Лакціёнаў пакінуў каманду Вярнуцца да спісу

Сёння па ўзаемнай згодзе быў скасаваны кантракт з Раманам Лакціёнавым.

Украінскі нападнік  прыйшоў у клуб перад пачаткам гэтага сезону і даволі ўдала ўпісаўся ў гульнявую схему каманды. У 12 таварыскіх матчах Раман забіў шэсць мячоў, а на старце сезона працягнуў забіваць і ў чэмпіянаце. У першых шасці турах нападнік тры разы засмуціў суперніка «Нёмана», забіўшы па мячы ў брамы «Слуцка» (2:1), «Віцебска» (1:4) і магілёўскага «Дняпра» (3:0).

Аднак далей справы не заладзіліся. Спачатку Раман перастаў забіваць за аснову, а пазней перастаў трапляць у склад. Пасля чатырох матчаў за дубль, у якіх, дарэчы, украінцу ўдалося двойчы вызначыцца, супрацоўніцтва было вырашана спыніць.

У чэмпіянаце за жоўта-зялёных Лакціёнаў правёў 13 гульняў (783 хвіліны; 3+0), за другі склад адыграў 4 матчы (247 хвілін; 2+0).

— Як бы не было, я хачу падзякаваць клуб, заўзятараў, падзякаваць рабят, з якімі правёў добры час. Дзякуй, што далі мне шанец паспрабаваць свае сілы ў беларускім футболе. Можа быць нешта не атрымалася, нешта магло быць лепш. Напэўна, мне трэба шукаць прычыны ў сабе. Усім вялікі дзякуй, а я буду рухацца далей. Жадаю клубу дамагчыся сваіх мэтаў, якія былі пастаўлены, а заўзятарам хачу сказаць – як мага больш заўзець і падтрымлівайце рабят. Усёй камандзе хочацца, каб ваша колькасць на трыбунах павялічвалася. Будзеце мацней заўзець – каманда будзе лепш гуляць. Усім усяго добрага!

Мы, у сваю чаргу, кажам Раману дзякуй за тыя паўгады, якія ён правёў у нашым клубе. Жадаем яму поспеху ў далейшай футбольнай кар'еры!

Больш падрабязна пра кар'еру і дасягненнях нашага гульца ў любы момант можна даведацца на старонцы раздзела ЖЗЛ. Жоўта-зялёныя людзі: Раман Лакціёнаў.