Юнацкае першынство Гродзенскай вобласці Вярнуцца да спісу
У перыяд з мая па кастрычнік 2016 гады прайшло Першынство Гродзенскай вобласці па футболе сярод хлопчыкаў 2006 года нараджэння. Па рэгламенце турніру спаборніцтва было разбіта на дзве стадыі – папярэднюю і фінальную. На папярэдняй стадыі дзесяць каманд правялі па адным матчу адзін з адным і вызначылі шасцёрку лепшых каманд вобласці, якія ў далейшым паспрачаліся за прызавыя месцы.
У турніры прынялі ўдзел каманды шасці футбольных школ. Тры склады былі заяўлены нашай СДЮШАР «Нёман», па дзве каманды дэлегавалі СДЮШАР «Белкард» і ДЮСШ г. Слонім, па адным складу адправілі на спаборніцтва ДЮСШ г. Зэльва, ДЮСШ г. Ліда і ДЮСШ г. Смаргонь. Гульні папярэдняй стадыі былі разбітыя на 4 этапы: Слонімскі, Лідскі, Смаргонскі, Гродзенскі.
ПАПЯРЭДНЯЯ СТАДЫЯ
| # | каманды | 1 | 2 | 3 | 4 | 5 | 6 | 7 | 8 | 9 | 10 | мячы | а |
|---|---|---|---|---|---|---|---|---|---|---|---|---|---|
| 1 | «Белкард»-1 | Х | 4:1 | 6:1 | 6:2 | 3:6 | 15:0 | 4:3 | 5:0 | 15:0 | 18:0 | 76 – 13 | 24 |
| 2 | Смаргонь | 1:4 | Х | 2:1 | 3:0 | 6:3 | 9:0 | 5:1 | 5:0 | 9:0 | 3:1 | 43 – 10 | 24 |
| 3 | Слонім-1 | 1:6 | 1:2 | Х | 4:3 | 1:1 | 1:0 | 5:0 | 13:2 | 12:0 | 18:0 | 56 – 14 | 19 |
| 4 | «Нёман»-1 | 2:6 | 0:3 | 3:4 | Х | 5:0 | 8:1 | 5:1 | 5:0 | 5:0 | 8:1 | 41 – 16 | 18 |
| 5 | «Белкард»-2 | 6:3 | 3:6 | 1:1 | 0:5 | Х | 3:5 | 4:1 | 11:3 | 10:0 | 5:0 | 43 – 24 | 16 |
| 6 | «Нёман»-2 | 0:15 | 0:9 | 0:1 | 1:8 | 5:3 | Х | 6:2 | 7:1 | 5:0 | 3:1 | 27 – 40 | 15 |
| 7 | Ліда | 3:4 | 1:5 | 0:5 | 1:5 | 1:4 | 2:6 | Х | 2:0 | 5:0 | 8:0 | 23 – 29 | 9 |
| 8 | Слонім-2 | 0:5 | 0:5 | 2:13 | 0:5 | 3:11 | 1:7 | 0:2 | Х | 4:3 | 5:0 | 15 – 51 | 6 |
| 9 | «Нёман»-3 | 0:15 | 0:9 | 0:12 | 0:5 | 0:10 | 0:5 | 0:5 | 3:4 | Х | н/с | 3 – 65 | 0 |
| 10 | Зэльва | 0:18 | 1:3 | 0:18 | 1:8 | 0:5 | 1:3 | 0:8 | 0:5 | н/с | Х | 3 – 68 | 0 |
Па выніках кваліфікацыі ў фінальную частку спаборніцтваў трапілі па два прадстаўнікі гродзенскіх СДЮШАР, а таксама слонімская і смаргонская каманды. Перад пачаткам фінальнага этапу каманды размясціліся згодна набраных у кваліфікацыі ачках.
| # | каманды | 1 | 2 | 3 | 4 | 5 | 6 | мячы | а |
|---|---|---|---|---|---|---|---|---|---|
| 1 | СДЮШАР «Белкард» - 1 (Гродна) | Х | 4:1 | 6:1 | 6:2 | 3:6 | 15:0 | 34 – 10 | 12 |
| 2 | ДЮСШ г. Смаргонь | 1:4 | Х | 2:1 | 3:0 | 6:3 | 9:0 | 21 – 8 | 12 |
| 3 | ДЮСШ г. Слонім - 1 | 1:6 | 1:2 | Х | 4:3 | 1:1 | 1:0 | 8 – 12 | 7 |
| 4 | СДЮШАР «Нёман» - 1 (Гродна) | 2:6 | 0:3 | 3:4 | Х | 5:0 | 8:1 | 18 – 14 | 6 |
| 5 | СДЮШАР «Белкард» - 2 (Гродна) | 6:3 | 3:6 | 1:1 | 0:5 | Х | 3:5 | 13 – 20 | 4 |
| 6 | СДЮШАР «Нёман» - 2 (Гродна) | 0:15 | 0:9 | 0:1 | 1:8 | 5:3 | Х | 6 – 36 | 3 |
ФІНАЛЬНАЯ СТАДЫЯ
12 і 13 кастрычніка ў горадзе Слоніме прайшла фінальная стадыя спаборніцтваў. Пасля пяці тураў, якія каманды правялі за два гульнявых дня, турнірная табліца прыняла канчатковы выгляд. Для нашых хлопцаў вынікі несуцяшальныя – абедзве каманды не патрапілі ў прызавыя месцы. Калі другая каманда нашай школы прыемна здзівіла, паказаўшы больш якасны футбол, чым на папярэднім этапе, то першая каманда гэтага ўзросту пазіцыю здала. Прычынай такога выніку стала адсутнасць вялікай колькасці хлопцаў – у Слонім адправіліся толькі восем хлапчукоў з чатырнаццаці.
