Special Olympics Малады Атлет Вярнуцца да спісу
З 15 па 19 траўня ў Гродне адбыўся Міжнародны футбольны турнір «Special Olympics» сярод дзяцей з парушэннем інтэлекту ва ўзросце ад 16 да 22 гадоў, у якім прынялі ўдзел 16 каманд з 9 краін. На футбольны турнір у Беларусь прыехалі каманды Азербайджана, Даніі, Латвіі, Літвы, Польшчы, Расіі, Украіны і Эстоніі.
У рамках турніру была праведзена акцыя Малады Атлет, на якую былі запрошаны дзеці дзеці ДУА «Спецыяльны дзіцячы сад №7 г. Гродна» для дзяцей з асаблівасцямі псіха-фізічнага развіцця. Дзеткі пазнаёміліся з турнірам, паглядзелі фінальныя гульні, а перад узнагароджаннем пераможцаў самі адправіліся на футбольнае поле, дзе атрымалі масу станоўчых эмоцый. Трэнер-выкладчык СДЮШАР СУ «ГФК «Нёман» Ігар Латош паказаў дзецям шмат розных цікавых практыкаванняў з мячом, якія малышы на працягу ўсёй міні-трэніроўкі старанна паўтаралі за ім.
Абсалютна ўсе рабяты пакінулі свята не толькі ў добрым настроі, але і з падарункамі, якія былі прадастаўлены арганізатарамі турніру «Special Olympics».
ВЫНІКОВАЕ СТАНОВІШЧА КАМАНД
Дывізіён А (мужчыны): Расія-1 (Волагда), Расія-2 (Уладзімір), Азербайджан, Беларусь (Гродна-Радунь), Эстонія.
Дывізіён В (мужчыны): Літва, Беларусь (Улукоўе), Беларусь (Ганцавічы), Данія, Украіна, Польшча.
Дывізіён С (жанчыны): Расія, Данія, Азербайджан, Літва, Беларусь (Веснова).
Грамадскае аб'яднанне «Беларускі камітэт Спешыал Алімпікс» праводзіць шырокамаштабную працу па сацыяльнай рэабілітацыі і інтэграцыі ў грамадства асоб з асаблівасцямі інтэлекту сродкамі фізічнай культуры і спорту. Асноўнымі задачамі дзейнасці з'яўляецца стварэнне ўмоў для інтэграцыі (інклюзія) дзяцей і дарослых з асаблівасцямі інтэлекту, прапаганда здаровага ладу жыцця і ўмацаванне здароўя спартсменаў, прыцягненне грамадскай увагі да праблем і магчымасцям асоб з асаблівасцямі псіха-фізічнага развіцця.
Штогод Грамадскім аб'яднаннем «Беларусь камітэт Спешыал Алімпікс» праводзяцца рэгіянальныя і рэспубліканскія спаборніцтвы па футболе, баскетболе, настольнаму тэнісу, плаванні, лёгкай атлетыцы і іншым спецыяльным алімпійскімі відамі спорту. Арганізуюцца спартыўныя трэніроўкі і адборачныя спаборніцтвы з мэтай падрыхтоўкі зборнай Рэспублікі Беларусь да Еўрапейскіх і Міжнародных спецыяльных алімпійскіх гульняў.
