«Нёман»-д — «Дынама-Мінск»-д - 3:3 Вярнуцца да спісу

Матч двух каманд пройдзе сёння ў Футбольным манежы, пачатак сустрэчы ў 14:00.

Перад сённяшнім матчам абедзве каманды знаходзяцца ў верхняй частцы табліцы. Гродзенцы з 30-ю ачкамі займаюць шостае месца, а малодшыя дынамаўцы набралі 38 ачкоў і ідуць другімі. Мінчане прэтэндуюць на медалі, таму для іх кожны матч вельмі важны. Тройка лідэраў першынства дублёраў ідэнтычная тройцы лідэраў чэмпіянату. Салігорская каманда апярэджвае дынамаўцаў на два ачкі, а барысаўскі дубль адстае на тры.

У мінулым туры абедзве каманды лёгка перайгралі сваіх апанентаў. Мінчане дома разграмілі жодзінскіх тарпедаўцаў з лікам 5:0 (Кійко, Яроцкі, М.Гурэнка, Куратнік, аўтагол), а гродзенцы буйна перайгралі «Слуцк» 4:1 (Бомбель, Зубрыцкі, Сакута-2).

Дома гродзенскі дубль гуляе ледзь горш, чым на выездзе. З 30 набраных ачкоў, у родных сценах футбольнага манежа жоўта-зялёныя зарабілі крыху менш за палову – 14 ачкоў. На сваім полі жоўта-зялёныя атрымалі 4 перамогі ( «Крумкачы» 4:1, «Нафтан» 4:0, «Слуцк» 1:0, «Іслач» 7:0), а ў гасцях святкавалі перамогу пяць разоў ( «Шахцёр» 2:1, «Гарадзея» 5:0, «Гомель» 1:0, «Іслач» 1:0 і «Слуцк» 4:1). Статыстыка хатніх гульняў гарадзенцаў: +4=2-2 (мячы 19-8).

У «Дынама» ў разрэзе «дом/выезд» з набранымі ачкамі поўная роўнасць: 19 балаў набрана на сваім полі, 19 балаў у гасцях. Толькі і таго, што дома мінчукі атрымалі на адну перамогу больш, чым у гасцях. Затое ў гасцях бела-сінія яшчэ ні разу не цярпелі паразы. На выездзе былі здабытыя пяць перамог ( «Слуцк» 4:1, «Крумкачы» 5:2, «Дынама-Брэст» 1:0, «Дняпро» 2:0, «Славія-Мазыр» 2:0), у той час як дома дынамаўцы перамагалі 6 разоў ( «Гомель» 5:0, «Тарпеда-БелАЗ» 5:0, «Іслач» 3:1, «Віцебск» 4:0, «Днепр» 4:1, «Нёман» 4:2 ). Статыстыка выязных матчаў дубля «Дынама-Мінск»: +5=4-0 (мячы 18-7).

Абедзве каманды гуляюць досыць вынікова. Мінчане ў 18 матчах 46 разоў адпраўлялі мяч у сетку суперніка, што ў сярэднім складае 2,56 мяча за матч. У нашага дубля гэты паказчык крыху больш сціпла – 2,17 (39 забітых мячоў у 18 матчах).

Галы мінчукоў на рахунку наступных футбалістаў: 6 – Глеб Рассадкін, па 4 – А.Сарамаха, А.Корзун, А.Кійко, М.Лоікаў, па 3 -– А.Куратнік, Р.Юзепчук, па 2 – К.Кучынскі, Ю.Крайко, А.Міраеўскі, Я.Бобрук, па 1 – Я.Макушынскі, К.Капаў, М.Савосцікаў, М.Гурэнкэ, В.Дземідовіч, Н.Лукіч, Я.Яроцкі. Яшчэ тры мячы ў матчах з мінчанамі супернік забіў у сваю браму.

У складзе гродзенскага дубля лепшым бамбардзірам з'яўляецца Васіль Журневіч, на рахунку якога 8 мячоў. Следам за ім размясціліся: 6 – А.Бомбель, 4 – М.Кругленя, па 3 – Д.Хлебасолаў, Д.Кавалёнак, па 2 – Я.Яроцкі, Д.Вашкевіч, Я.Сакута, Р.Лакціёнаў, па 1 – М.Клунок, У.Сырыська, М.Яблонскі, К.Карпенка, В.Зубрыцкі, Р.Сенкель, Э.Лех. Адзін мяч супернік забіў сабе сам.

У першым крузе першынства дублёраў гродзенцы саступілі на выездзе 2:4 (Лукіч 28, Лоікаў 37, Сарамаха 49, Рассадкін 84 – Журневіч 52, Кругленя 69).

НЁМАН-д (Гродна) — ДЫНАМА-МІНСК-д (Мінск) – 3 : 3 (1 : 2)

НЁМАН: Шышлоў – Яблонскі, Горбач, Бяценя, Анюкевіч, Мякіш, Сырыська, Кругленя, (к) Хлебасолаў, Главіцкі, Бомбель. Запасныя гульцы: Баярчук – Карпенка, Сакута, Васкабойны, Вегеря, Вашкевіч, Зубрыцкі. 

ДЫНАМА: Давыденка – Халімончык, Кузьмянок, (к) Крайко, Міраеўскі, Корзун А., Гурэнка М., Кучынскі, Бобрук, Ксенафонтаў, Кійко. Запасныя гульцы: Лазоўскі – Кірычэнка, Лапун, Куратнтк, Буракоў, Лях, Заяц. 

Галы: 0:1 — Бобрук (4), 0:2 — Бобрук (7), 1:2 — Хлебасолаў (8), 1:3 — Бобрук (48), 2:3 — Бомбель (53), 3:3 — Бомбель (76-г)

Поўная версія пратакола матча «Нёман»-д — «Дынама-Мінск»-д

АГЛЯД