Другі склад у першы гульнявы дзень перайграў «Белкард»-2 з лікам 4:2 (Карнаух, Сіротка-2, аўтагол) і «Нёман»-1 6:3 (Харашун-5, Конан). На наступны дзень хлапчукам атрымалася даць бой у 5 таймах з шасці. Правальным атрымаўся толькі другі тайм гульні супраць Слоніма. Да перапынку хлапчукі навязалі суперніку сваю гульню, аднак не рэалізавалі некалькі верных момантаў і не забілі пенальці, прапусціўшы мяч за дзве хвіліны да перапынку. У першыя пяць хвілін другой паловы сустрэчы каманды абмяняліся галамі, аднак далей забіваў толькі Слонім. У выніку атрымаўся разгром 1:7 (Сіротка). Нягледзячы на такі вынік, хлапчукі змаглі сабрацца і ледзь не стварылі сенсацыю. Яшчэ за шэсць хвілін да канца матчу супраць першага «Белкарда» нашы хлопцы ўпэўнена вялі гульню і вялі ў рахунку 1:0. Аднак прапушчаны мяч моцна засмуціў хлопцаў і яны лёгка дазволілі белкардаўцам вырваць у канцоўцы перамогу – вынік сустрэчы 1:3 (Карнаух). Апошні матч наша другая каманда гуляла ўжо супраць чэмпіёна. Смаргонь упэўнена прайшла ўсю доўгую дыстанцыю, прайграўшы толькі ў адным матчы з дзесяці (разам з папярэдніх этапам). І ў гэтым матчы Смаргонь была мацней – параза гродзенцаў 0:4, але ўжо не настолькі, наколькі яны былі мацнейшыя на папярэднім этапе.
Першы склад прыехаў на турнір ужо ў вельмі ўрэзаным складзе, таму другі нашай камандзе прыйшлося падзяліцца – на дапамогу першым былі аддадзены два гульца. Такое становішча рэчаў не магло не адбіцца на выніках. У першы дзень хлопцы прайгралі першаму «Белкарду» 1:5 (Казюліс) і другому складу «Нёмана» 3:6 (Янчанка-2, Казюліс). У другі гульнявы дзень хлапчукі ў роўнай барацьбе саступілі будучым пераможцам турніру камандзе са Смаргоні 0:3, затым згулялі ўнічыю са Слонімам 2:2 (Янчанка, Казюліс-пен), і толькі ў заключным матчы атрымалі перамогу над другім «Белкард» 4:1 (Коцін-2, Янчанка, Казюліс). Трэба адзначыць, што хлапчукі ва ўсіх пяці матчах упусцілі шмат галявых момантаў, што не дазволіла ім уклініцца ў барацьбу за прызавыя месцы.
Вынікі фінальнага этапу вылучаныя болдам.
| # | каманды | 1 | 2 | 3 | 4 | 5 | 6 | мячы | а |
|---|---|---|---|---|---|---|---|---|---|
| 1 | ДЮСШ г. Смаргонь | Х | 1:4 3:1 |
2:1 6:1 |
3:0 3:0 |
9:0 4:0 |
6:3 3:1 |
40 – 11 | 27 |
| 2 | СДЮШАР «Белкард» - 1 (Гродна) | 4:1 1:3 |
Х | 6:1 0:2 |
6:2 5:1 |
15:0 3:1 |
3:6 3:2 |
46 – 19 | 21 |
| 3 | ДЮСШ г. Слонім - 1 | 1:2 1:6 |
1:6 2:0 |
Х | 4:3 2:2 |
1:0 7:1 |
1:1 3:1 |
23 – 22 | 17 |
| 4 | СДЮШАР «Нёман» - 1 (Гродна) | 0:3 0:3 |
2:6 1:5 |
3:4 2:2 |
Х | 8:1 3:6 |
5:0 4:1 |
28 – 31 | 10 |
| 5 | СДЮШАР «Нёман» - 2 (Гродна) | 0:9 0:4 |
0:15 1:3 |
0:1 1:7 |
1:8 6:3 |
Х | 5:3 4:2 |
18 – 58 | 9 |
| 6 | СДЮШАР «Белкард» - 2 (Гродна) | 3:6 1:3 |
6:3 2:3 |
1:1 1:3 |
0:5 1:4 |
3:5 2:4 |
Х | 20 – 37 | 4 |
Склады каманд:
«Нёман»-1: брамнік Мікіта Філян, палявыя гульцы Яўген Янчанка, Дзіланас Казюліс, Мацвей Коцін, Алег Лісоўскі, Назар Макарчыкаў, Захар Строк, Іван Домаш, Арцём Хоха, Кірыл Семашка. Трэнер – Ігар Латаш.
«Нёман»-2: брамнікі Пётр Мухін, Даніла Белецкі, палявыя гульцы Алег Пятроўскі, Уладзіслаў Сіротка, Уладзіслаў Ігнатовіч, Цімаей Карнаух, Арцём Конон, Ягор Харашун, Улазіслаў Запаснік, Мікалай Качук, Дзмітрый Маркевіч, Дзяніс Богдан. Трэнер – Мікалай Гурэнка.
