Прыходзь заўтра на футбол загадзя Вярнуцца да спісу
Заўтра на штучным полі ЦСК «Нёман» за две з паловай гадзіны да пачатку матчу з «Мінскам» пачне працаваць клубная фан-зона. Разумеем, што будні дзень і ранні час пачатку працы фан-зоны будуць шматлікім нязручныя, тым не менш, мы запрашаем усіх, хто будзе ў гэты час вольны ад важных спраў.
Для пачатку наша забаўляльная праграма будзе ўключаць у сябе розныя футбольныя конкурсы, у якіх могуць прыняць удзел усе жыхары горада Гродна і яго госці, незалежна ад узросту, полу, прафесійнай і сацыяльнай прыналежнасці.
У праграме забаў будуць праведзены ўпадабаны гродзенцам конкурс «Тата плюс сын». Сістэма розыгрышу міні-турніру будзе залежаць ад колькасці пададзеных заявак. Паводле яго рэгламентам у адной камандзе гуляюць 2 чалавекі - тата і яго сын, матч доўжыцца 10 хвілін, прычым залічваюцца галы забітыя толькі дзецьмі.
Не застануцца абдзеленымі прыроджаныя жанглёры, а таксама аматары спаборнічаць на дакладнасць удару - для іх будуць арганізаваныя некалькі такіх конкурсаў. Акрамя таго, дзве невялікія пляцоўкі з брамамі будуць чакаць усіх жадаючых паганяць мяч.
Пераможцы конкурсаў будуць узнагароджаны рознымі футбольнымі прызамі, атрымаюць квіткі на матч «Нёман» - БАТЭ, а таксама пагутараць з афіцыйным маскотом клуба аленем Губі, які будзе ўважліва глядзець за правядзеннем свята.
Гасцямі нашай фан-зоны стануць Веломагазин «Пилот», які прыгатаваў свае сюрпрызы для наведвальнікаў мерапрыемства, а таксама мультыбрэндавы аўтасалон «Автомобильный дом «Кардена», які з'яўляецца афіцыйным дылерам аўтамабіляў Geely, Hyundai, Peugeot і Citroёn у нашым горадзе.
Прыходзьце на футбол загадзя, мы чакаем вас у 16:00!
