Юнацкае першынство Вярнуцца да спісу
Заўтра ўсе нашы чатыры ўзросты згуляюць у Гродна чарговыя матчы юнацкага першынства Беларусі.
Першымі сыдуцца ў гарадзенскім дэрбі малодшыя хлопцы. Матч «Нёман» U-15 - «Белкард» U-15 пачнецца ў 09:45 (каманда Артура Крываноса), а следам за імі ў 11:30 стартуюць склады гэтых жа каманд наступнага ўзросту (каманда Віктара Юйко).
Адразу ж пасля малодшых, два старэйшых узросты згуляюць з юнакамі з мікашэвіцкага «Граніта». Каманда Марата Белезяка (U-17) свой матч пачне ў 13:00, а самыя старэйшыя прадстаўнікі нашай школы будуць зачыняць футбольную суботу. Гульня каманды Івана Белавія (U-19) пачнецца ў 15:00.
Коратка паведамім аб папярэдніх матчах нашых дзіцячых каманд (спасылкі вядуць на пратаколы матчаў).
U15 / U16. НЁМАН — ШАХЦЁР, СЛУЦК — НЁМАН
Каманда Артура Крываноса дома згуляла ўнічыю з адным з лідараў групы «А» салігорскім «Шахцёром» 2:2 (Дубль аформіў Максім Краўцоў), а ў гасцях перайгралі аднагодкаў «Слуцка» 2:0 (галы забілі Эдуард Пакачайла і Арцём Кітурка).
Каманда Віктара Юйко перамагла салігорскую каманду 2:1 (галы Мікіта Кануннікаў і Аляксей Ванюкевіч), а затым нечакана саступіла «Слуцку» з лікам 0:2.
U17 / U19. НЁМАН — СЛУЦК, ГАРАДЗЕЯ — НЁМАН
Старэйшыя абышліся ў гэтых двух турах без паражэнняў. Каманда Марата Белезяко атрымала на гэтым адрэзку дзве перамогі. Слуцк дома быў біты з лікам 8:0 (па два разы вызначыліся Дзмітрый Вашкевіч і Максім Сегень, па адным мячы забілі Данііл Копач, Аляксандр Мялік, Андрэй Богдан і Эдгар Чарняк), а гарадзейцаў жоўта-зялёныя перайгралі на выезде 2:0 (Дзмітрый Вашкевіч і Максім Сегень).
Зноў незапланавана страцілі ачкі самыя старэйшыя нашы хлопцы. Каманда Івана Белавы, маючы на працягу ўсяго матчу пераважную гульнявую перавагу, дома не змаглі перайграць «Слуцк», згулялі з імі ўнічыю 1:1 (Марк Усовіч). На выезде хлопцы больш рашуча падышлі да сваіх галявых момантаў і перамаглі «Гарадзею» з лікам 4:1 (галы забілі Арцём Кузьміцкі, Кірыл Пилец, Максім Грыгор'еў і Ягор Васільчук)
