«Гарадзея» — «Нёман»: чарговая параза Вярнуцца да спісу

Зусім хутка Віктар Шымусік дасць стартавы свісток матчу «Гарадзея» - «Нёман». Перад 11-м турам каманды размясціліся ў турнірнай табліцы наступным чынам: гаспадары з 12-ю ачкамі знаходзяцца на 10-й пазіцыі, а госці з 6-ю ачкамі замыкаюць табліцу.

У склад каманд у параўнанні з мінулым матчам мінімальнае змяненне. У стартавым складзе гаспадароў не выйдзе Пятроў, замест яго будзе нападнік Сарока. У гарадзенцаў заяўка на гэты матч цалкам супадае з папярэднім матчам. Адзінае змяненне крыецца толькі ў расстаноўцы: Савіцкі сёння будзе гуляць цэнтральнага нападніка.

Нагадаем, што ўчора наша маладзёжка на гэтым полі вырвала перамогу ў гарадзейцаў. У самым канцы матчу супер-удар выканаў Мікіта Чайка. Пратакол і справаздачу матчу доступны на старонках матчу дублюючых складаў.

ГАРАДЗЕЯ (Гарадея) — НЁМАН (Гродна) – 2 : 1 (2 : 1)

Гарадзея: Часноўскі - Паўлючак, Пласконны, Усеня, Яраслаўскі - Калядка, (к) Лебедзеў, Міловановіч, Пархачоў, Тупчий - Сарока. Запасныя: Скіндэрыс - Шасцілоўскі, Халецкі, Мартынец, Калпачук, Пятроў, Коўб.

Нёман: Курганскі - Бебе, (к) Сасноўскі, Пазняк, Анюкевіч - Кавалюк, Дурай - Васькоў, Васілюк, Канцавы - Савіцкі. Запасныя: Жураў - Вяргейчык, Кавалёнак, Журневич, Лешка, Бомбель, Горбач.

Галы: 1:0 - А.Сарока (17), 1:1 - П.Савіцкі (20), 2:1 - Д.Лебедзеў (33)

У першым тайме больш удала ў атацы згулялі гаспадары, забіўшы ў браму Курганскага два мячы. На 17-й хвіліне добра на паўзе ў штрафной прыбраў абаронцы Сарока, а на 33-й хвіліне фірмовы далёкі ўдар атрымаўся ў Лебедзева. Дзіўна, што ніхто з жоўта-зялёных не вылучыўся на гульца, і, тым самым, дазволілі капітану гаспадароў бесперашкодна выканаць гэты ўдар. Гродзенцы да перапынку адказалі адным голам. Першы мяч за каманду ў гэтым сезоне забіў Савіцкі, з другога ўдару паслаўшы мяч у сетку браму на 20-й хвіліне сустрэчы.

У другім тайме ледзь шустрэй гуляла гарадзенская каманда. Ім трэба было забіваць. Аднак па-сапраўднаму небяспечна каля брамы Часноўскага было толькі двойчы. Першы раз, калі памыліўся на выхадзе Часноўскі. Гэты момант здарыўся на 79-й хвіліне матчу. Сасноўскі прабіў галавой па пустой браме, але ў рамку не трапіў. На апошняй хвіліне адразу біў пакінуты на далёкай штанзе Бомбель - міма брамы. Гаспадары гулялі па ліку, высока сустракаючы атакі жоўта-зялёных. Гаспадары, гуляючы на контратаках, стварылі два небяспечных моманта.

Поўны пратакол сустрэчы даступны на старонках матча «Гарадзея» - «Нёман»

АГЛЯД

ФОТАЗДЫМКІ