Клімовіч працягне выступаць за «Нёман» Вярнуцца да спісу

Выхаванец мінскай СДЮШАР-5 Уладзіслаў Клімовіч працягне на правах арэнды выступаць за гродзенскі клуб. Намеры і дамоўленасці зараз афіцыйна пацверджаны подпісам двух бакоў.

Дваццацігадовы нападнік у вялікім футболе з 2013 года, калі пачаў свой выступ у дублі нязменнага чэмпіёна краіны апошніх гадоў. Дэбютаваў у матчах асноўнага склада БАТЭ ў ліпені 2014 года і сыграў за барысаўскі клуб 2 матчы. З жніўня 2015 году знаходзіцца ў арэндзе. Першапачаткова ён быў арандаваны «Іслаччу», затым «Елгавай», а ў ліпені 2016 года на правах арэнды перайшоў у гродзенскі клуб. З-за траўмаў адыграў у мінулым чэмпіянаце за «Нёман» усяго ў пяці матчах.

Арэнднае пагадненне разлічана да канца гэтага сезона.

Падрабязная інфармацыя аб нашым гульцу ў любы момант даступная ў раздзеле ЖЗЛ. Жоўта-зялёныя людзі: Уладзіслаў Клімовіч.

Моцнага здароўя і ўдачы каля брамы суперніка, Уладзіслаў!