Другі дывізіён Вярнуцца да спісу

Працягваем знаёміць з выступам аддадзеных у арэнду гульцоў «Нёмана» у Першай Лізе. Перамогу не ўдалося атрымаць ніводнай з каманд, у якіх выступаюць нашы футбалісты. Адзіная нічыя дасталася камандзе з Баранавічаў, а Павел Забелін вызначыўся ў другім матчы запар.

«Хімік» (Светлагорск) – «Баранавічы» - 2:2. «Баранавічы» ў Светлагорску прайгравалі па ходзе матчу два мяча, аднак у другім тайме знайшлі ў сабе сілы адыграцца. Праз дзесяць хвілін пасля пачатку другой паловы сустрэчы Косцючак планава замяніў Цеслюкевіча, а вось Забелін адыграў ад званка да званка. Менавіта яго ўдар за чатыры хвіліны да заканчэння асноўнага часу матчу прынёс чырвоным нічыйны вынік. Фатальным для гаспадароў стаў чарговай кутавы: падача, ускід галавой і Забелін у дотык пераправіў мяч міма брамніка ў дальні кут брамы. У наступным туры «Баранавічы» прымаюць «Смаргонь».

«Ліда» – «Дняпро» (Магілёў) - 0:1. Лідчане дома мінімальна саступілі магілёўскаму «Дняпру», які ў гэтым сезоне, несумненна, будзе прэтэндаваць на павышэнне. Гаспадары прапусцілі адзіны мяч на 66-й хвіліне і ўжо не змаглі адыграцца. Лукашын і Гольцаў правялі матч без замен. Гольцаў быў папярэджаны.

«Смаргонь» – «Тарпеда-Мінск» (Мінск) - 1:2. «Смаргонь» дома прайграла мінскім тарпедаўцам. Васілючак не гуляў, а вось Ганчарук правёў на полі 90 хвілін.

СТАТЫСТЫКА

Індывідуальныя дадзеныя па гульцам прыведзены на 1 траўня (пасля 3-га тура)

гулец каманда гульні хв г+п ж/2ж/ч
ВАСІЛЮЧАК Уладзіслаў Смаргонь 2 / 1 180 -1 1/0/0
ГАНЧАРУК Кірыл Смаргонь 3 270 0 + 0 1/0/0
КАСЦЮЧЫК Антон Баранавічы 3 92 0 + 0 0/0/0
ЦЕСЛЮКЕВІЧ Павел Баранавічы 3 186 0 + 0 0/0/0
ЗАБЕЛІН Павел Баранавічы 3 270 2 + 0 1/0/0
ГОЛЬЦАЎ Юрый Ліда 3 252 0 + 0 2/0/0
ЛУКАШЫН Антон Ліда 3 262 0 + 0 0/0/0

Матчы чацвёртага тура ў другім дывізіёне пройдуць 7 і 8 траўня.