 4:2 (д; Маліноўскі, Даўбейка, Паляшчук, аўтагол), ЮАС-ДЮСШ Жыткавічы - 6:1 (г; Маліноўскі-2, Дзмітрачкоў, Цюніс, Паляшчук, аўтагол), «Рагачоў-МК» - 2:0 (д; Паляшчук, Лапшын),«Клецк» - 3:3 (г; Даўбейка, Паляшчук, Дзмітрачкоў).

Лепшы бамбардзір клуба гэтага сезону Сяргей Маліноўскі не зможа згуляць супраць гродзенскага клуба. У матчы 7-га тура супраць каманды «Рагачоў-МК» Сяргей атрымаў траўму і прапусціць не менш за месяц (пералом шчыкалаткі і надрыў звязкаў галенастопа).

СКЛАД СУПЕРНІКА

У заяўцы на сезон значыцца 28 гульцоў, аднак у сямі матчах чэмпіянату і адной кубкововой сустрэчы былі задзейнічаны не ўсё. Не з'яўляліся на поле два брамніка Уставіч і Нятрэба, абаронца Запартыка і адзін з самых дасведчаных у заяўцы гульцоў - нападнік Юрый Сыраквашка. У мінулым сезоне Сыраквашка выступаў за мінскі «Луч», дапамог клубу заваяваць пуцёўку ў другі дывізіён, а сам стаў лепшым бамбардзірам Другой Лігі. У мінулым годзе нападанік у 25 матчах забіў 25 галоў. Усяго ў трэцяй па сіле лізе краіны ён адыграў 97 матчаў і забіў 68 галоў. Хутчэй за ўсё не згуляе Сыраквашка і супраць жоўта-зялёных. Літаральна на днях трэнер «Луча» быў затрыманы па падазрэнні ў арганізацыі дамоўнага матчу «Луч» - «Ашмяны».

Роўна палова складу, а гэта 14 чалавек, родам са Стоўбцаў. Шасцёра з іх - Карніцкі, Дзягель, Сукала, Рубін, Паляшчук і Даўбейка, з'яўляюцца гульцамі асноўнага складу і задаюць тон у камандзе.

Андрэй Мікалаевіч з'яўляецца першым трэнерам ў шасцярых мясцовых хлопцаў, якія гуляюць зараз не толькі за свой родны горад, але і за свайго першага трэнера. Гэта Уставіч, Дзягель, Сукала, Крамко, Паляшчук і Даўбейка. Варта адзначыць, што тры выхаванца Мікалаевіча выступаюць цяпер у Вышэйшай Лізе. У брэсцкім «Дынама» гуляе Валерый Карніцкі (родны брат Аляксандра), а ў «Крумкачах» Аляксей Рудзянок і Максім Талейка.

Галкіпер «Нёман-Агра» Уладзіслаў Карніцкі ў роднасных сувязях з двума вышэйзгаданымі братамі не знаходзіцца - ён цёзка. Аднак, за БАТЭ, праўда за юнацкі склад, пагуляў у Лізе Чэмпіёнаў. У яго біяграфіі ёсць матчы супраць юнацкіх каманд «Порту», ​​«Атлетыка» і данецкага «Шахцёра».

Другі брамнік Дзмітрый Калоша ў матчы супраць каманды ЮАС-ДЮСШ (Жыткавічы) 16 хвілін правёў на поле ў якасці палявога гульца.

Траўмы: Аляксандр Крамко і Сяргей Маліноўскі

Поўная статыстыка гульцоў каманды «Нёман» (закладка «Статыстыка»)

• Вынікі галасавання

  Назаві лепшага гульца «Нёмана» у матчы супраць «Нёман-Агра»

  • Курганскі Сяргей
    4%
  • Лешка Яўген
    4%
  • Сасноўскі Сяргей
    4%
  • Горбач Андрэй
    0%
  • Пазняк Аляксандр
    3%
  • Кавалюк Сяргей
    2%
  • Савасцьянаў Яўген
    1%
  • Савіцкі Павел
    58%
  • Канцавы Арцём
    0%
  • Васькоў Арцём
    2%
  • Вяргейчык Кірыл
    2%
  • Сенкевіч Ян
    5%
  • Анюкевіч Аляксандр
    1%
  • Носко Аляксей
    1%
  • Кавалёнак Дзмітрый
    12%
  • Бомбель Артур
    2%