«Дынама-Мінск» — «Нёман»: перамога Вярнуцца да спісу

Сёння ў Мінску на стадыёне «Трактар» ў 13-ым туры чэмпіянату Беларусі сыдуцца менскае «Дынама» і гродзенскі «Нёман».

18:03

Ужо сталі вядомыя склады каманд. У нашай каманды ёсць невялікія змены. Калі схема гульні засталася незменнай - гродзенцы пачнуць гульню па прыжыўшыйся ў «Нёмане» гульнявой расстаноўцы 4-2-3-1, то сярод выканаўцаў адзін адсутнічае. Не выйдзе ў стартавым складзе Аляксандр Анюкевіч. Яго месца на левым краі абароны зойме Аляксандр Пазняк. У цэнтры разам з Сасноўскім згуляе Горбач. Больш нечаканым стала рашэнне новага галаўкама гродзенцаў Ігара Кавалевіча па адзінаму нападніку. З першых хвілін бачыць у атацы будзем Кірыа Вяргейчыка. Вярнуўся ў апорную зону Дурай, які складзе пару Бебе. Камерунец з абаронцы перакваліфікаваўся ў паўабаронцы і апошнія матчы гуляе менавіта ў апорнай зоне. 

18:35

Судзіць сённяшнюю сустрэчу будуць суддзя з Магілёва Андрэй Дзівакоў. Дапамагаць яму будуць Андрэй Герасімук (Брэст) і Алег Маслянка (Кобрын). Дзівакоў шэсць разоў судзіў матчы з удзелам нашага клуба. Два кубкавых матчу супраць рэчыцкага клуба (3:0, 0:0), два матчу супраць «Слуцка» (2:0, 0:4), гульні з «Гомелем» (0:0) і «Віцебскам» (0:0 ). Разам атрымліваецца: +2=3-1, розніца мячоў 5-4. 

8:45

Аснова размінаецца на правай палове поля.

Каля кутавога сцяжка працуюць хлопцы, якія засталіся ў запасе.

18:54

Заўзятары да матчу гатовыя

ДЫНАМА-МІНСК (Мінск) — НЁМАН (Гродна) – 0 : 0 (0 : 0)

Дынама-Мінск: Гутар - Астраўх, Бангура, Швецоў, Габоўда, Капленка, Хвашчынскі, Быкаў, Прамудраў, Рассадкін, Роткович. Запасныя: Ігнатовіч - Казлоў, Мунір, Яроцкі, Зубовіч, Шрамчанка, Велько.

Нёман: Курганскі - Лешка, (к) Сасноўскі, Горбач, Пазняк - Бебе, Дурай - Васькоў, Канцавы, Савіцкі - Вяргейчык. Запасныя: Жураў - Кавалюк, Кавалёнак, Анюкевіч, Бомбель, Савасцьянаў, Васілюк.

Поўны пратакол сустрэчы даступны на старонках матча «Дынама-Мінск» - «Нёман»

18:56

Каманды выйшлі на поле. Гучыць гімн.

3'

Дынамаўцы зарабілі першы кутавы ў матчы. Нічога небяспечнага - Курганскі лёгка забірае мяч у рукі

6'

Яшчэ адзін кутавы каля брамы гродзенскага клуба. На гэты раз мяч адразу вынесці не ўдалося. Дурай галавой не дацягнуўся, невялікая мітусня і з другой спробы мяч абаронцы вынеслі з штрафной.

9'

Габовда са штрафнога падаў, ускід галавой на Хвашчынскага, але той не дацягнуўся да мяча. Да таго ж ён быў у становішчы па-за гульнёй

11'

Ужо наша каманда выконвала штрафны. Галавой прабіў Горбач - мяч ляціць міма.

14'

Ну што ты будзеш рабіць!!! У цэнтры поля траўму атрымлівае Бебе. Лекары на поле, гульцы паказваюць, што патрабуюцца насілкі.

У выніку замест камерунца на поле выходзіць Кавалюк.

20'

Першы кутавы каля брамы гаспадароў. Васькоў падае на далёкую штангу - Дурай галавой б'е ў кут, але не трапляе ў створ. Гутар ўважліва сачыў за тым, што адбываецца.

25'

Лешка недазволеным прыёмам перапыніў контратаку гаспадароў - папярэджанняў

26'

Яшчэ адна картка паказаная гродзенцам. На гэты раз груба ззаду ссек дынамаўца Кавалюк. Не спраўляюцца жоўта-зялёныя за перамяшчэннем мінчан, адсюль і парушэнні.

31'

Габовда ссек ля бакавой лініі гульца нашай каманды - папярэджанне.

