Нашыя ў першай лізе Вярнуцца да спісу
За гэты месяц у Першай Лізе былі сыграны 4 туры. Усе тры каманды, у якіх выступаюць аддадзеныя ў арэнду нашы гульцы, згулялі ў першы летні месяц няўдала. «Ліда» здала 8 пазіцый, а «Смаргонь» і «Баранавічы» апусціліся ў турнірнай табліцы радком ніжэй. У трох каманд цяпер у актыве па 10 ачкоў, і 12-е, 10-е і 11-е месца, адпаведна. Не абыйшлося і без наступстваў. Тры паражэнні «Ліды» запар прывялі да адстаўкі галоўнага трэнера клуба Віталя Тарашчыка.
Галамі ў гэтым месяцы вызначыўся толькі Антон Лукашын, які забіў два мячы з чатырох лідскіх. Праўда галы гэтыя ачкоў камандзе не прынеслі. Гольцаў паспеў атрымаць чацвёртае папярэджанне і адбыць дыскваліфікацыю.
У «Баранавічах» уся наша тройца выходзіць у кожным матчы. Забелін практычна гуляе ад званка да званка і на яго рахунку дадаўся галявы пас, а вось Цеслюкевіч і Касцючык гуляюць менш.
У «Смаргоні» жалезнае месца ў аснове толькі ў Ганчарука, які прапусціў у гэтым сезоне пакуль толькі 23 гульнявыя хвіліны ад згулянага. Васілючак ў гэтых чатырох матчах з'явіўся на поле толькі раз і быў блізкі да другога свайго сухога матчу, аднак у самым канцы матчу з мінскім «Лучом» яму давялося двойчы даставаць мяч з сваёй брамы. На 89-й хвіліне галкіпер прапусціў мяч са штрафнога, а на 4-й дададзенай дазволіў суперніку лік зраўняць.
Матчы 7-га тура
«Ліда» – «Баранавічы» - 1:1. Гольцаў (90), Лукашын (90) – Косцючык (63 заменены), Цеслюкевіч (27 выйшаў), Забелін (76, заменены). «Смаргонь» – «Орша» - 3:0. Ганчарук (90, жк)
Матчы 8-га тура
«Дняпро» (Магілёў) – «Смаргонь» - 4:0. Ганчарук (90). «Ліда» – «Слонім» - 2:4. Гольцаў (90, жк), Лукашын (90, гол, жк). «Барановічы» – «Ашмяны» - 1:0. Косцючык (9, выйшаў), Цеслюкевіч (61, жк, заменены), Забелін (89, заменены)
Матчы 9-га тура
«Смаргонь» – «Луч» - 2:2. Васілючак (90), Ганчарук (90). «Зорка» – «Ліда» - 2:0. Гольцаў (дыскваліфікацыя), Лукашын (90). «Слонім» – «Баранавічы» - 4:1. Касцючык (51, заменены), Цеслюкевіч (79, заменены), Забелін (90, пас).
Матчы 10-га тура
«Хімік» (Светлагорск) – «Смаргонь» - 2:0. Васілючак (не гуляў), Ганчарук (90). «Ліда» – «Смалевічы СТІ» - 1:5. Гольцаў (45, выйшаў), Лукашын (90, 1 гол). «Баранавічы» – «Орша» - 0:1. Касцючык (14, выйшаў), Цеслюкевіч (76, заменены), Забелін (90).
СТАТЫСТЫКА
Індывідуальныя дадзеныя па гульцам прыведзены на 30 чэрвеня (пасля 10-га тура)
гулец | каманда | гульні | хв | г + п | ж/2ж/ч |
---|---|---|---|---|---|
ВАСІЛЮЧАК Уладзіслаў | Смаргонь | 3 / 1 | 270 | -3 | 1/0/0 |
ГАНЧАРУК Кірыл | Сморгонь | 10 | 877 | 0 + 0 | 2/0/0 |
КАСЦЮЧЫК Антон | Баранавічы | 10 | 499 | 0 + 0 | 0/0/0 |
ЦЕСЛЮКЕВІЧ Павел | Баранавічы | 9 | 519 | 0 + 1 | 1/0/0 |
ЗАБЕЛІН Павел | Баранавічы | 10 | 844 | 3 + 1 | 1/0/0 |
ГОЛЬЦАЎ Юрий | Ліда | 9 | 704 | 0 + 0 | 4/0/0 |
ЛУКАШЫН Антон | Ліда | 10 | 752 | 2 + 0 | 1/0/0 |
У 11-ым туры сустракаюцца «Зорка-БДУ» - «Баранавічы», «Тарпеда» (Мінск) - «Ліда», «Смаргонь» - «Гомель». Усе гульні пройдуць 2 ліпеня.
КУБАК БЕЛАРУСІ
У чарговым розыгрышы Кубка Беларусі каманды Першай Лігі пачалі з 1/32 фіналу. Усе тры цікавыя для нас каманды атрымалі ў гасцях перамогу і выйшлі ў наступны этап розыгрышу. «Ліда» ў Чысці, дзякуючы галу Лукашына перайграла «Забудову-Буд» 1:0, а «Баранавічы» і «Смаргонь» сваіх супернікаў разграмілі. Першыя лёгка разабраліся з «Рагачовам-МК» 7:2, а другія, таксама з розніцай у пяць мячоў, перайгралі «Вікторыю» з Мар'інай Горкі 5:0. Усе нашы хлопцы прымалі ўдзел у гэтых матчах. Цеслюкевіч, Касцючык, Забелін, Васілючак, Ганчарук і Лукашын адыгралі па 90 хвілін, а Гольцаў быў заменены на 53-й хвіліне. Акрамя Лукашына ў кубкавай сустрэчы вызначыўся яшчэ і Цеслюкевіч, аформіўшы ў матчы супраць рагачоўскага клуба хет-трык. Двойчы яму асіставаў Забелін.
Індывідуальныя дадзеныя па гульцам прыведзены на 30 чэрвеня (пасля 1/32 фіналу)
гулец | каманда | гульні | хв | г + п | ж/2ж/ч |
---|---|---|---|---|---|
ВАСІЛЮЧАК Уладзіслаў | Смаргонь | 1 / 1 | 90 | 0 | 0/0/0 |
ГАНЧАРУК Кірыл | Смаргонь | 1 | 90 | 0 + 0 | 0/0/0 |
КАСЦЮЧЫК Антон | Баранавічы | 1 | 90 | 0 + 0 | 0/0/0 |
ЦЕСЛЮКЕВІЧ Павел | Баранавічы | 1 | 90 | 3 + 0 | 0/0/0 |
ЗАБЕЛІН Павел | Баранавічы | 1 | 90 | 0 + 2 | 0/0/0 |
ГОЛЬЦАЎ Юрый | Ліда | 1 | 52 | 0 + 0 | 0/0/0 |
ЛУКАШЫН Антон | Ліда | 1 | 90 | 1 + 0 | 0/0/0 |
У 1/16 фіналу «Баранавічы» прымуць «Белшыну», «Смаргонь» згуляе супраць «Граніту», а «Ліда» пазмагаецца за пуцёўку ў наступны раўнд супраць салігорскага «Шахцёра».