Кантарыя стаў пятым легіянерам Вярнуцца да спісу
Сёння кантракт з гродзенскім «Нёманам» падпісаў грузінскі абаронца Гіоргі Кантарыя.
19-гадовы цэнтральны абаронца два папярэднія сезоны выступаў у мацнейшым дывізіёне Грузіі ў складзе аднаго з аўтсайдэраў турніру, у камандзе «Зугдзідзі» з аднайменнага горада. У сезоне 2015/16 года гэтая каманда толькі ў дадатковым матчы захавала прапіску ў першым дывізіёне, а вось у мінулым скарочаным пераходным сезоне «Зугдзідзі» заняў у сваёй падгрупе апошняе сёмае месца і апусціўся рангам ніжэй.
За гэтыя два сезону Кантарыя згуляў 24 матчы, у якіх зарабіў 5 папярэджанняў і 1 выдаленне.
У студзені 2017 года Гіоргі атрымаў статус вольнага агента, а ў сакавіку прыехаў на прагляд у гродзенскі клуб. Да заключэння кантракта Кантарыя без памылак адыграў у трох кантрольных паядынках, правёўшы на полі 213 хвілін. За час, пакуль абаронца быў у гульні, жоўта-зялёныя не прапусцілі ніводнага мяча.
Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Гіоргі Кантарыя.
Упэўненай гульні ў абароне, Гіоргі!