«Нёман» — «Віцебск»: матчдзень Вярнуцца да спісу
МЕСЦА І ЧАС
Субота, 29 красавіка 2017 года. Гродна, стадыён ЦСК «Нёман». Пачатак матчу ў 19:00. Кошт квітка – 4 рублі (дзіцячы – 1,5 рубля). Матч будзе транслявацца па канале «Беларусь 5».
НЁМАН — ВІЦЕБСК
Першы матч у чэмпіянаце Беларусі каманды правялі 17 чэрвеня 1992 году ў Гродна. Дзякуючы галам Сяргея Корозы, Юрыя Мазурчыка і Паўла Бацюта, які цяпер з'яўляецца трэнерам жоўта-зялёных, гродзенская каманда атрымала перамогу з лікам 3:2. Гэта быў перадапошні тур першага ўсечанага чэмпіянату, у якім наша каманда да апошняга змагалася за бронзавыя ўзнагароды першынства. Па выніках таго матчу два гульца «Нёмана» патрапілі ў зборную тура – Сяргей Гурэнка і Сяргей Короза.
З таго часу ў чэмпіянаце каманды згулялі паміж сабой 42 разы. Нязначная перавага на баку гродзенскай каманды: +15=14-13, рознасць мячоў 46-46.
Больш пра супрацьстаянне «Нёмана» і «Віцебска»
Сёння ж чэмпіянат толькі-толькі набірае ход. Ззаду чатыры туры, што яшчэ не дазваляе сфармаваць, так званыя, групы па інтарэсах. Гродзенцы перад гэтай сустрэчай размясціліся на шостай пазіцыі, а віцебляне з двума ачкамі займаюць 14-е месца. Перамога жоўта-зялёных дазволіць ім адарвацца ад суперніка на восем ачкоў. У адваротным выпадку, «Віцебск» наблізіцца на адлегласць аднаго матчу. «Віцебск» пачаў чэмпіянат з двух паразаў, а затым двойчы згуляў унічыю: «Крумкачы» 0:1 (г), «Дняпро» 0:4 (д), «Нафтан» 0:0 (г), «Тарпеда-БелАЗ» 1:1 (д). У апошняй гульні нашым гасцям удалося адыграцца ў самым канцы матчу. На першай дададзенай хвіліне сустрэчы Кірыл Вяргейчык галавой адправіў мяч у сетку брамы суперніка.
Апошняя сустрэча гэтых каманд, якая прайшла ў рамках мінулага чэмпіянату Беларусі, завяршылася ўнічыю. У матчы 18-га тура гродзенцы ў гасцях першымі адкрылі лік, вызначыўся на 9-й хвіліне Артур Бомбель, аднак утрымаць пераможны лік не змаглі. За 10 хвілін да канца першай паловы сустрэчы раўнавагу ў матчы аднавіў Андрэй Лебедзеў.
-
Вынікі галасавання
«Нёман» — «Віцебск»: прадкажы вынік сустрэчы
-
перамога «Нёмана»83%
-
нічыя7%
-
победа «Віцебска»11%
-
ІНФО
- у матчах чэмпіянату краіны гродзенцы тры разы грамілі віцеблян: 2000 – 3:0 (дома), 2002 – 5:1 (у гасцях), 2010 – 3:0 (дома);
- у мінулым сезоне каманды двойчы згулялі ўнічыю. У сярэдзіне красавіка ў Гродна была зафіксаваная безгалявая нічыя, а ў жніўні каманды абмяняліся галамі і зной разышліся мірам 1:1 (А.Бомбель);
- у папярэдним туры «Нёман» у гасцях саступіў мінскаму Дынама з лікам 1:0, а віцебляне дома згулялі ўнічыю з жодзінскім «Тарпеда-БелАЗ» 1:1 (К.Вяргейчык);
- лазарэт гродзенскай каманды толькі разрастаецца. Пасля матчу з мінскім «Дынама» да траўміраваным дадаліся камерунскі абаронца Бебе (моцны ўдар ахіла) і апорнік Савасцьянаў (надрыў мышцы задняй паверхні сцягна). Не ўдзельнічаюць у трэніровачным працэсе, а значыць і дапамагчы камандзе на дадзены момант не ў стане яшчэ тры футбалісты асноўнага складу: Дзмітрый Верхаўцоў, Яўген Лешка і Максім Яблонскі. Толькі-толькі падключыліся да трэніровак у агульнай групе Андрэй Горбач і Арцём Канцавы. Трапленне ў заяўку на матч гэтых гульцоў магчыма, а вось з'яўленне на поле пакуль пад вялікім пытаннем. Пра траўмы ў постаці суперніка ў прэсе не паведамлялася;
- дыскваліфікаваных гульцоў у камандах няма.
Поўную версію прэв'ю чытайце на старонках матча «Нёман» — «Віцебск»
СТАРТАВЫЯ СКЛАДЫ
У папярэднім туры гродзенцы гулялі ў гасцях з мінскім «Дынама» (0:1), а «Віцебск» дома прымаў жодзінскае «Тарпеда-БелАЗ» (1:1). Так выглядалі склады каманд тыднем раней:
НЁМАН (4-2-3-1): Курганскі – Бебе, Кантарыя, Зубкоў, Абуна – Якімаў, Савасцьянаў (Рудзік, 64) - (к) Савіцкі, Жукоўскі, Бомбель (Клімовіч, 79) – Лакціёнаў (Хлебасолаў, 58). Запасныя: Жураў – Канцавы, Кавалёнак, Анюкевіч. Галоўны трэнер – І.Кавалевіч.
ВІЦЕБСК (3-4-1-2): (к) Гушчанка – Залескі, Наўмаў, Карамушка – Скітаў (Квашук, 87), Казлоў, Бабічаў, Золатаў - Салавей Арц. – Волкаў (Вяргейчык, 77), Мацвеенка (Вінаградаў, 77). Запасныя: Шчарбакоў – Ціханоўскі, Раджабаў, Баранок. Галоўны трэнер – С.Ясінскі.
НЕМАН (Гродно) — ВИТЕБСК (Витебск) – 1 : 4 (1 : 2)
НЕМАН: Курганскі – Абуна, Кантарыя, Зубкоў, Анюкевіч – Якімаў, Рудзік - (к) Савіцкі, Жукоўскі, Бомбель – Лакціёнаў. Запасныя: Жураў – Кавалёнак, Клімовіч, Хлебасолаў, Яроцкі, Хвалько, Журневіч. Галоўны трэнер – І.Кавалевіч.
ВИТЕБСК: (к) Гушчанка – Залескі, Наўмаў, Карамушка – Скітаў, Казлоў, Бабічаў, Золатаў - Салавей Арц. – Волкаў, Мацвеенка (Вінаградаў, 77). Запасныя: Шчарбакоў – Квашук, Ціханоўскі, Раджабаў, Баранок, Вяргейчык. Галоўны трэнер – С.Ясінскі.
Голы: 0:1 — М.Бабічаў (28),
1:1 — Р.Лакціёнаў (33)
1:2 — Р.Волкаў (36), 1:3 — А.Салавей (57), 1:4 — В.Квашук (89)
Поўны пратакол матча «Нёман» — «Віцебск» стане даступны за паўгадзіны да пачатку сустрэчы