32'

ГООООООООООООЛ! Чарговы штрафны скончыўся ўзяццем брамы Гутара! Кавалюк падаў мяч у штрафную, Горбач выскачыў вышэй іншых і прабіў прама ў кут брамы мінчан. Гутар нават не варухнуўся - 0:1!!!!

39'

Мінчане разганялі атаку левым краем, але Сасноўскі на самай лініі штрафной рукамі заваліў суперніка на газон. Чарговая жоўтая картка. Габовда добра прабіў над сценкай, мяч зачапіў некага з гульцоў у зялёнай форме і сышоў на кутавы.

40'

Тры запар кутавых падалі гаспадары. Нашы хлопцы пакуль ўдала адбіваюцца.

45+1'

Пазняк выканаў яшчэ адну добрую падачу са штрафнога, мяч зрыкашэціў і свечкай завіс над Савіцкім - удар слёту і толькі ў апошні момант Астравух змог заблакаваць вельмі небяспечны ўдар гродзенца! Яшчэ адзін галявы момант ля брамы Гутара.

46'

Стартаваў другі тайм. Ужо можаце галасаваць за лепшага гульца нашай каманды ў гэтым матчы. Глядзіце і галасуйце!

53'

«Дынама» акупавала тэрыторыю і расхіствае абарону гасцей. Гродзенцы стрымліваюць націск гаспадары пры выпадку вялікімі сіламі ідуць у атаку

54'

Савіцкі накруціў дваіх каля кутавога сцяжка, увайшоў у штрафную і левай нагой прабіў у блізкі кут брамы - Гутар на месцы! Нядрэнны момант стварыў сабе Павел

57'

Быкаў паспрабаваў прабіць з-за межаў штрафной - вельмі недакладна

58'

Вяргейчык атрымаў рукой у твар. Штрафны. Кавалюк зрабіў скід мяча на левы край, Пазняк адразу ж навесіў у штрафную, куды ўварваўся Дурай і галавой прабіў па браме - мяч ляціць побач са штангай!

60'

Зубовіч выходзіць замест Роткавіча

62'

Выдаленне ў складзе мінчан! Габоўда не паспеў да вылецеўшага з штрафной мяча, яго падхапіў Васькоў і адным дотыкам пракінуў яго міма Габоўды. Абаронца мінчан збіў гульца гродзенскай каманды - другая жоўтая і выдаленне!

64'

Які момант у Савіцкага! Мяч пасля падачы Васькова дайшоў да Паўла, той адным дотыкам мяч прыняў, а другім слёту прабіў у далёкі ад брамніка кут! Мяч размінуўся са штангай ў лічаныя сантымэтры!!!

66'

Ухххх! Зараз ужо вязе нам! Зубовіч ва ўпор б'е па браме і толькі Васькоў, які застаўся каля штангі, перашкаджае мячу ўляцець у сетку браму Вельмі небяспечна было пасля кутавога.

68'

Замены ў двух камандах: Яроцкі выйшаў замест Хвашчынскага, Васілюк выйшаў замест Вяргейчыка

70'

Яшчэ раз фартуна на нашым баку. Нашы сфаліць паблізу штрафны - удар, мяч трапіў у Горбача і ледзь не ўляцеў у процілеглы ад брамніка кут брамы

71'

А зараз Рассадкін з двух метраў б'е вышэй брамы. Правальваюцца нашы

74'

Прамудраў галавой б'е па браме - мяч трапляе ў папярэчыну

76'

Кавалевіч правёў апошнюю замену ў матчы: Савасцьянаў выйшаў замест Дурая

78'

Кавалюк са штрафнога навешвае да брамы, Сасноўскі галавой б'е - мяч ляціць у далёкі кут, але там Гутар ў падзенні ловіць мяч

81'

Савіцкі пракінуў мяч міма абаронцы і з 20-ці метраў прабіў - мяч ляціць над папярэчынай

82'

Апошняя замена ў складзе менчукоў: Прэмудраў пакінуў поле, выйшаў Мунір

83'

Швецоў атрымаў папярэджанне

85'

Кавалюк б'е з 23-х метраў - міма брамы

89'

Завалілі Савіцкага у кута поля. Кавалюк падае, мяч абаронцы выносяць - Васькоў слёту б'е і трапляе ў створ. Гутар зноў выразна фіксуе мяч

90'

Чатыры хвіліны дадае суддзя

Гучыць фінальны свісток! Перамога!!! Кавалевіч пачынае з перамогі! І становіцца чацвёртым трэнерам у гісторыі клуба, які дэбютуе з нашай камандай з перамогі! Тут больш падрабязна

АГЛЯД

ФОТАЗДЫМКІ