Сляпое лёсаванне Вярнуцца да спісу
Чакаць суперніка, з якім нам трэба будзе пазмагацца на стадыі 1/8 фіналу Кубка Беларусі, засталося ўжо менш за тыдзень. Лёсаванне чарговай стадыі цяперашняга розыгрышу адбудзецца 27 ліпеня ў Доме футбола, пачатак мерапрыемства ў 12:00.
З шаснаццаці каманд, якія працягнуць барацьбу за другі па значнасці трафей Беларусі, на дадзены момант вядомыя толькі дванаццаць. Тры з іх прадстаўляюць другі дывізіён – «Гомельчыгунтранс» (Гомель), «Смаргонь» і «Баранавічы», а дзевяць каманд Вышэйшую Лігу – «Дынама-Брэст», «Гарадзея», «Тарпеда-БелАЗ» (Жодзіна), «Славия-Мазыр»,«Нафтан» (Наваполацк),«Віцебск»,«Мінск»,«Слуцк» і наш гарадзенскі «Нёман».
Буйная кубкавая перамога над стаўбцоўскім клубам «Нёман-Агра».
Астатнія чатыры патэнцыйных суперніка жоўта-зялёных вызначацца крыху пазней: 26 ліпеня згуляюць «Вертыкаль» (Калінкавічы) і «Іслач», 1 верасня «Гомель» і «Дынама-Мінск» 5 верасня «Тарпеда» (Магілёў) і БАТЭ, 6 верасня «Ліда» пазмагаецца з «Шахцёр» з Салігорску.
Пачынаючы са стадыі 1/8 фіналу лёсаванне будзе сляпым. Гэта значыць, што гродзенскі клуб можа атрымаць у супернікі абсалютна любую каманду з гэтага спісу. Дакладна і тое, што гэты матч можа адбыцца ў Гродне. Галоўнае, каб наша каманда была выцягнутая першай у адной з гуляючых пар. Матчы гэтай стадыі запланавана правесці 21 верасня 2016 года.
