Прэзентацыя новай формы Вярнуцца да спісу
У будучым сезоне новым тэхнічным партнёрам гродзенскага клуба стане іспанская кампанія Joma.
Пачынаючы з сезона 2017 года, апроч асноўнай каманды ў новай форме будуць выступаць дублюючы склад клуба, а таксама ўсе 4 ўзроста юнацкіх каманд СДЮШАР «Нёмана», якія прадстаўляюць нашу каманду ў моладзевым першынстве краіны.
Гэтым супрацоўніцтвам мы пачынаем новую старонку ў гісторыі клуба. Мы ўпэўненыя, што прадукцыя кампаніі Joma задасць нашаму руху новы вектар, мэтай якога стане наш агульны поспех. Разам з Joma мы нацэлены развівацца і перамагаць.
Прэзентацыя новай формы адбудзецца 24 сакавіка ў Моладзевым Цэнтры «Гродна», які размешчаны па адрасе: вул.Савецкая, 7.
Дадзенае мерапрыемства будзе адкрытым, таму наведаць яго змогуць абсалютна ўсе жадаючыя. Мы шануем кожнага нашага заўзятара, па-за залежнасці ад яго становішча ў грамадстве. Разам мы «Нёман», разам мы Гродна!
У рамках гэтага мерапрыемства будуць прадстаўлены навічкі каманды, пройдзе некалькі конкурсаў, пераможцы якіх атрымаюць цікавыя прызы, будуць абвешчаныя капітан і віцэ-капітан каманды, а таксама адбудзецца сустрэча з заўзятарамі, на якой вы зможаце задаць пытанні нашым гульцам і галоўнаму трэнеру.
Папярэдні час пачатку прэзентацыі ў 18:30. Сачыце за нашымі навінамі.
