Хлебасолаў стаў гульцом «Нёмана» Вярнуцца да спісу
Нападнік Дзмітрый Хлебасолаў падпісаў кантракт з жоўта-зялёнымі. За гродзенскі клуб Дзмітрый будзе выступаць пад 20 нумарам.
Сваю прафесійную кар'еру гульца Дзмітрый пачаў у 2006 годзе, стаўшы гульцом футбольнага клуба «Баранавічы». Малады нападнік у 59 гульнях забіў 23 мяча, стаў прыцягвацца ў моладзевую зборную Беларусі U-19, а ў пачатку 2009 года перайшоў у маскоўскі «Спартак». З-за атрыманай траўмы, якую ён атрымаў на другі месяц знаходжання ў маскоўскім клубе, зайграць у асноўным складзе нападніку так і не ўдалося. У моладзевым першынстве Расіі адыграў ўсяго 11 сустрэч і забіў адзін гол.
З 2011 па 2013 год на правах арэнды выступаў у наваполацкім «Нафтане», жодзінскім «Тарпеда-БелАЗ» і дрэздэнскім «Дынама». 28 чэрвеня 2013 года датэрмінова скасаваў кантракт са «Спартаком» і ў якасці вольнага агента падпісаў пагадненне з «Гомелем». Да пераходу ў гродзенскі клуб паспеў змяніць яшчэ 5 клубаў: «Белшына» Бабруйск (2014), «Граніт-Мікашэвічы» (2015), «Віцебск» (2015), «Вісла» Пулавы (2016), «Баранавічы» (2016).
У Вышэйшай Лізе Беларусі адыграў 107 гульняў, забіў 24 мяча.
Удалага сезону, Дзмітрый!
