Па парадку разлічысь! Вярнуцца да спісу

Сёння ў Мінску пройдзе вызначэнне календара XXVII чэмпіянату Беларусі, які традыцыйна будзе называцца «Беларусбанк – чэмпіянат Рэспублікі Беларусь па футболе сезона 2017 года сярод каманд вышэйшай лігі». Другі год запар у мацнейшым дывізіёне краіны медалі будуць разыграны сярод 16 футбольных каманд.

Складанне раскладу турніру ў каторы раз будзе праведзена з дапамогай табліцы Бергера, названай так у гонар вядомага аўстрыйскага шахматыста і шахматнага тэарэтыка Іагана Непамука Бергера. Часам гэтую табліцу называюць табліцай чарговасці. Першапачаткова з дапамогай сляпога лёсавання клубам надаецца нумар ад 1 да 16. Затым па адпаведнай табліцы вызначаецца, удзельнікі з якімі нумарамі сустракаюцца адзін з адным у кожным туры. Шаснаццаты тур паўтарае першы, сямнаццаты паўтарае другі і гэтак далей, толькі ў другім крузе супернікі змяняюцца палямі.

Матчы першага туру:

1 тур

Віцебск (Віцебск) — Крумкачы (Мінск)
Дняпро (Магілёў) — Дынама-Мінск (Мінск)
Нафтан (Наваполацк) — Слуцк (Слуцк)
Тарпеда-БелАЗ (Жодзіна) — Іслач (Мінскі раён)
Нёман (Гродна) — Славія-Мазыр (Мазыр)
Гарадзея (Гарадзея) — Шахцёр (Салігорск)
Гомель (Гомель) — БАТЭ (Барысаў)
Мінск (Мінск) — Дынама-Брэст (Брэст)